تفتفة وكتمة الجمس 2001

[راعي الاكورد]

السلام عليكم ورحمة الله وبركاته

اخواني عندي جمس 2001 امريكي ماشي 160.000ميل

لين عبيت البانزين فل وشغلت السيارة اول شئ يبدا يكتم وبعدين يمشي زي الحلاوة

أما الان فصار الموتر يتفتف تفتفة الله لايوريكم

إذا وقفت عند إشارة ودعست كل البنص مايمشي ابدا والضغط ثابت على نص

ومرة يمشي والضغط 2 وتدعس مايمشي إلى لما تدعس الدعسة كلها

واللي يقهرني أنه تجيه طنات يمشي زي الحلاوة ثمن عقبها يتفتف

وش الحل ياجماعة الخير نبي حل مضبوط ومجرب 100%


وفي سؤال ثاني كيف اعرف ان طرمبة البانزين زينة ولا لا


مع العلم ان السيارة لها سنة معي واول ماشريتها عبيت 95 وصار الموتر يتفتف ويوم عبيت 91 خفت التفتفة

[جيناكم كشاته]

السلام عليكم

تاكد من اسلاك البواجي

وايضا طرمبة البنزين والصفاي

[ابولولو]

اخوي فيه حل بسيط وبريال لاتستغرب واحد من الاعضاء مجربه وله مده ويظمنه وعمليه 100بالميه بريال قاز وخل البنزين الين تبي تطفي السياره مره وحط قاز بريال وعب بنزين 20 ريال النتيجه فتاكه وابحش بقوقل مكشات تصفيه السياره بريال ويطلع لك الموضوع للاخ نيسان 1990 العنون بالزبط موترك ماهوصافي فيه تقطيع عندي الحل بريال واحد

[راعي الاكورد]

الله يسعد ايامك يبو لولو بجرب الطريقة الان
بس وين القاه هاالكيروسين وانا ساكن بغرب الرياض

لامانع من الاستزادة من باقي الاعضاء المكشاتيين

[ابولولو]

ابشر بعزك عندي بالبيت وانا ساكن عند مسجد الراجحي مخرج 15 بالخدمه

[راعي الاكورد]

ابشرك يبو لولو اني دخلت الموضوع ورحت لمحطة الدباسي جنوب مقبرة النسيم وعبيت كيروسين بريال وعقبها عبيت بانزين ب 20 ريال
بس الغريب ان الموتر ماتفتف ابدا وانا بالطريق للمحطة يمكن مسافة 20 كيلو ماتفتف
بس يوم وقفت والسيارة مشغلة تقريبا عشر دقايق تغير صوت طرمبة البانزين وزاد الصوت ويوم زاد الصوت جت التفتفة

يعني إذا زاد الصوت جت التفتفة والغالب انه يتفتف علي إذا كان الجو حار في النهار الله ينجينا من عذاب النار آمين

[نيوتن]

أخوي اتوقع والله أعلم انه من الطرمبه أو كمبيوتر الدعسه

ونصيحه ثانيه وانا أخوك اللي يشتري موتر امريكي مستخدم يسوي له تصفيه مكينه
لك وللزمن


تحيتي

[ابولولو]

ماشاالله عليك ياراعي الاكورد حار وسريع الاشتعال هههههه اجل الموتر يبغاله تانكي ديانه قاز اقول جرب مره ثانيه وامسك خط الدائري باتجاه الجنوب الي اسكان البحريه بس عبوه من قدام مسجد الراجحي من الغرب وان شاالله يصلح

[هلالي متعصب]

اقول يا راعي الاكورد



انا عندي الحل الوحيد


7
7
7
7




















































وده معارض الشفاء وبعه



ودور لك لاندكروزر عطي الله


والله ان تعيش حياتك فلللللللللللله

[زيزو]

اخوي

عندك حساس الهوا والثروتل وصخه الله يكرمك

نظفها مع تصفية مكينة وامورك طييييييييييييبه

[سوبر VTC]

و عليكم السلام و رحمة الله

تااكد من فلتر البنزين و افحص ضغط الطرمبه لازم تعطي 40 فاكثر

الفلتر يغير كل 40000الف

تاكد من حساس الدعسه راكب على نفس اللهاة

تاكد من حساس او منظم القربه

فك البواجي هل هي سليمه ام لا

اذا بدا الموتر يتفتف افصل سلك الكويل ابدا بالدور و لاحظ الفرق بصوت المكينه

افحص كمبيوتر

للمزيد ادخل رابط جميع الاعطال بتوقيعي

موفق

[سوبر VTC]

اقول يا راعي الاكورد



انا عندي الحل الوحيد


7
7
7
7




















































وده معارض الشفاء وبعه



ودور لك لاندكروزر عطي الله


والله ان تعيش حياتك فلللللللللللله

كم عمرك ياخوي يوم انك ترد هالرد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و اسمك يادل على انك صغير بالسن

الرجال طلب الفزعه

ما طلبنا رايك يبيع الموتر او لا

المسلم من سلم المسلمون من لسانه و يده

قل خيرا او اصمت

و هل كل الناس نفس بعض اصابعك مهب وحده فيهم الغني و الفقير و اللي ظروفه وسط

اقرا كتب الادب لتتعلم بدايه من العصر الاموي لتعرف طبقات المجتمع

[راعي المجهم]

كم عمرك ياخوي يوم انك ترد هالرد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و اسمك يادل على انك صغير بالسن

الرجال طلب الفزعه

ما طلبنا رايك يبيع الموتر او لا

المسلم من سلم المسلمون من لسانه و يده

قل خيرا او اصمت

و هل كل الناس نفس بعض اصابعك مهب وحده فيهم الغني و الفقير و اللي ظروفه وسط

اقرا كتب الادب لتتعلم بدايه من العصر الاموي لتعرف طبقات المجتمع

عطه القاااااز ياسوبر والله أنك داويته صح

بالله هذا كلام عاقل الرجال طالب الفزعة وهذا ينكت

[كبسولة2]

تفضل أخي الكريم

http://www.mekshat.com/vb/showthread.php?t=208116

[راعي الاكورد]

الله يجزاكم خير يااخوان

بس في سؤال يا كبسولة2

كيف افك الثروثل كامل
ووين القاء منظف الكترونيات
الله لا يهينك