عاجل لخبراء الجمس 2003 في القير و دفرنس

[سلطان الرياض]

السلام عليكم ورحمة الله وبركاته ،،،

ممكن خدمة من خبراء الجموس لاني توني شاري جمس موديل 2003 بدون دبل

ماشي 100000 مائة الف بس

ولكن فيه مشكله في تغيير القير رقم 2 تتأخر في التغيير .... طبعاً بعد فحص في ورشة متخصصه وقال لي المهندس أنه يبغى تنظيف البلف والحساسات .... أو توضيب القير .... أو فيه حل ثاني عندكم

والمشكل الثاني هي وصوت خفيف في الدفرنس على كلامه يقول الكرونه .... تحتاج توضيب .... وهل الكرونه توضب ؟؟ أو تغيير الدفرنس كامل ؟؟؟؟

أحد مرة عليه هذه المشكلة من قبل ويقول لي وش سوى فيها ؟؟ ....

أو ممكن تدلوني على ورشة متخصصه في صيانة الجمس وخاصة في القير والدفرنس .... في الرياض ...

أرجو المساعدة

[سلطان الرياض]

طيب في أحد يعرف مركز صيانة ممتاز للمشاكل التي ذكرت ؟؟؟

[ابوشجاع911]

الموتر هذه مشكلة حساسات الكترونية في المكينة والقير وانصحك تسوي له فحص كمبيوتر شامل عند ترايستار ب 100 ريال واذا شفت تكاليف الاصلاح عندهم مناسبة صلح عندهم ولا تردد فشغلهم قريب من الوكالة وسعرهم النصف تقريبا
واما بخصوص صوت الدفرنس يمكن يكون الزيت ناقص فقم بتزويده واذا كان السيارة استعمال امريكي فلابد من تغيير الزيت
وتقبل تحياتي

[Magellan]

طيب في أحد يعرف مركز صيانة ممتاز للمشاكل التي ذكرت ؟؟؟

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء

تبي زياده وإلا خلاص

[سوبر VTC]

و عليكم السلام و رحمة الله

بالعاده تنظف حساسات خارطه القير و يضبط الموتر

و بعدين موترك جديد

انت غير الفلتر و الزيت و ان شاء الله يزين

الزيت و الفلتر يغير كل 40000الف

الصوت احتمال مهب من الكارونة تاكد من ذلك

مر على اكثر من 7ورش ترى الورش كلن يتخرص

و كلن يبي ينطلك من جهه فانتبه

الصوت قد يكون رمان عكس خلفي او فلنجه اماميه او عندك صليبات العمود

الخلفي

اذا انت شاكن بالكارونة

فيه حل انك تحط شحم + نشارة خشب => يروح الصوت

موفق

[وافي 00]

نفس المشكلة عندي بس اللي عندي نمرة الريوس تاخذ 3 ثواني تقريبا حتى يلقم الموتر واذا دست على البانزين شوي شوي يرجع واذا زدت الدعسة بقوة يطلع صوت قرقعة كان البريك ماسك ..... وش الحل

[سلطان الرياض]

ابوشجاع911

Magellan

سوبر VTC


يعطيكم الف عافية

تم أدخل السيارة في ترايستار في الصناعة القديمة

و صار توضيب القير كامل ...

[بدوي جنوبي]

اخوي سلطان القير اعتقد ما يحتاج توضيب
ممكن حساس السرعه الثانيه فقط يحتاج تغيير
نصيحه لا تستعجل ،،، اذا كانت المشكله في السرعه الثانيه ممكن تتغيير كلتشات السرعه الثانيه ،،،

بالنسبه للكرونا لازم تتاكد من مصدر الصوت ممكن يكون لرمان عكس فقط مثل ما ذكر الاخ سوبر ،،، حتي لو الصوت من الكرونا وخفيف اتركه افضلك
وشيك علي الزيت اذا كان ناقص زوده عيار 140 ،، ولا تغيره ابدا

بالتوفيق

[عبدالعزيز-1]

اخوي سلطان من وصفك للمشكله اتوقع ان سيارتك مقاس 1500


وهذا عيب الجمس مقاس 1500 مشاكل قير + الدفرنس


كان معي واحد وهبلبي دفرنسه عيا يزين وبعته

بعكس مقاس 2500 عملي الى ابعد حد ولا يخرب الا نادر

[سوبر VTC]

اخوي سلطان من وصفك للمشكله اتوقع ان سيارتك مقاس 1500


وهذا عيب الجمس مقاس 1500 مشاكل قير + الدفرنس


كان معي واحد وهبلبي دفرنسه عيا يزين وبعته

بعكس مقاس 2500 عملي الى ابعد حد ولا يخرب الا نادر

تاكيد لكلامك
احد الربع معه جمس غمارة و نص
1500
يقول عيبه هالكارونة مشاكله واجد ===> الدفرنس الامامي
بعكس 2500

[سلطان الرياض]

أخوي بدوي جنوبي

موتر مشكلة التغييرة الثانية تطول وعند التغيير تكون واضحه جداً والتغييره الرابعة لا تحس بها أبد إلا عن طريق مشاهدة ضغط الماكينة ينزل فقط ...


ومشكور على النصيحة لكن الموتر في الورشة وقير بداء فيه الشغل ...

[سلطان الرياض]

أخوي عبدالعزيز 1

نعم موتري مقاس 1500

[Magellan]

أنا والله نصحتك لوجه الله
وقلت لك الورش اللي فوق ولاطعتني
وأنت تحمل قرارك وبكيفك
ترايستار وماترايستار إذا بكرة جاء شيء لاتجي وتشتكي وبكيفك

[عبدالعزيز-1]

صحيح كلامك اخ سوبر

الكورونه هي العله وغير كذا ماتزين حتى لو تغير الدفرنس الا نادر