السلام عليكم ورحمة الله وبركاته
معي جيب باترول 2008 سفاري 2 والباب اللي ورى أشغلنا بالصرصره ومع االعلم إني حاط ورى
قاعده لتانكي ماء والإزعاج هو من الباب وإلا من قاعدة التانكي ,,
أفزعولي يالربع وش اسوي به ...
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
معي جيب باترول 2008 سفاري 2 والباب اللي ورى أشغلنا بالصرصره ومع االعلم إني حاط ورى
قاعده لتانكي ماء والإزعاج هو من الباب وإلا من قاعدة التانكي ,,
أفزعولي يالربع وش اسوي به ...
اخوي اركب وراء وخل احد يسوق السياره وشف من وين يطلع الصوت
وذا تبي تبيع كم حدك فيها؟ تحياتي لك
اخوي تاكد غطاء وقاعده الاستبنه معي 2006 وحطيت ربل حق تنسيم الابواب المتر3ريال وخف الصوت ومثل ماقال استاذي ابوحمد رح وراء واسمع الصوت
سبحان الله وبحمده عدد خلقه ورضا نفسه وزنة عرشه ومداد كلماته
روح اقرب محل زينة وفية جلدة للباب زي جلد الزينة نصها داخل الباب وظاهرة برى
قديمة ومعروفة تركب بشفة الباب
ركبها ونسى صوت الباب لو تمشي بردمية بعظها تباع حبتين سوى وبعظها بالمتر يجي لونها اسود
ان شاء الله تجد الحل هنا
http://www.mekshat.com/vb/showthread.php?t=92732
وهنا ان شاء الله تجد حل جميع مشاكل الباترول
http://www.mekshat.com/vb/showthread.php?t=95330
قبل ما أركب التانكي كان فيه صرصره خفيفه وعقب ماركبته تسنه زادت الصرصره
والدعوه شكله من الثنتين الباب والتانكي والله العالم انه اكثر شي الباب ,,,
ماشاء الله اخوي ابوهادي ماقصر معك الله يجزاه خير جاب لك الروابط
وفيه حل ثاني اكتشفته قريبا بعد
الحل :
شفت الحديده هذي اللي فوق :
لف عليها شطرطووووون من ابو ريال حق الكهرب
لف عليها كم لفه 10 لفات تقريبا وبإنتظام لا تتعرفط
والحديده هذي اللي تحت :
لف عليها بعد شطرطون
واول ماتصك الباب الكبير تبي تحس انه صار ينصك بصعوبه شوي
لكن ماعليك مع الوقت يبي يزين ويخف .. وصدقني تبي تضبط معك
الطريقه وبإذن الله تبي تدعي لي
وإن كان الباب الصغير يصرصر بعد
لف شطرطون على الحديده اللي بالباب الكبير بس لاتكثر شطرطون عليها
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
ارحب يالعاب المنايا انا جربت طال عمرك التشحيم وكثرته وابشرك راح بنسبه كبيره هذا اللي حبيت افيدك فيه....
بدران
اخي العزيز فيه حل سهل ورخيص وبسيط وفعال 100%
فيه شحم ولكن مهوب ابو 5 ريال .
شحم خاص بالمساعدات واليايات والسست علبته زرقاء وصناعته بلجيكية اظن .
سعره 30 ريال . وميزته انه يدوم اكثر ومايسيح مع الحراه .
شحم به مماسك البيبان الخلفية للباب الصغير والباب الكبير ( وليس المفصلات) وليس الذراع .
ستنسى شي اسمه صرصرة بيبان .
وراح تدعي لي ، وان مانفع بعطيك بدل 30 ريال 300
رح جرب وعطنا خبر .
وبالتوفيق
لاتنسى ذكر الله______________________________
موفق خير يالغالي
اخوي انا عندي نفس موترك
و الاستبنه راكه والجركل
مرات الصوت مو من الباب ومرات العكس
انا عندي مافيه صوت الباب الصوت من الاستبنه م ماسكه الا مسمار واحد ومتعيجز اقول كم يوم بركب وانساه اقول بكره
جرب شط على الاستبنه اذا انت مركب المسامير الثلاث و شد قاعدة الجركل
الذين يشاهدون الموضوع الآن: 1 (0 من الأعضاء و 1 زائر)