مشكله في الباترول نرجو المساعده

[سالم11]

يا الله حي شباب مكشات النشاما

عندي يا النشاما طقه في الجهه اليسرى الاماميه للسياره باترول صالون 2007 طبعا الطقه في الياي أتوقع عندما احط الموتر بنمرة واحد تطلع الطقه واذا طلعت مطب طلع الصوت
رحت لورشه في الصناعيه في الرياض قالي يماني يبي لك تركيب لي في الياي طبعا الياي شد بلد ما غيرته
هل نجد الحلول للمشكله
يا كثر مشاكلك يا الباترول
واليوم شريت من الصناعيه كتاوت وحطيته بالدرج الإحتياط واجب

هذا مقطع فيدوا تسمع فيه صوت الطقه في الثانيه الرابعه والخامسه

http://www.herosh.com/download/1098408/ttt.mp4.html

[mr.a]

ياخوي ما عندي أي خلفيه عن المشكله لاكن في أقرب وقت راح أدور لك حل

بإذن الله

تحياتي:mr.a

[سالم11]

مشكور ما قصرت

[محيسن1]

يفيدونك اهل الخبرة ان شاء الله

[سالم11]

مشكور يا محيسن

[ابوحمد666]

تاكد من المساعد لانه يمكن يكون من ربلة المساعد
تاكد من الشكمان او القزوز يدق في الشاصي بسبب كرسي وشيال الشكمان
تاكد من كرسي المكينه
اما قولت ابو يمن الياي يبي لي فما ظن واستبعد
وبالنسبه لمشاكل الباترول ليت كل السيارات مشاكله زي الباترول
تحيه لك

[سوبر VTC]

تاكد من المساعد لانه يمكن يكون من ربلة المساعد
تاكد من الشكمان او القزوز يدق في الشاصي بسبب كرسي وشيال الشكمان
تاكد من كرسي المكينه
اما قولت ابو يمن الياي يبي لي فما ظن واستبعد
وبالنسبه لمشاكل الباترول ليت كل السيارات مشاكله زي الباترول
تحيه لك

انا اخبر الشباب و الربع عندنا ببريده

نحط لي على الياي و تروح الاصوات

خصوصا الصوالين التايوتا و النيسان

[الخماش111]

؟؟؟؟؟؟؟؟؟؟؟؟؟؟؟

[قناص خلاوي]

أنا يامحاكيك حاط (لي) على الياي
لكن ماهوب عشان طقة
موتري ديزل واذا قومته باثنين يطلع صوت ( قرقره ) من اليايات
ويوم ركبت (اللي) راحت
لكن اشوفها بدت ترجع لأن (اللي) شكله نشف مرة أو انقطع

لكن بموترك ما اظن المشكلة بالياي اخوي
جرب بيدك ارفع الموتر من جهة الرفرف اللي فيه الصوت
ارفعه ونزله كأنك ترج الموتر واسمع الصوت هو يطلع أو لا ؟؟

[سالم11]

تكفى يا ابوحمد 666 خرعت قلبي تكفى
ووالله انه كثيرة مشاكله الباترول بعكس التويوتا


مشكورين على الافاده
طيب وش رايكم لو اغير الياي واركب ياي استرالي طبعا سعرهن اتوقع 700 ريال الاثنين اماميه والارتفاع 4 سم

[ابوحمد666]

اخوي سالم11
اجل خذ لك تويوتا وريح دماغك لا صار كل يوم خربان

[سالم11]

لا تزعل وانا اخوك جعلك ذخر لنا
ودنا وانا اخوك لو يحصل هدد 2007 لكن السعر ما ينطال

ما قلت وش رايك اركب ياي استرالي

[حمد808]

الربلة اللي فوق الياي مقطوعة
قيمتة 35ريال

[سالم11]

غريبه وش الي قطعها اخوي حمد

[حمد808]

الربلة خفيفة مع الوقت تنخرق ثم الياي يطق بالحديد