15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
السلام عليكم ورحمة ا لله وبركاته
اخواني انا بشتري باترول
ولي لان ثلاث شهور تعبت من الدوران بالمعارض مالقيت شي نظيف
وبعض الناس يقول اشتر هدد
وش رايكم انتم هل الباترول فيه عيوب في خربات
وش اكثر شي يخرب فيه
وتراني ادمان صيد
ابي نصيحتكم ياخواني تكفووون
فلوسي بحدود 73 الف
وتحياتي لكم
مكشاتي
تبي الراحه اشر بترول ياباني اصلي
بس قالو انه في عيب
اللي هو مسمار بالمكينه دايم يطيح
وانا لقيت
باترول سوبر سفاري بس بدون فتحه
محدود علي 72 الف
ماشي 50000 بس
وش رايك
كم مديله ؟ ولونه ؟المشاركة الأصلية كتبت بواسطة خالدالقنص
بخصوص المسمار فليس دائما وانما نادرا .
وعموما اذا انت خايف لحمه وانتهى الموضوع .
وبخصوص فلوسك بتجيب لك من 2004 وتحت طبعا صالون .
هذا حسب ما اعلم .
واهم شي افحص الموتر قبل تشريه وقلبه زين .
وبالتوفيق
لاتنسى ذكر الله______________________________
كم الموديل ؟؟؟؟
***
طبعا الباترول غني عن التعريف واطلع الساحل تشوف مواتر الصيادين كلهم باترووول
وبالنسبه لمسمار الثلاجه تقدر تلحمه إذا انت خايف منه بـ 200 ريال
والحمد لله لنا فتره طوووووووووويله ماسمعنا أخبار عن مسمار الثلاجه
توكل على الله .. ولن يصيبنا الا ماكتبه الله لنا
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
مكشاتي متقدم
اخوي خالد المشكله مبلغك هذا ما يجيب لك الا هدد موديل 2001 طبعا نظيف غيره يفتح الله
لكل بهالمبلغ يجيب لك سفاري 2004 و 2005
ودور لك هدد افضل لك
مكشاتي متقدم
الباترول الربع تحصله 2008
يصلحلك والهدد سعره عالي ومايسوى قيمته
مكشاتي
شف يا خوي تبي الراحه اشتر هدد
مكشاتي برونزي
معلوماتي محدودة
الله يوفقك ويكتب لك الصالح
مكشاتي متواصل
اخوي خالد القنص كان تبي الراحه والديره خذلك هدد مع انه غالي اكثر من الازم
وكانك تبي المطامر و الشراسه على النفود والأرض الوعره خذلك باترول مع انه حلو بالديره لكن مو مثل الهدد وارخص واعطاله معروفه اذا ظبطت امورك وصلحتها قبل لاتصير فلن تتعب .
زي ما قلت راعي صيد يعني لاتتعدى النيسان
و عليكم السلام و رحمة الله
مسمار ثلاجه المكينه تفك الثلاجه و تلغيهن شغل يد 200ريال
و لا تاثر بالعزم
احد الربع معه فتك م2005 ماشي هالحين فوق 120الف و جادع المسامير
و كل اللي اعرفهم ملغينهن
الموتر اللي انت قلت ترى سعره ببلاش و ممشاه زين
اهم شي تاكد من محركاته و البدي و شف تحتي الموتر من ناحيه نظافة الشاصي
لانه ما يمنع ان الطبلون مفصول فانتبه
استخر بعد الاستشارة
النيسان ميزته مشترى رخيص و اقل خسارة عند البيع و زبونه جاهز عند البيع
موفق
مكشاتي متواصل
اذا كنت تبغا السفاري
اخذ لك vtc
تكفى نصيحتي لك
اخوي سوبر لاهنت تقدر تعطيني صوره للمسمار لاهنت يالغالي
الله يعافيكم جميعاا
وان شاء الله بعطيكم خبر اذا شريت
موفقين خير
تحياتي
مكشاتي متواصل
شف يالحبيب الهدد سيارة والباترول سيارة ...
لكن الفرق المادي سعرا مبالغ فيه من وجهة نظري المتواضعة والفتك سعره معقول ويملا العين ...
أهم شيئ تأكد ان العداد مو ملعوب فيه ...
الله يكتب لك الخيرة ...
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
