هل تنصحوني بـ جمس رفرف
وش أحسن موديل لأني اشوف أكثر من مديل
هل فيه عيوب ,,
تحياتي لكم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
هل تنصحوني بـ جمس رفرف
وش أحسن موديل لأني اشوف أكثر من مديل
هل فيه عيوب ,,
تحياتي لكم
والله ما من عيوب بالجمس كله من طلع بس عيبه لصرفه للبنزين وان اللي استخدمتهم
باغلبية انواعه استخدمت خمس موديلات الجمس موديل1978 حجم الماكينه350
واستخدمت الجمس1981موديل حجم350 واستخدمت الجمس موديل 1983 حجم454
واستخدمت الجمس موديل 1992 حجم454 واستخدمت الجمس موديل 1995 حجم350
والصراحه اللي ارتحت باستخدامه وطول عندي اللي موديله 1992 حجم454 بس عيبه
صرفية بنزين واذا تبي تشتري ابو رفرف اهم شئ تجيك علي ضفيرة الكهرباء وتجيك علي البدي
ان ما فيه صداءولا علي المحركات والصبغ اغلبية الجموس تحصلها مشتغلين بمحركاتها
ومرشوشه صبغ وتري الجمس سواقته متعه وقبل لا تاخذ استشر الاعضاء بسعره.
وتحياتي لك وموفق باختيارك ان شاء الله
لا تعلييق عقب كلام الشيخ nova وفا وكفا وانا اشهد ...
يــفــز قــلــبــي كــل مــاقــالــو ســــديـــر
مشكورين جميعاً والشكر موصول لأخوي نوفا ,,
تحياتي
أخوي العزيز بو غيث
السلام عليكم ورحمه الله وبركاته ،،،
بالنسبة للجمس الرفرف الموديل المناسب من 1995 وحتى 2000 أو فوق 2000 هذا للأستخدام ، وأنا بالنسبة لي عندي الأفضل من موديل 1978 وحتى 1987 ولكن مشكلتها كثرة الخرابات في بعض الأحيان ويعتمد على السيارة اللي أنت بتشتريها وكذلك ندرة قطع غيارها أصبح من النادر أتحصل أي قطعه لها وخصوصاً الأكسسوارية أو الميكانيكية طبعاً ( Gm ) التجاري يمكن تلقا.
مشكلة الجمسات القديمة من 79 إلى 90 أنقطاع قطع الغيار من المحلات
وكثرة خراباتها ومشاكلها
عشان كذا تلاقيها رخييييييييصة جداً في السوق
جمس صالون 88 نظيييييييييييييف جداً جداً مكيفه ثلج محركاته ممتازة
سعره بالسوق مابين 7 آلآف ريال إلى 10 آلآف ريال
تزيد ألف أو ألفين في وقت الحج وترخص بعده
يعطيكم الله الف عافيه ,, تحياتي
انصحك من موديل 78الى88 مكينه 454
لاخاب ظنك بالرفيق الموالي **** مالك مشاريه على نايد الناس
مادام تبي جمس
انصحك بجمس من مديل 80 اللى 87
هذي كد ومد شرط انك تمسك الموتر من الخرابات الصغير لا تتركه يعني يخرب شي تصلحه
على طول ماتتركه كذا يمسك نفسه
هذا من تجربه
وفيه شرط وهو ان يكون لديك سياره اخرى ...................
تحياتي
اخوي ابو غيث مثل ماتفضلو الاخوان من 78-84 هذي الموديلات انا جربتها ومن خبرتي واذا تبغى العزم والقوه 78 اذا حصلك نضيف وانا بقولك اسراره ترى يمكن تحصلك موتر نضيف بـ 5000 ريال وتحصل واحد ماهو نضيف بـ 25000 بتقول كيف ترى اللون والشكل خارجي والديكورات الداخليه والخارجيه مهمه اذا كانت على شد بلادها عير لما يكون معبوث ومغير لونه او مغير شبك او بالديكورات الداخليه بخصوص وبعدها نجي للمضمون من ناحيه مكينه الـ 350 والـ 454 كل لها مميزاتها وعيوبها انا من ناحيتي 350 تناسبني ليه صرفيتها حلوه ومع حبتين تزويد تطلع اطلق من الـ 454 وانا مجرب الثنتين الاربعميه عيبها حراره وبالصيف لازم تصفطه بالجراج اما 350 شد حزامك بس ولا هي كل 350 مكاين فيها انواع وانا بقولك سر فيه المكاين السوداء الي الشياب يقولون هنديه هذي اطلق من الزرقاء والحمرء وهذي عن تجربه تقبل تزويد جامد بس الفرق بينها وبين الباقي قومتها ماشاء الله مهب ريح وعشان ماطول عليك انا انصحك تشوف لك رفرف من عند شايب ترى صحيح بتخسر عشان تضبطه على يدك بس بترتاح لانك لو غيرت كل شي اصلي يدوم معك وقطع الغيار متوفره ولكن الل يعينك بين الكويت والخرج والخفجي والنعيريه وللمعلوميه بس عشان اكون صادق معاك انا الموتر يحتاج تجهيزه عندي سنتين عشان ارجعه مثل شد بلاده صح واذا انك من هل الدمام فيه واحد موديل 81 لوحته ستات هذا كان عندي بعد مابعته يمكن 4 تبايعو فيه (كل واحد يشتريه ويبيعه ) ماحطو فيه شي بالنسبه من تحت العضلات لاني خسران خسارت العمر بس حبي للتغيير بين فترة وفترة هو الي يخليني ابيع وكان لك شف عندي موتر شد وكاله بس باقي البويه وماودي صرحه ارشه لان شد بلاده وانسام من عندي 29000 من واحد قطري ولا بعت واذا لك خاطر مانختلف بس اضمن لك موتر ماتحط ريال فيه غير البويه والتنجيد الداخلي (انا ماغيرتها لاني مخليها بالاخير) حتى فرش الوكاله الداخلي موجود الي يجون فوق الفرش الاساسي اتمنى اني اعطيتك نبذه وافيه ولك كل التقدير والاحترام
خذلك عبارتين أما الموديلات ما أعرف عنهن شي
اخذلك ابو عبارتين وكامل الوصف فلي ***شد الخواجه والكفرات بيلون
79 حمر
عليه قطاع الفيافي امعرب***سايق ومهندس ولصحاري دليله
الذين يشاهدون الموضوع الآن: 1 (0 من الأعضاء و 1 زائر)