استفسار عن الجركل او الجيك الخلفي للفتك

[راع الجيب2002]

السلام عليكم ورحمة الله وبركاته

ياخوان ابي استفسر عن الجركل الخلفي لتويوتا واللي يجي مع الربع هل هو يركب بالفتك ولا للفتك جركل خاص وبكم سعره ...

[محمدالعريني]

والله يالغالي انا دورته ولقيت واحد في منتدى تطعيس

القاعده من دون جركل 340 ريال هذا للفتك

وبعد اذن الاداره وهذا رقمه/ 0504443023

[راع الجيب2002]

اماااااا القاعدة بهالسعر
اجل الجركل بكم

الليل يالليل

[فتك ابوفهد]

الباترول من موديل 98 وطالع له قاعده خاصه
انا مركب قاعده بدون جركل من الغرابي قبل سنه تقريبا بـ 250 ريال من الغرابي
والجركل حصلته بــ 100 ريال بس ماشريته

[باوزير]

حصلت هذه المشاركة في منتدى قطر شير و هي من الاخ فتك العديد و فيها تفصيل لاستفسارك

تجاريه اخوي لانه الاصليه غاليه وقيمه القاعده كامله مع السيور والليت وتوصيلات الليت ومع الجركل في الوكاله ب 4000 ريال لكن الحين مب موجوده القاعده في الوكاله لكن الجركل موجود بس القديم العشبي وقيمته تقريبا 900 ريال مال موديل 97 وتحت لكن من موديل 98 وفوق لون الجركل والقاعده يجي رمادي بس تقدر تركب قاعده تجاريه +جركل اصلي عشبي وتصبغهم رمادي +سيور اصليه و تركب ليت اصلي وماراح يبين معاك
بس اهم شي لاتنسى تفصل قواعد داخل الباب ولا راح ينشق عليك الباب

اخوي في اي تورنه او الكراج الي راح تركب عنده قوله يحطلك حديتين عراض من داخل الباب ويركبهم بالطول وملحوم فيهم التريت مال براغي القاعده الي راح تركب في الباب يعني كل برغيين فوق بعض في حديده وحده وهم تقريبا شكلهم مستطيل نفس المسطره وفيهم فتحتين والتريت ملحوم في الحديده من داخل بس طبعا حديد بس اهم شي يكون سمكه مناسب

ولا تنسه تقوله قبل مايحط القواعد من داخل الباب يحطلك ربل او قطعه تيوب متينه وحتى من برع في طرف قاعده الجركل الي راح يلامس الباب يحط قطعه تيوب علشان الصوت وعلشان مايشمخلك الباب :nice::nice: