استفسار على الباترول السلق رجه

[قناس هدد 676]

السلام عليكم ورحمة الله وبركاته وكل عام وانتم بخير وتقبل الله منا ومنك صالح الاعمال
ابستفسار عن رجة الباترول سلق 99 عند سرعة 120 وانت نازل رجه غير طبيعيه
ومايمشي الى 160 ميجب طبلونه ارجوكم ساعدوني وشكرا الحل ياخوان

[محيسن1]

وعليكم السلام
شف اخوي شيك علي الرمان الامامي يمكن منحله وهي تسبب الرجه
ارفع الكفر الامامي وهزه اذا تحرك معك فالرمان منحله نفس الحركه الكفر الثاني
رح اقرب ميزان كويس يشده لك

[قناس هدد 676]

شكرا اخوي بس رحت لورشع سيارات قالي المكنيكي من عمود الدبل الرجه وش رايك افكه ولا لا

[صياد المزارع]

شيك على

الجنوط / اذا كانت جديده او تجاريه او جايتها صدمات ومطعوجه ولا هي بشد البد
- الكفرات / شيك عليها
- الترصيص/ فيه ترصيص من جوا الجنط
عامود الدبل / فكه وجرب تمشي بدونه اذا راحت الرجه فن البلا منه
هذي الاشياء الي مرت علي وتسببت برجه لسياره واذا فيه شي ثاني انا والله مامر علي
وانشاء الله بيفيدونك الشباب

[قناس هدد 676]

الفزعه ياهل الخبره بالباترول

[محيسن1]

شف اخوي اذا موترك ماعليه فرارت فك العمود وجرب عشان تفتك من الخساير
وبيوضح اذا من العمود بتروح الرجه

[قناس هدد 676]

وش رايك محيسن 1 اركب فرارات

[محيسن1]

والله تبي النصيحه اذا انك بتستخدم ركب ولا تشاااااور
انا من شريت الموتر ركبتها علي طول اريح للموتر وسعره 550 مع التركيب عند السليماني

[عنيد الجبيل]

ياخوي لا تستعجل
انا كانت عندي مثل هذي الرجة وامس صلحتها والحمد لله
ارفع الكفر وهزه شوفه يتحرك والا لا
اذا تحرك وسمعط طقطقة
شيك على الرمان وشده
وبس !! ولا يحتاج خساير مالها داعي

[بنزرت]

شكرا اخوي بس رحت لورشع سيارات قالي المكنيكي من عمود الدبل الرجه وش رايك افكه ولا لا

احتام كبير جدا
قد صارت معي
فكه ووده للمخرطه عشان يفحصونه

[سوبر VTC]

و عليكم السلام و رحمة الله

احيانا اذا قلبت الكفرات او بدلتهن من موترثاني
تروح الرجه قد يكون السبب من الجنوط
فك عمود الدبل و امش بدون دبل
اذا اختفت الرجه فالمشكله من عمود الدبل مطعوج او يبي صليبات ربما
تقدر ايضا انك تفك العمود الخلفي الكردان
و تمشي على الدبل الخفيف و تشوف الفرق
تاكد من كلام اخوي محيسن بخصوص العكس و هل الكفر يتحرك ام لا
احيانا تكون المشكله من مساعد الدركسون + ربلات عمود التوازن
بعضهم يدبل المساعد يركب مساعد اي سي ديلكو

موفق

[قناس هدد 676]

ياهل الخبره غيرت الجنوط والكفرات وماراحت الرجه وش الدبره
واين ازين ورشه لتصليح الباترول ساعدوني الله يفرجه عليكم

[قمة افرست]

زي ماذكرو لك الاخوان
وبضيف شي بسيط
اذا كان السبب العامود او الرمان الرجة ماتروح تزيد
الرمان باين يرج االدركسيون
العامود السيارة كلها مع صوت دوي

الافضل كما ذكر الاخوان فك العامود فكه امر سهل جدا انت بنفسك تقدر تفكه
وجرب اذا الرجه موجوده
ارفع الكفر الامامي وهزة اذا فيه فضاء شد الرمان الامامي شد بسيط
ابد بالعمود عشان ماتخسر وجرب
وبلغنا وش صار معك