وداعا يا طريق المسانده ( ارجوا التثبيت )

[ابو سحاب]

السلام عليكم
مبارك عليكم الشهر
المجال الي راح اتحدث فيه واضع من العنوان
أمس الخميس الموافق 6-9 -1430 مرني واحد من الشباب ( شرواكم ) و رحنا مثل كل مره للطريق المسانده الي ورا مطار الرياض و وقفنا و اخذنا السحور معنا عشان نتسحر هناك
و يوم وصلنا هناك للإستمتاع بمشاهدة المقاومات الساعه 11 و جلسنا و شبيت على القهوه
و عقب ما تقهوينا إلين
كل شوي تــــــــــــــــمر ( دوريـــــــــه )
وكل شوي يمر من عندنا ( مـــــــــرور )
وكل شوي يمر من عندنا ( مرور سري )
و يوم وصل عددها تقريبا أكثر من 12 فرقه
قلت عسى خير
المهم بدت الدوريات تجبر الي قاعدين هناك بالرحيل عن هالشارع
و يوم شفت الوضع كذا قلت لرفيقي مشينا بس ما نبي المشاكل
قال يالله - ثم بديت اغسل اباريقي و اصف عزبتي إلين وصل عندنا مرور سري
قال لخويي - اشوفكم تطوون فرشتكم
قالنا اي والله الشكوى على الله
قال رفيقي - تفضل الله يحييك
قال - لا شكرا
قال - رفيقي
ألا وراكم الله يهديكم قومتوا العالم من اماكنهم

الي مصلح قهوته و الي جايب سحوره
قال المرور السري
- هذا قرار من إمارة الرياض صدر أمس الأربعاء الموافق 5-9-1430
بمنع الجلوس هنا
قلنا على بركة الله انتم أبخص
المهم مشينا من ذاك الشارع الي مليان في ذاكرتي منه الشيء الكثير
و من هذا الموقف حسيت ان هذا الشارع انتهى و لا راح يصير فيه مقاومات ابدا بعد ذا اليوم عقب ذا القرار
و قلت بنفسي

وداعا يا طريق المسانده