إكتب معا نــــا تك من النيسان باترول / فتك / سفاري .....

[K 7 E L A N]

اولا : شفط البنزين
ثانيا : القرقعه في السيارة وخصوصاً الابواب الخلفية
ثالثاً : مؤشر البانزين الكبير والصغير قابل للعطل بسرعه
رابعاً : طرمبة البنزين
خامسا: المكيف وعدم البرودة .
سادسا :الوكالة ومواعيد الصيانه
سابعا :التقطيع في الماكينة
ثامناً : الربلات كل الربل او البلاستك صناعه غير جيده قابله للتلف لمدة قصيرة وخصوصا الكلابسات
تاسعا: تتعجب موتر يوصل سعره 20000 ألف ولا فيه مواصفات امنية .

بسم الله الرحمن الرحيم ,,,


السلام عليكم ورحمة الله وبركاته

تقبل الله منا ومنكم الصيام والقيام ,,,

اخوي تسمحلي اددق اكثر في العيوب اللي ذكرتها في الباترول ..., وكل موتر وفيه عيووبه ...


اولآ :: الباترول من طلع ع الدنيا وهوو يصرف بنزين وبسبب ان الار بي ام ( امبير الضغط ) من 1 -6 يعني يقطع وضغط المكينه 6 الاربع واكيد يصرف
يعني تخيل الفتك بالخامس يقطع 215 و160 الضغط 4 !!


ثانيآ ::: القرقعه في الموتر وخاصه الباب الخلفي ... مع احترامي ملآك نيسان ان جميع سيارات نيسان تتفكك ,,

اما الباب الخفي طبيعي يقرقع لانه موب باب واحد ماسك بابين متماسكين ثم يمسك في الموتر

( يعني ثلآلآث عناصر منماسكه 1 الباب اللي فيه الاستبنه 2 الباب اللي فيه اللوحه 3 جميع البابين يمسكن في المووتر)

ثالثآ :::: والله ماعندي علمآ فيهاا ,,,

رابعآ ::::: طرمبة البنزين تعود للمستخدم× اولآ× لاتخلي لمبة البنزين تولع ( يعني عب وهو على الربع )
× ثانيآ × قبل ماتشغل السوتش لااشغل الآ اذا طفت اللمبات اللي في الطبلون ثم شغل ..


خامسآ :::::: والله مدري بس ماشاء الله مكيف النيسان بشكل عام انه ثلج ,,
بس رح شيك على مكيفك ( الفريون وعب فريون امريكي a134 اصلي , نضف ثلاجة المكيف )

سادسآ ::::::: وكالة الحمراني وخدمتها .. وتعتبر من الوكالآت الرديئه في مجال السيارات وصيانها ومن ناحية قطع الغيار وعدم توفره عند الوكاله !!
كل ماقل شئ قال نطلبة لك من جدة ويبي له ثلآث اياام !!!

سابعآ :::::::: والله ماعندي علمآ فيهاا ,,,

ثامنآ :::::::::والله ماعندي علمآ فيهاا ,,,

تاسعآ :::::::::: طبيعي يزودون الاسعار اذا زاد الطلب وهي اسعارها رخيصه تبي تخلص الكمية , فالازم ترتفع الاسعار شوي

فلاحظ انا الباترول سوبر سفاري 2002 في وقته كان تقريبآ بـ 130 الف والان سوبر سفاري 2009 بـ 184 الف


والله اعلم ,,

والسلام عليكم ورحمة الله وبركاته

[vtc 800]

هاذولا عذال لحد يرد عليهم وبعدين نيسان مايركبونه الارجااااااااااال فهمت

[مجنون باترول4800]

ام الباترول يصرف بنزين هذا الكلام بال4500ومع ذالك حوال الهدد
ام الفتك 4800 هههههه عند الهدد اكسنت كان عندنا هدد2006وجدعتة بالمعارض غير مأسوف علية كسره لامشي وصرف بنزين على غير سنع بالخط يمشي550 كم وانوع الحنه
ام البترول 650 وهو مرتح

[K 7 E L A N]

هاذولا عذال لحد يرد عليهم وبعدين نيسان مايركبونه الارجااااااااااال فهمت

والله ماتوقع الامور توصل كذا ترى كلها مواتر ماسوى وماتستااهل ذا الكلام

هذي وجة نظر صاحب الموضوع وكل واحد له نظرته

نتمنى ان كل واحد له وجهة نظرة ولا احد يرده


ارجوا انك تتقبل كلآمي بصر رحب


والسلام عليكم ورحمة الله وبركاته

[مجنون باترول4800]

معليش ترا الهدد موتر دوران ونصب
ام البترول موتر< شباب>يخلط خلط صيد تطعيس مقومات يعني طبعي
انه يطلب ام الموتر اللي مع الشيبان او راعي الدوران مايطلب ابد
وشف الشيبان اللي معهم باوترول ماسمعت احد منه يشتكي من

[حر ((قصاص))]

((نيسااان تسير وتويوتا تفشل))ستبقى النقاشات بين النيسان والتويوتا الى الابد
ولكن بنظري يبقى الباترول في القمه وعلى ماقال الشاعر
الجمس والفرد والتايوت الاخرق كله مع البترول خاق وخقيا
كنق الصحري دقدق خشومها دق دقدق خشوم اللي تريد السبقيا
((ولكل جيب تايوتا باترول يأدبه))

قمة التعصب صح(:

[العبله]

يا ناس وش فيكم اللي يقول الباترول مخيس واللي يقول الباترول شيخ المواتر!!!

انا مع الباترول في كل حالاته لكن اني اتكلم بالشكل هذا اللي ماله سنع كأن الموتر واحد من اهلي لا ياخوي خلو عنكم التعصب بلا نيسان بلا تويوتا..

اللي يبي تويوتا ياخذ تويوتا واللي يبي نيسان ياخذ نيسانوفكونا.

[BLIZER 88]

والله يااخوان انا غير الجمس ما استعملة بس السفاري سمعته زينه بسوق

[لعّاب المنايا]

الباترول يازينه بخراباته بس
غديه هالسنه ينزل موديل 2016 يغني يقمزون لهم 6 سنين

[ftc]

وش في ها الناس تبربر من غير علم
والله الورعنه
انا معي فتك ماشاء الله مااشتكية منه ابد

[ذيب عالية نجد]

أرجو من المشرفين على المنتدى حذف صاحب هذا المعرف أبوالعطاء من منتدى مكشات الشامخ لإن معظم مواضيعه تؤوجج وتحور المراسلات من هادفة إلى غير هادفة هذا وغير أن مواضيعه وردوده قديمة أيضاً وهي تدور حول موضوع واحد فقط والكل يعرفه ولكم مني جزيل الشكر والعرفان

[aoh200]

لك الله الي مايعرف الصقر يشويه!!

[أبو محمد2010]

من خلال قرأت الموضوع إتضح لي أن الكاتب يكتب عن غير علم بالسيارة و من غير تجربة و بإمكان أي شخص جرب الباترول يعرف ذلك...

الله يهديك و ينور بصيرتك...

هذه المواضيع غير نافعة أبداً...

[العساف7777]

بالنسبة لي انا مااشتكي من الباترول الاله من البانزين

لاكن الباقي بصراحه مااشتكي من شي وبعدين الباترول يبيض الوجه ومايفشل بالطعس

[wafian]

اللهم لك الحمد

ما عرفت شئ من هاللي تقول