الباثفندر بنزينه 95 او 91 ابي العلم الاكيد عن تجربة

[ليالي المكشات]

السؤال الاول بنزين الباثفندر 91 او 95 ابي العلم الاكيد يعني 91 يخرب المكينة لان كثير من الناس يقول ان النيسان بشكل عام لا تعبية الا 95
السؤال الثاني شريت السيارة وفحصتها ولقيت راعيها الاول شايل الصاجة حقت المكينة يضر السيارة وكم كلفت الصاجة الاصلية

[ليالي المكشات]

ليت احد يفيدني انا بالانتظار

يقولون استخدام 91 تخبط المكينة كثرت استخدامة
ابي الجواب الشافي الكافي
تحياتي,,,,

[طايربلي جنااح]

ولله واناا اخووك اناا وضبت مكينتي وقااال رااعي الوورشه لاتعبي الا 95

واناا الحين اعبي 95 وكوويس وصرفيته كوويسه

[نقطه]

صباح الخير على الجميع

والله أخر ماسمعت إن 91 أفضل من 95 حاليا"
وبذات من موديل 99 وانت طالع
سيارتي موديل 2000 كنت اعبي 95 وخربت وصار بها تنتيع وغيرت الصفايه والبواجي وغيرت على 91 وأبشرك الآن أفضل بكثييير

ولك تحياتي

[BMR555]

مساكم الله بالخير
الصاجة الخاصة بالمكينة ماتأثر الا في حال الدخول في مناقع الماء وقت نزول المطر

[booooo6]

السلام عليكم .. انا بالنسبة لي كنت اعبي 91 و لاحظت صراحه انه يصرف البنزين بسرعه و غير كذا تقل الموتر مهب نشيط لكن غيرت لـ 95 و زود القروش شي بسيط صراحه لكن مشيت الموتر اكثر من 500 كيلو داخل المدينة بفل واحد و الموتر ماشاء الله احسه متوالف هو و البنزين يمكن يكون هالشي متوهم به بس لكن الواحد ينقل تجربته

بالتوفيق

[بن محفوظ]

ياشباب 95 زين .... ولا تغيرون


اسألوا مجرب

[M o J a H e D]

انا معي باثفندر2002 .. استخدم 91 من سنتين و الحمدلله مااشوف اي ضرر له

[البرحه]

ارجع الكتلوج وشف وش مكتوب وعبه

انا اعبي 91 ..

وزعموا ان 95 يمشي اكثر ولكن جربته نفس الشي ما تفرق

ورجعت 91 .. لا يضر ولا شي من سنين

والصاجه الوكالة اذا مب موجوده احسن تغث عند تغيير الزيت .. فصل صاجه حديد وحط فتحه لسيفون الزيت

[.أبوعبدالرحمن]

سيارتي موديل 2003 ولي تقريبا اكثر من سنة ولا اعبي الا 91 والسيارة الحمدلله ما واجهت اي مشاكل بسبب البنزين 91 ومن ناحية الصرفية هي هي ما شفت اي فرق

كلها تمشيني 400 كم تقريبا


ومن ناحية الصاجة انا اشوف انها مهمة الله لا يقدر تضرب لك حصاة والا تطب لك في موية تروح السيارة فيها


ولا ترووح تشتري جديدة فصل لك صاجة حديد افضل واقوى وعشان تكون هناك فيه فتحة للسيفون


والله يهنيك بسيارتك

[محواش]

95 زين .... ولا تغيرون

[التعـ King ـديل]

خذها نصيحه من مجرب كان عندي باترول 97 كنت اعبيه 91 جاب لي المرض كل يوم مغير صفايه ولا متفتف علي ..

قلبت البنزين 95 ومن وقتها وهو زي الحلاوة مافيه احلا منه خط وعزم وطرب واللي تبي تلقاه ..

بعدها شريت تويوتا برادو كان راعيه الاول يعبيه 91 وكان الموتر ميت تقول دجاجه لا خط ولا ديره ولا عزم ولا شي ..

انتظرت لين خلص التاني وفللته 95 ومن وقتها طال عمرك وهو يسدح طبلونه ماشاء الله تبارك الله مع انه 4 سلندر ..

[2003أمريكي]

واالله أنا معي 2003استخدام أمريكي..
وأعبيه 91..
جربت 95..بس بصراحه مالاحظت فرق..
واسمع كلام ان 91 يضر الموتر ويخليه يخبط؟؟؟؟

أعرف واحد معه2005عبّا 91وطلع صوت بالمكينه ورجع لـ95والسياره حلاوة معه.ماشاء الله

ويقولون مهب كلهن يقبلن 91بعض وبعض..يعني أنت وحظك..بس ترى المصدر وكالة يقوووولون!!؟؟

هذا اللي عندي،،

وبصراحه أشكرك على طرح الموضوع لأنه يهمن..

[لهايب نجد]

سلام عليكم انا شريت باث فايندر 2005 جديد ومن يوم نزل البنزين وانا اعبي 91 الا اذا بغيت اروح النفود عبيته 95 لأداءاقوى اليييييييين بعته وهو ما شي 220000 ولا فيه اروع منه