عندي مشكله بـ كلتش الباترول ,, يالليت تساعدوني

[D I K T O O R]

سلام عليكم ورحمه الله وبركاته

مسااكم الله بالخير

كل عام وانتم بخير

اخواني

عندي الباترول 2000 الليوم اشووف الكلتش ثقيل يعني ثقل ملحووظ اول ماا ارفع ارجلي على طول تقضي الدعسه

يعني اللي يشوفني اعشق يقول هذا اول مره يسووق ومايعرف متى يشيل رجله من الكلتش

وقبل كذا كاان فيه صووت بالكلتش يعني اذا شلت رجلي من الكلتش اسمع تنسييم على وشيش وكذا

واللحين الصوت وانا ضاغط الكلتش ييجي الصوت

ووش توقعون المشكله منه ؟؟؟

[عنيد الجبيل]

متى غيرت الدسك والكلتش

صارت معي حركة قبل فترة
اني لما ادعس للكلتش واشيل عنه وادوس بنزين
الموتر يحن كني عندي قير تماتيك ومرجع نمرة
وطلع من الدسك والكلتش

[الجوفي 908]

وعليكم السلام

وانت بخير وصحه وسلامه

هذا ياخوي عندك مشكله في باكم الكلتش يكون مايعطي ظغط هوا مظبوط او انه مسدود ويعطيك صوت تنسيم

وذا ظغطت نص الدعسه يروح الصوت والثقل يجيك اذا كان الريس مرتفع وظغت كلتش

وتصليحه يا انك تغيره او توظبه لان فيه توظيب للباكم سواء البريك او الكلتش

وارجو اني افدتك

تحيااااااااتي ومن العايدين

[محمدالمحيسن]

وعليكم السلام ورحمة الله وبركاته
ومساك الله بالنور
وكل عام وانت بصحه وسلامه
والله يتقبل صيامنا وقيامنا

مشكلت موترك بسيطه ان شاء الله
عندك وانا اخوك تنسيم من جهة الباكم

اتمنا اني افدتك

[D I K T O O R]

طيب هالتنسم هو اللي يسبب الثقل للكلتش ؟؟

وكم قيمة التصليح ؟؟

عسى ماهيب تكلف واجد ؟

[يتيمة الدهر]

أخوي .. دكتور
كل عام وأنتم بخير ،،
حصلت عندي في الباترول صوت تنسيم عند دعسة الكلتش وغيرت باكم ياباني 150 ريال 50 ريال شغل يد وراح الصوت . والاخوان ماقصروا أعطوك العلم.

[D I K T O O R]

طيب انا عندي صوت + جاء ثقل بالكلتش

[hot66]

قد يكون علبة الكلتش اللي فوق او اللي تحت اوالباكم الحرص على الاصلي

[شلشكو]

اخوي بالصناعيه القديمه ورشه تغير الباكم مجدد مهوب غالي مره
على الشرط والضمان شهرين
وكل عام والجميع بخير

[ترهيم]

السلام عليكم

قبل تغير الباكم اوزن الكلتش ...

الكلتش له ثلاث قطع اول وحده من فوق من عند العلبه .. هذي ماعليها إلأا اذا كانت تهرب . سعرها 60 ريال او اقل وكاله .

الثقل من تحت فيه اصلاح للكلتش قيمته 25 ريال وكاله .

او الباكم هذي الثلاث قطع ..

انصحك تسوي وزن طبعا الوزن ماهو مكلف لانه يبيلك حفره بس ويجي صاموله زي حقت الدافور تنسم فيها شوي وواحد داخل الموتر يكبس على الكلتش ..
اذا العله مو منها يبيلك باكم افادوك الاخوان بسعر الباكم مجدد .

[D I K T O O R]

الله يعطيكم العافيه

وونتظر مشاركة الاعضاء الباقين

والله يرفع قدركم