الفزعه يااصحاب السفاري الموتر مررره ثقيل وش الحل ؟!

[ابوسعود 561]

السلام عليكم ورحمة الله وبركاته

وكل عام وانتم بخير

اعاده الله علينا وعليكم باليمن والبركات

اعزائي عندي موتر سفاري 98 بخاخ من له يومين جاه بلا صار عزمه ثقيل مرررره ولا يمشي اكثر من 120 وياالله بطلعة الروح يجيبهن وغيرت البواجي وفلتر الهواء ووزنت الديلكو لكن مافيه فايده الحال كماهي
يااخوان اللي عنده خبره او مرت عليه هالحالة ولقى العله تكفون يفيدنا لان الميكانيكيين والكهربائيين كلن يتخرص حاجه ولا عندهم سالفه

ننتظر ردودكم

بمان الله

[عنيد الجبيل]

طرمبة البنزين اللي مدوختني لها نفس الاعراض ونصحوني الرجاجيل بطرمبة الفتك 2002

[ابوسعود 561]

طرمبة البنزين اللي مدوختني لها نفس الاعراض

حياك الله اخوي

طرمبة البنزين خربة من فتره وغيرناه اصلية ويوم خربت كان الموتر مايشتغل ابد

[TCIL]

افحص حساس الهواء

[ابوسعود 561]

افحص حساس الهواء

اخوي وين مكانه حساس الهواء ؟

وكيف طريقة فحصه وتصليحه ؟

[ابو تركي المطيري]

طيب اذا دست دواست البنزين بالكامل هل فيه كتمه الموتر او يقطع اذا يقطع او يكتم

فلتر البانزين يبيله تبديل

[عنيد الجبيل]

طيب اذا دست دواست البنزين بالكامل هل فيه كتمه الموتر او يقطع اذا يقطع او يكتم

فلتر البانزين يبيله تبديل

اخوي ابو تركي
كل عام وانت بخير

انا توني مغير الطرمبة واذا دست للبنزين يكتم ويقطع
وغيرت فلتر البنزين
ويومين ورجعت المشكلة نفسها
طبعا موديل موتري 96 بخاخ

[صحيح]

شف فلتر البنزيين واذا هو سليم أو جديد ونفس المشكلة شيك على الكهرباء الي رايحه للطرمبة واذا الكهرباء سليمة ما فيها التماس ولا تضييع للكهرباء غير الطرمبة بطرمبة كابرس أحسن .
صحيح.

[ابوعراده]

يالغالي كل عام وانت بخير
بقولك شي ترا الخرطوش حق الهواء هو سبب كثيير من المشاكل
واكثر الناس مايدرون واذا هو مشقوق وانا متأكد انه مشقوق وانت ماتدري
ترا المشكله منه والله واعلم والخرطوش هو اللي طالع من الفلتر الى المكينه
وانتبه الى حساس الهوا وبعدين ليش ماتكشف على السياره بالكمبيوتر احسن لك

[سوبر VTC]

و عليكم السلام و رحمة الله

تاكد من خرطوش القربه لا يكون منشق و يدخل هواء خارجي
كد صارت لباترول صالون بخاخ
و حط شطرطون على مكان الشق و ضبط
اذا كان الخرطوش تعبان و تبي تغيره
اخبر بالتشاليح يركبون خرطوش حق مكينه ديزل
يركب تمام و سعره ب100
لانه حق بلده الجديد غالي
تاكد من حساس الهواء او المنظم
عاده يكون على نفس الخرطوش
تاكد من جميع (افياش) المكينه
اكبسهن مضبوط
ركب طرمبه فتك م2002 و طالع
ضغط الطرمبه تقريبا 50 و طالع

موفق

[((السنياري))]

صينية الكلتش خلصة قضى عمرها


غيرها

يا بصينية زوم ولا سنتر فور والله يستر عليك

[ابومشاري1]

شف وانا اخوك المشكلة والله اعلم من الدبة الوسطية او الاخيرة تكون الشخلات اللي فيها متكسرو ومسددة مجرى البنزين شيك عليها وان شاء الله الدعوى سهلة
من واقع مشكلة نفس مشكلك وشكرا

[قطب 999]

و عليكم السلام و رحمة الله

تاكد من خرطوش القربه لا يكون منشق و يدخل هواء خارجي
كد صارت لباترول صالون بخاخ
و حط شطرطون على مكان الشق و ضبط
اذا كان الخرطوش تعبان و تبي تغيره
اخبر بالتشاليح يركبون خرطوش حق مكينه ديزل
يركب تمام و سعره ب100
لانه حق بلده الجديد غالي
تاكد من حساس الهواء او المنظم
عاده يكون على نفس الخرطوش
تاكد من جميع (افياش) المكينه
اكبسهن مضبوط
ركب طرمبه فتك م2002 و طالع
ضغط الطرمبه تقريبا 50 و طالع

موفق

جب لك لي زراعي وركبه ما دام الدعوه خرطوش ديزل

[kal]

شوف انك معبي من محطه يمكن البانزين مو نظيف بعد ماينتهي اللي بالسياره نظف الصفايه

[ابو عبدالملك 2]

حياك الله اخوي عندي يقين انها من طرنبة البنزين او الصفاي وحصلت لي وركب الهدي طرنبة وصفاي جديد بس كان عزمه ضعيف ويتفتف شوي وحست عليه كم شهر واختها غيرت الطرنبة والصفاي مره ثانية وسلك فاحتمال اللي ركب لك الطرنبة ماركب لك اصليه او انكانك جايبها يمكن ماركبه ونظف القديمه وركبها ووفر الجديدة فنصيحة قبل ماتغيرها مره ثانية سو فحص لقوة دفع البنزين واذاكان ضعيف غير الطرنبة والصفاي