لاخاب من استشار ,,,

[راع الطويلات]

ياجماعة الخير كل عام وانتم بخير و من العايدين الفايزين انا ودي اخذ شوركم بموضوع الموتر لاني ناوي اشري سياره فا وش ريكم بالسيارة التالية ( الباثفندر الجديد او برادوا او فوتشنر ) طبعا البرادوا و الفوتشنر 6 سلندر ابغى راي اخوني الاعضاء و ياليت اللي يقول رايه يقول السبب وانا رجال راعي بر و ديره يعني بالشتاء بالبر و بالصيف سفرات و ابي موتر مايخسرني اذا جيت ابيع . شاكر و مقدر للجميع تجاوبهم مقدما

[ahmad995]

برادو وصدقني راح تدعيلي
اقرب وصف له >> جي اكس ار صغير

[exsoskeleton]

شف يا ابن الحلال
الفورتشنر : ماكينه 4000 سيسي (معي واحد) قطعه رخيصه ومقبول بالحين في البر . بس المشكلة بالسعر خصوصا بالبيع ...
الباث : الماكينة أظن 3500 سيسي بس عليه صحه بالبر توسع الصدر بس يا كثر الخربات وغلاء القطع . حتي الاخوان بالمنتدي أضافوا قسم خاص بمشاكله .
البرادوا : نفس ماكينة الفورتشنر 4000 سيسي وأقلها خربات وأفضل سعر بيع

بإذن الله أكون عطيتك المعلومه المهمة....

[راع الطويلات]

بيض الله وجهك اخوي احمد وهذا العشم بالرجال الطيبين شرواك . ننتظر راي الاخوان وخاصة اللي جرب السيارات ( اسال مجرب و لاتسال طبيب )

[صقرحايل]

عليك وان اخوك با تويوتا وبس

[باثفايندر2005]

شوف يالغالي ::
نصيحة من مجرب الباث ( القديم والجديد) واللحين معي القديم .....
صراحة الموتر شييي ولا يعلا عليه وأنصحك به ....

واللي يقول الباث الجديد مكينته 3500 هذا القديم ((من 2005 وتحت ) أما الجديد مكينته 4000 (( مثل الاكستيرا )) .......

تقبل خالص تحياتي

[راع الطويلات]

اشكر جميع الاخوان كلن بسمه اخوي باثفندر 2005 انا كان معي باثفندر وباترول و جربت الباثفندر القديم و لا يعلى عليه بس الجديد بصراحة ماحصلت احد مجربه و زيادة على ذلك انه امريكي اسباني يعني مو زي الاول ياباني و ورا مايجي زي الاول دفرنس جا زي الباجيور و لاكسبولورر .

[راع الطويلات]

للـــرفـــع

[ميمون111]

البرادو شيك في الجيب

[abo_hoor]

والله وانا اخوك كلهم ماعليهم كلام
بس تبي الافضل برادو احسن لك خربات قليلهولايذكر بالمحافظه عليه ووقت البيع بعد طيب

تقبل تحياتي لك

[راع الطويلات]

اشكر جميع الاخوان على الرد و التفاعل وهذا العشم بالرجال الغانمة شروكم

[التعـ King ـديل]

من ضمن الخيارات اللي حطيتها اختار لك البرادو بس خذ سته سلندر وقير عادي 6 نمر

واذا بتشتري مستعمل لاتتعدى الباث من 2005 وتحت

وعندك الاكستيرا الجديد خذه قير عادي موتر خط وبر طرب الطرب

[راع الطويلات]

مشكور اخوي و بيض الله وجهك

[سوبر VTC]

تقبل الله منا و منك صالح الاعمال

دام انك راعي سفر و بر و استخدام ديره
خذلك اهم شي تماتيك و زبونه والم عند البيع
اتجاه الناس الان للتماتيك و لا غير
اذا كان مشترى الموتر مهب غالي فالموتر عند البيع ستكون خسارته اقل
انت قارن بين الجديد 2010 او 2009 و المستعمل م2008 و شف فرق الخسارة بعد الاستعمال مر على المواتر المستعمله بالمعارض
و احكم
اعتقد ان شراء موتر نيسان مستعمل خسارته ستكون اقل عند البيع
من التويوتا
شف هالرابط المميز

تحقيق من الافضل:نيسان-gm-فورد-تويوتا "((عند اعادة البيع))


استخر بعد الاستشارة
موفق

[راع الطويلات]

مشكور اخوي و بيض الله وجهك