النصيحه ياقروم مكشات (باثفايندر X اكسبلورر )

[فصاص]

السلام عليكم ورحمه الله وبركاته

اخواني انا ناوي اشتري سياره جديده ان الله يسر ومحتار بين الباثفايندر والاكسبلورر

ياليت تعطوني نصايحكم لاني والله محتار

شكرا لكم مقدما

[abo_hoor]

وعليكم السلام ورحمة الله وبركاته

ان شاء الله شباب يفيدونك انا عندي باثفندر 2004 وماعليه اي خلاف بس اهم شي الاستخدام
وجديد حلو بعد بس مااعلم عنه شي يالغالي والف مبروك لك

وياليتك تسال قبل لاتشتري لاتستعجل وانا اخوك

[الادعج]

والله اخوي الاكسبلور موتر خط وبس والصراحة ونا ماجربتة لكن من كلام الناس انة موتر مب عملي وعكس الكلام هذا الكلام كلة الباث الجديد فخامة ,,اناقة ,,شكل حلو^بس فك الشبك اللي فوق^..وموتر بر وخط ..هذا راي والله يسر امرك

[بيق مان]

الله يوفقك أخوي فصاص
لدي اكسبلورر 2006 فاكه جديد
استعملته في جميع الظروف ولم يخيب ضني
ماشي فوق الميه ما غيرت فيه الا كفرات وقماشات وبواجي
والحقيقة هي سيارة مريحة وهادئة وحساسة في نفس الوقت
وانا اشوف إذا انت راعي بر يمكن الباث افضل مع اني ما جربته.
واقترح عليك تجرب الاثنين وتقرر.
تحياتي.

[ابوســــــعود]

الباث جميل وانصحك

[فصاص]

السلام عليكم

ابو حور , الادعج , بيق مان , ابو سعود

الف شكر على تجاوبكم معي

انا اطلع البر بس مهوب واجد وابي موتر ان بغيت خط شالك وان بغيت بر ماخيب ضنك

الموترين مااعرف احد جربهم في البر

وياليت الي مجربين او يعرفون احد جرب يفيدوننا

[arabicizing]

^^
اذا انصحك بالباثفايندر وبشدة

[فصاص]

arabicizing


الله يعطيك العافيه يالغالي


ودي الشباب الي معهم السيارتين يقولون لنا تجربتهم معها

الباثفايندر اعتقد للبر افضل ,, بس ودي في نفس الوقت احد يفيدنا عن تجربة الاكسبلورر في البر

[فصاص]

مانستغني عن ارائكم

انتظركم

[Magellan]

arabicizing


الله يعطيك العافيه يالغالي


ودي الشباب الي معهم السيارتين يقولون لنا تجربتهم معها

الباثفايندر اعتقد للبر افضل ,, بس ودي في نفس الوقت احد يفيدنا عن تجربة الاكسبلورر في البر

أخوي كل السيارتين نفس بعض ميكانيكيا
جميعهم مزوده بقير اتوماتيك
السيارتين تعليقهم مقصات أي لايوجد محاور صلبة (يعني فليورات امامي وخلفي)
الباث فايندر والاكسبلورر طامنين حتى بالبر وخصوصا لو حمّلت على الباث ينزل بزوده
صناعة السيارتين وحده وهي امريكا وبعض الباث يجي من أسبانيا
يعني متشابهين لبعض ماتقول حد أحسن من حد
.
.
بالنسبة لي أرشح الأكسبلورر
ل 3 حاجات
1- أرخص سعرا مقارنه بالمواصفات
2-وكالة جيده جدا وتعامل ممتاز بعد البيع
3-أرخص قطع غيار من النيسان بالعموم

علما بأن الباث فايندر الجيل الجديد قلة شعبيته في السعودية إلى حد منخفض جدا

[بن سليمان]

بالنسبه لي ما تفرق لكن اللي لاحظته ان الاكسبلور اوسع

[ahmad995]

الباث فندر قوي وخفيف يعجبك بالبر
لكن حساس

[ونش]

انا فاك وكاله اكسبلور 2005 وبعد ممشى 20000الف خرب القير صار يطق اذا جيت تقدم واذا جيت ترجع تسمع طقه قويه قالولي الوكاله من الحساسات قلت طيب ليش تخرب مامشيت الا 20 الف وتخرب وبعد ممشى 60 الف خرب الرمان الخلفي للكفر وبغي ينفك ويدهورني وبعدين بعته ب 45الف غير نادم وشريت الى اسفل في الصوره

[فصاص]

السلام عليكم

الله يعطيكم العافيه ماقصرتوا

اخوي ونش

الله يعطيك خيره ويكفيك شره ان شاء الله

شكلي ابتوكل على الله واشتري الباثفايندر