استفسار : كيف يتم تركيب ليتات سقف للجمس

[بوسدن]

السلام عليكم : يرجى افادتي كيف يتم تركيب ليتات (السكن) الصفر في واجهة سقف وانيت الجمس وجزاكم الله خير

[بوسدن]

يا جماعه هل ما فهمتو سؤالي أو ما تعرفون الاجابة ؟ والي يعرف لا يبخل علينا

[Magellan]

يمكنك أنت من الكويت فصعب على الأخوان يعرفون وش تقصد:
مقصدك بالسعودي: لمبات الجميحيات
وهي لمبات صفراء فوق التنده
وعُرفت بالجميحيات لأن أول من ورّدها للسعودية هو الجميح الوكيل المعروف

[فارس كيفان]

بوسدن السلام عليكم

إذا أنت بالكويت -- التركيب بالشويخ في شارع الزينة ---

تحياتي

[آل زايد502]

الدعوه ياخوي يبيلها تخريم فالتنده انا فكرت اركب بس فكرت فالتخريم ووالكهرب هونت

[بوسدن]

ماجلان ....نعم هذا قصدي
واصل سابقا...مشكور
آل زايد 502...أنا بعد خايف من التخريم
مشكورين وجزاكم الله خير على الرد ولا يهونون المكشاتيه

[سيف الظفير]

بالرياض بالغرااابي بـ 180 ريال


حييت يا الذيب

الظفيري

[Magellan]

بالرياض بالغرااابي بـ 180 ريال


حييت يا الذيب

الظفيري

أخبر عندك جمس 8100 وكان ودك تركبها
إنت ركبتها عليه وهل هي 180 ريال شاملة اللمبات وإلا بس شغل اليد؟
لأن عندي نيه أشتريها من النت وسعرها حقات 2008 بـ75 دولار أصلية بدون شحن وأركبها على ونيت؟
ياليت توصف المحل
ومشكور مقدماَ

[آل زايد502]

الظفيري الدعوه تخريم ولا لا؟؟؟

[ابويارا1001]

اذا بيكون الشغل مرتب ونظيف تمام

يعني بعد التخريم تحط مانع صدى على الخروم عشان ما تصدي

وتركب مسامير ستيل او نحاس ما تصدي وتركب واشرات ربل عشان تمنع تسريب الماء

اما شغل مشي حاله دريل ومسامير بس ما راح تكمل سنه ويدخل عليك الماء

ويا ليت اقدر افيدك عن احد يركبها


وبالتوفيق

[السارحي]

احرص على الاصلي والقواعد الاصليه لان التجاري بيلعب بالتنده وتحلي عليك

خذها من الوكاله وركبها بالشويخ شارع الزينه