ابي نصيحتكم في = اسكاليد 2003 و 2002 بليييييز

[عش حياتك]

السلام عليكم

ياشباب ماخاب من استشار

لقيت سكاليد 2003 بحوالي 61 الف وماشي 140 وعليها لونه لؤلؤي


ولقيت سكاليد 2002 لونه اسود ماشي حوالي 80 الف

والسؤال هل القيمه تسوى لهاتين السيارتين

ايضا هل الاسكاليد عملي يصبر

وهل تنصحوني فيه

او استبدله بيوكون او تاهو



ايضا ماكينة 2003 و 2002

نفس الموديلات الجديده او تغيرت

لأنكم تعرفون ان اليوكون من 2003 وطالع صارت مراوح بالمكينه


ابي نصيتكم وشوركم


والله يعافيكم

[ahmad995]

والله ما جربته بس اذا ما خاب ضني فهو كاديلاك
السيارة من برا وجوا فخمه لابعد الحدود بس كاستخدام ما اشير عليك
اخوي كان معه سيدان 2000 جديدة على وقته كل ورش بريدة يعرفونه
ذبحته بالحراره غير الاديتر وغير الكناديس وغير البلف وكل ما يتعلق بالحرارة ولا لقى له حل وبالاخير باعه بخسارة كبيرة
عليك بالتاهو واليوكن والجيكسار والباترول

[عش حياتك]

اخوي احمد
الله يوفقك على هالمشاركه والنصيحه

[ابا سديم]

والله ياخوي السكاليد جديد خذه او موديل شبه جديد لان صيانته معقده وغاليه. اما اليوكن او التاهو فصيانته سهله وعملي.اماللتشخيص مع صرف الريال للصيانه و مداراته فخذ السكاليد ( اذا كنت راعي برستيج ايضا ومقرش )واسال الورش عنه

[ابووشمي1]

اخوي اذا بتاخذ خذ ال 2003 لان الداخليه تفرق والجنط نيكل وانوار زنون
والاسعار غليه شوي
ومن ناحية عملي فهو عملي المكينه 6.0 نفس مكينة الدينالي وتصبر اذا اهتميت فيها
والصيانه نفس اليوكن والتاهو اللي بيفرق معك الاكسسوارات الخارجيه غاليه شوي


وبعدين المراوح الكهرب سواء في اليوكم او التاهو او الاسكاليد او الافلنش او السييرا او السلفرادو جت من 2005 وطالع فقط

اذا تبي نصيحه اشتر 2003 وركب له مراوح كهرب قيمه المراوح الكهرب 1720 تقريبا عند باقادر
والتركيب تقريبا 300-500
وهذا طبعا من واقع تجربه والله يوفقك اخوي.

[aoh200]

نصيحتي ابدع عن الكدلك

خرباته كثير, وقطع غياره نار

ممكن تاخذ لك يوكن او تاهوا 2006 بالمبلغ الي عندك او حتى 2007

موفق,,

[فنجال شاهي]

انصحك خلك بعيد عن الكاديلاك بشكل عاااام خراباتها كثيره وقطع غيارها تقص الظهر قص ولد خالي كان عنده كونكورد وماجابت له الا الفقر الين باعها واشترا له لاندكروزر ومرتاح الحين هذي وجة نظري والله يوفقك اخوي

[ابوعبدالله530]

السلام عليكم

اخوى السكاليد انا جربته واقتنيته اكثر من مره
نفس قطع اليوكن والتاهو وبنفس الاسعار ولكن الفروقات تختلف فى المكينه لانها 6.0 مثل الجموس او اليوكن اكس ال والسوبربان الشفر وكذلك الدينالى
اما الفحمات والاجزاء السفليه واحد
واجزاء المكينه مثل بواجى او غيرها كلها واحد هى والمجموعه الى قلتها لك 6.0
العيوب بهالسياره
دبل مشروك مثل الدينالى يعنى 24 ساعه دبل وهذا يعطيها تماسك اكثر من رائع بالخطوط والملفات ولكن يعيب عليه كثره خراب جنزير الدبل ودينو الدبل
جنزير الدبل بحدود من 1000 الى 1500
دينو الدبل تصليح بحدود 600-700 تغيير 1350

وصرفيته ازد شوى من اليوكن العادى 5300

وبالنسبه للموديلات تفرك فى الداخليه والجنوط فقط مافيه فرق ثانى

بالنسبه للمراوح انا كان عندى 2004 مراوح عايديه مهيب كهرب
ولو تبى تلغى العاديه وتركب كهرب افضل واذا انت تقول قيمتها عاليه خذ مراوح h1 هونداى ب 200 ريال وتركب على طول

[عبدالمجيد2003]

السلام عليكم جميعا
يا جماعه الخير الكدلك اسكاليد نفس مكينه الدينالي الجمس ونفس قيره اللهم الاكسسورات فقط . وبالنسبه اذا عملي ولا لا خذه وانت متطمن بس تكون فاحصه طبعا

[الكنقرس]

اسال مجررب ابعد عنه نصيحتي لك من عيووبه حراره مهووب صبوور ابد قطع غياره غالي اناا مغير مساعدات له بــ4800 رياال

نصيحه لا تقرربه

[ادولف هتلر]

على حسب تحب الصناعيه او لك ااقارب حولها خذه عشان تسير عليهم دايم مالك احد حولها لاتاخذه .......ههههه
النصيحه ابعد عنه خلك مع الدارج مع الناس الكادلك تخوف حط مع 60 عشرين لمدة سنه بس تقريبا حتى لوانه نظيف


تحياتي