## مواطير الهواء

[ابو ذعار]

انا ناوي اشتري ماطور هواء للسياره
وسمعت الاخوان يمدحون ابو جمل
ورحت اشتري ولقيت اكثر من نوع
ياليت اللي عنده خبره بالمواضيع يخبرني

[راعي الطلعات]

فيه ثلاث انواع

النوع الاول 30 امبير لي قصير وهو الاقدم =230 الى 250ريال
النوع الثاني 30 امبير لي طويل شبه حديث =250 الى 280ريال مزود بفلتر
النوع الثالث 40 امبير لي طويل او قصير ماني ذاكر =300ريال حجمه اكبر من البقيه و مزود بمواصير للتبريد على البستم

هناك نوع رابع لكن اتوقع انه في الامارات الي هو ابو بستمين ومع اني متوقع انه ليس من شركة ابو جمل لائن جميع النوعيات الي تصنعها شركة ابو جمل الرئس حقة البساتم حديد والذي رأيته في المنتدى بلاستيك

النوع الثالث تحصله بالسنيدي بالقصيم وفي برق الحياء بالرياض

طبعا انا مجرب النوع الاول والنوع الثاني وجربة شركات اخرى لكن لم ارى مثل ابو جمل في القوه والصبر
اتمنا اني اكون فادتك لو بالقليل

[ابوعمر الهذلي]

ابو جمل القديم الاول هو الافضل سعره بحدود 260

[أبوسليم]

اذا انت في الراض

اذا بالرياض....رح للغرابى واسأل عن محل الشراع واشتر من عنده ابوجمل وارد الشراع مجرب ومطور عن ابو جمل السابق

السعر حول 380 ريال والجملة 350 كرتون فيه 3 حبات (علمي نهاية الموسم الماضي)

وموفق

[أبو هشام راشد]

تأكد من العلامة التجارية لا تكون

أبو جبل

[كبسولة2]

الأسترالي ممتاز أبو لي أصفر طويل راسين

[ridan]

فيه عند العليان نوعين كويسات مررة من تجربه
الأول ماركه تايجر بنفس حجم ابو جمل وعليه ضمان 6 شهور من العليان
والثاني صيني يجي كبير شوي وليه اصفر ونفخه سريع مرررة يعبي الكفرات الاربع وابو جمل توه بالكفر الثاني لنا حاليا مجربينه من شهرين وماشي زي الحلاوه معنا بس لذع عندي فيوز حقه ومدري هل هو متوفر فيوزه ولا لا وترى هذي نقطه مهمه للمواطير هل فيوزاتها متوفره ولا لا لأني توقهت بماطور قديم ماحصلت له فيوز يجي فيوز كبير شوي مقاس 40 امبير زي حق السيارات وقلت المحلات كلها مالقيت 40 كل اللي بالسوق 30 ونازل

بالتوفيق للجميع

[نفود الطوقي]

أفضل شيء في نظري
أبو جمل النوع الأول
أنا شريته قبل خمسة أيام تقريبا من الوكيل : الشراع اللي بالغرابي ب250 ربال وعليه ضمان
أهم شيء أنك تلقى عليه ستكر أنه الأصلي
لأن فيه تقليد

[سوبر VTC]

و عليكم السلام و رحمة الله

لا تعدا ابو جمل وكيله الشراع
عن تجربه و باقي زملائي
اهم شي الاستكر الازرق باحمر حق الوكيل
سعره سابقا ب380
الان ب250
تبي دفع قوي و سرعه انتاج في نفخ الكفر
اذا حبيت
حط سلك كهرب 6ملي مثل اللي بالصورة
و اللي يكون طوله من ربع الى نص متر
عشان تضمن سرعه النفخ

ترى المواطير مهب للبيع فقط فرد عضلات
هههههه

الكرتون من ورا ولاحظ لصقة احذرو التقليد ولصقه الاصلي







على الماطور اللصقه الدائريه احذروا التقليد الاصلي

ادخل هذه الروابط للفائده



للتعرف على المنفاخ الهوائي الأصلي (أبوجمل) يوجد صور


@تركيب ماطور ابو جمل في كبوت باترول ربع @ بالصور@ ‏( 1 2)


منفاخ عملي ومجرب ... يوجد صور ..... سرهيد


((بالصور)) طريقة مبتكرة لتثبيت منفاخ الإطارات بجانب المحرك


للفائدة

هذا النوع الايطالي و راعي الماطور شاريه من الرماية او الرميح قبل اكثر من 10 سنوات
و سعره سابقا تقريبا بحدود 1050ريال
لكن عيوبه كتالي
و هي وجهة نظر خاصة بي
انه اذا عبيت كفر واحد او اثنين يطفا الماطور و هذه تامين له و انا صعبة انتظر الى ان يبرد الماطور ثم يشتغل
ايضا دفع الهواء اضعف من ماطور ابو جمل
لان اللي طويل و بالتالي يضيع الهواء + البستم صغير مقارنة ببستم ابو جمل
و انا اشوف ان سعره مبالغ فيه جدا مقارنة بسعر ابو جمل
و الذي اثبت جودته
ايضا عيب الايطالي انه ياخذ حيز كبير من السيارة
و هذه صورته

موفق

[ابو ذعار]

يعطيكم الف عافيه على المعلومات

[kal440]

لاتشترى من العليان بضاعة مضروبه وغاليه ديكور فقط عن تجررررربه