أخوي راعي النياسين
أنا معي فتك 2008
وجربت عليه يايين
واحد 3 سم
والثاني 6 سم (الآن على الموتر)
طبعا من ناحية الشكل الـ6 سم خيالي ومع التحميل ما يفكر ينزل أبد إعرف إني أحمل السياره كله وأصفط المراتب اللي بالوسط وأحمل فوقها ويصير معي راكب واحد قدام ومع ذلك الموتر ما ينزل
يعني لو خربته نزل 1 سم ( مع العلم إني مفلل تانكي 100 لتر غير العفش )
(ممكن يقول بعض الشباب إن القير يبدى يطلع صوت أو يصير فيه مشكله لكنها لم تحدث لي ولم يفرق علي شي من ناحية القير إنما الأصوات تبين إذا كان الموتر ربع)
فهو بشكل عام ممتاز من ناحية الشكل والتحميل لكن مطبه يضيق الصدر إن كانك من الأشخاص اللي يقدرون الراحه ولا ممكن يجازفون به عشان شكل وإلا تحميل
أما بالنسبه للـ 3 سم
كنت مركبه قبل لمده تزيد عن 6 شهور طبعا ممتاز ومن ناحية المطب ما يفرق عن الوكاله شي ملحوظ
وإذا حملت عليه وعبيت التانكي يرجع وكاله ومع الوقت نزل من 3 إلى 2 (شي طبيعي لأن الياي يلين)
وهو بشكل عام حلو لك إن كان ما يهمك الشكل وتعتني بالراحه
طبعا كلهن مركبهن بدون مساعدات إستراليه والحمد لله كل شي تمام
وأسعارهن
الـ 3 سم بحول 600 وعليه من عند الرمايه (طبعا مع التركيب)
والـ 6سم بـ 725 من عند الرمايه مع التركيب طبعا
أرجو إني أفدتك...