الياي الاسترالي والهايلكس الدبل

[راعي الخرازه]

السلام عليكم
مساكم الله بالخير والسرور


يالربع سؤال لاهل الخبره والمعرفه هل يركب الياي الاسترالي والمساعد
على الهايلكس الدبل
لانه صراحه بدا يحك واجد من تحت احس انه نزل عن يوم انه جديد
طبعا موديله 2006
ارجو الجواب يارجال
وسلامتكم ..,

[محمد الظاهري]

اخوي راعي الخرازه
اتوقع انه مايركب
رح يم الصناعيه وهم يفيدونك فيها ضرر او لا

[ابوناصر426]

بحثت لك بالنت وحصلت هالموضوع

* * *
جميع الطرق لرفع الهايلكس

اول شي طريقة الكعكات
والكعكات عبارة عن حلقة المنيوم توضع في قاعدة الياي
وهي مقاسات والمقاس المناسب 2سم
تفصيل الكعكات عند اي مخرطة ويكلف 100 ريال
والتركيب عند اي ميزان والأسعار تختلف على حسب الميزان
سلبيات الكعكات انه مع الوقت تتفقع المساعدات




الطريقة الثاني وهي تدبيل المساعدات
والطريقة هذي ماتنفع لأنه مافيه احد يقدر يوزن لك القواعد زين
وراح تتكسر معك القواعد




الطريقة الثالثة وهي تغير الياي و المساعدات
وهنا يتم تغير الياي بياي كابرس مقصوص (( لاكن عند محل 4500 الي بشارع الثلاثين الي بحي الربوة عنده يايات خاصة للهايلكس تركب على طول وهي احسن من ياي الكابرس))
وتغير المساعدات الأمامية بمساعدات شاص موديل 2000




تحذير
بالنسبة للسسته الي تتركب بالعرض قدام
هي ماترفع الموتر لاكن تخلي وجه الموتر ثابت
لأكنها خطيرة
لأنها تأثر على المقصات
واحتمال يقلب الموتر اذا انطلقت

* * *
منقول

[KREEM9]

راكب كاعكه ترفع الوجاه

[محمدالعريني]

حسب علمي انه يوجد ياي استرالي للهايلكس عند الرمايه

[إعصار]

نعم يركب الياي الاسترالي للهايلكس الجديد .. الدفرنس والدفرنسين ..

اليايات الطقم الثنين بـ500 او 550 مع التركيب 700 ريال ..

تلقاها عند ورشة الرماية الي على طريق التخصصي وشغلهم ممتاز ..

موفق يالغالي ..