الى اصحاب الباثفندر عندي مشكله وطالبين فزعتكم

[برق الشمال AM]

السلام عليكم
عندي مشكله بقير االباثفندر 2004 القير اتومتيك والمشكله وأنا واقف وحطيت على الدي (D) ابمشي مايمشي الموتر
ادوس الأبنص كامل مايمشي واقف وبعد ذلك اقوم بترجيع القير الى التأمين(P) واقوم بتطفئت السياره
وتشغيلها مرة اخرى واقوم بتعشيق القير وتمشي السياره وكأنه لم يحصل اي شئ علمآ بأنها تحصل معي باليوم مره او مرتين....

يااخوان أبي مشورتكم وخبرتكم بحل هذه المشكله لاعدمنكم ياالنشاما.........

[ابوطاقية]

اذا انت مغير الزيت قريبا بعد مده طويله فالاحتمال كلتشات
اذا بتتاكد ان القير ممتاز عشق للخلف وانت واقف وبسرعه انقله القير للامام اذا كانت ردة فعل القير سريعه بمعني ان السياره فزت للمشي اعرف ان قيرك ممتاز واحتمال مشكله كهربائيه والا طنجره تبي تغيير

[الساهر2003]

اخي العزيز
اتوقع مشكلتك ليست في القير
ونما في حساس الهواء اللي عند الفلتر الهواء نظفه او شيك عليه

[سوبر VTC]

و عليكم السلام و رحمة الله

المشكلة كهربائية اعادة برمجه
جرب فصل البطارية و السويتش مفتوح
اخبر على كلام الاعضاء ورشة ابو ابراهيم
بالدائري الجنوبي تخصص باث
عندك ورشة البريدي بالنسيم شرق معارض النسيم على نفس الشارع العام
شارع عبدالرحمن بن عوف
ان بغيت ورش ببريده علمن

لاتنسى مر على رابطة الباث
و اطرح سؤالك

(((((((((((رابطة ملاك الباثفاندر))))))))))))


موفق

[باثفايندراوي]

اذا متعود تغسل الموتر غسيل كامل فوق و تحت ،شيك على فيش القير اللي تحت جهه اليمين ،لانها صارت لي نفس الحركة و وديتها عند ديكسول للقير الاوتوماتيك ما خذت وياهم 25 دقيقة فكوا الفيش و بخوا مادة و رجعوا الفيش مكانه و رد القير بحاله الوكالة و طلع ان في ماي دش على فيش القير و سوى شوي صدا ،و والله الشباب وا قصروا وياي و رفضوا ياخذوا اي مبلغ مني و قالوا لي موضوع بسيط و دوم تستوي بالباثفايندر سواء على مكنة 3.3 او 3.5 و الله يوفقك بإذنه تعالى

[PATHFINDER 4]

ماقصروا الشباب

[برق الشمال AM]

بيض الله وجيــهكم ولاهنـــتم ياشباب على الردود

[مرير الشوق]

اتوقع انه حساس للقير

والله يسهل امورك

وافحصه بالكمبيوتر احسن لك واظمن لك ..

لأن 80 % المشكله عندك بالكهرباء

[برق الشمال AM]

هلا اخوي سوبر Vtc شكرا على مرورك ولو تكرمت ممكن وصف ورشة ابو ابراهيم ورقم جواله .... كرمآ لاامرآ

[shfgi]

منقول
المشكلة كهربائية اعادة برمجه
جرب فصل البطارية و السويتش مفتوح
اخبر على كلام الاعضاء ورشة ابو ابراهيم
بالدائري الجنوبي تخصص باث
نعم ورشة ابوابراهيم السحيباني جدا رائعة بالشغل والسعروالأمانة

[سوبر VTC]

تامر امر

هذا رد لاحد الاعضاء

تفضل رقم ابو براهيم .. ميكانيكي سعودي في صناعية الدائري .. مخرج 18 ..
وصف الورشة : وانت داخل الصناعية من الجهة الجنوبية .. مدخل رسمي وشارع 30
اتجه شمال الين تحس انك بتطلع من الصناعية .. بيجي على يمينك ورشة تقدير الحوادث للمرور .. وعلى يسارك مسجد ..
ورشة ابو براهيم مقابل محراب المسجد ..
أسمها ورشة الثنيان .

رقم الاحداثية للورشة
24.38.03.04 شمال
46.47.35.34 شرق

رقمه تحصله على الخاص

موفق

[برق الشمال AM]

السلام عليكم الشكر للأخوان على مشاركتهم وأفادتنا وشكر مخصوص للأخ سوبرvtc على المرور
أتصلت هاتفيآ باالمهندس ابو ابراهيم وعرضت عليه المشكله وقال لي احتمال كبير يكون حساس الأبنص
وقال لي الله يعينك سعره غالي ابكم ب4000 ريال وبالفعل فحصت كمبيوتر وطلع معي حساس الأبنص
وانا اللحين محتار بسعره ياشباب والله ماأدري اشتري جديد والا مستعمل والا اصلحه اذا كان يصلح وهل اذا تم اصلحه انشاء الله ماترجع المشكله والله محتار فعلا وش رأيكم ياشباب ........
ودمتم سالمين ...............................

[سوبر VTC]

الله يجزاك خير

لك رسالة على الخاص

يعينك الله

موفق

[مرير الشوق]

اخوي دور بالتشاليخ ..

ان شاء الله تحصله ارخص من الوكاله .

[الساهر2003]

اها بشر شيكت على فلتر الهوا ...!!

طيب اخوي البطارية عندك متى اخر مرة غيرتها ...؟؟

لانها صارت مع واحد تقريبا نفس وضعك .. واذا حط القير على N يقبل الدعسة واذا رجعه لـ D مايقبل الدعسة ,,

وراح لراعي بطاريات وفحص له الدينمو والبطارية وقال مشكلته من البطارية وغيرها خوينا وماشاء الله الموتر له شهر ولا احلى منه ,,

انت شيك وشف ان شاء الله تكون الامور خفيفة ,,