محتار بين سيارتين ارجو الافادة

[ناصر العجمي]

السلام عليكم

....




.........



.........
محتار بين سيارتين وابيها للشايب وهو راعي حلال ,,,

الاول الشاص والثاني جمس ,, طبعا الشاص معروف طيبه ورداه وخاصة مع المطبات يكسر الظهر

لكن الجمس الجديد ماعندي خلفيه عنه 2009 او 2010 ياليت تنصحونا يا اهل النصيحة ابي معلومات عن الجمس هل هو يستاهل من يشريه اقصد راعي الحلال , وش عيوبه ومميزاته



تحياتي لكم


اخيكم ناصر العجمي

[علي الحميد]

وعليكم السلام ورحمة الله وبركاته

ياهلا باخوي ناصر من المعلوم أن الأمريكي كله كهرب في كهرب وطبعا عمر اقصر من عمر الياباني

ولا يختلف اثنان من ناحيه الراحة بالأمريكي فهو سيد الطريق.

يمكن تظور الجمس التالي ولاكن لصاحب الحلال والشيل والحط ماأظنه ينفع له.

اما الجيب الشاص إن كان على المطب نقص من السست شوي ولا يضره عند التحميل .

والناس ادرى بالي يصبر شوف البدوان في البر وراعين الأبل وش يستعملون.

وقارن بينهن وربي يوفقك .

[ابو شريف]

والله اذ كان ابوك سواقته قشرى غير الشاص لا تدور

[مدرس بري]

اخي الكريم \ ناصر العجمي
تحية طيبة وبعد ..

انا واعوذ بالله من كلمة انا من خلال تجربتي للجمس 2009 هنالك عيوب من اهمها صوت الهواء وصرفية البنزين ولكني افضل الجمس على الشاص لان على كلامك للشايب الله يطول بعمرة ويعطية الصحة والعافية فالجمس مريح للشايب وقير اوتوماتيك اريح بعد
والراي الاول والاخير لك
والله يوفقك

[مخطط 2008]

تدرون اليابان تصنع الشاص لية للشركات الي تعمل في الطرق الوعرة والجبال مو سيارة لانة يقطع الظهر خاصة الشخص الكبير في السن

الامريكي مشاء الله راحة تامة

[لاخلى ولى عدم]

كانه لشايبكم الله يطول بعمره خذله جمس اريحله

وانت تبي تاخذ جديد يعني ان شألله خمس سنين ما راح يطلب شي غير بنزين وزيت

[المتقوقع]

الله يكتب لك اللي فيه الخيره

[الادعج]

والله شف تسانه للشايب الله يطول بعمره ...فالجمس ازين له من الراحه والقير تماتيك ..وخصوصا ان الشيبان سواقتهم راكده يعني ان شاء الله الجمس معه مامن خلاف

[القناص الأسود]

و عليكم السلام يا ناصر العجمي

الشاص ولا تحتار ويمكنك تغير المقعد إذا تحب او تعديل السست
لكن لا تردد بالشاص وربي يوفقك

[NissaN 1990]

الجمس أرسى وأريح و أوسع غماره ويشيل حمل أكثر وخصوصاً إذا كان دفرنسين حوض طويل بس خذ دبل عصا قير تماتيك


الله يعطي راعيه خيره و يكفيه شره

[ahmad995]

خذ شاص واسحب السست يصير مريح
ولو ما اعجب الوالد تبيعه بقيمته او حول قيمته

[الكونترولCONTROL]

و لا تنس سعر المستعمل
"الشاص" مثله مثل أي جيب "تويوتا"
شيك قي يدك .... تبيعه بالسعر الذي يعجبك!

[ناصر العجمي]

مشكورين على الردود ودماثة اخلاقكم

سؤالي لمن جرب الجمس الموديلات الجديدة هل فيها عيوب هل هو حساس وش وضع القير اذا كان تماتيك مع السحب ؟ وش الانواع الي تجي غمارة وغمارة ونص وش الاطيب فيهن


والله يعيكم العافية