خدمه بسيطه الله لا يهينكم ياهل الشمال عموماً واهل حايل خصوصاً..وبشكل عاجل

[حين حسونه]

بسم الله الرحمن الرحيم

السلام عليكم ورحم الله وبركااته



حيالله هالوجيه الطيبه الي داخله الموضوع...ياشباب انا انشاء الله ناوي انا وربعي في هاالاجازه الجايه نزرق للشمال عموما و لحايل خصوصاً....

ابيكم تعطوني اماكنن زينه للكشته....مع العلم بأن الموتر جمس2005 (بدون دبل)

وابيك تعطوني افضل الاماكن للمكشات لان مدة الرحله4ايام نبي نمشي فجرية السبت من الرياض الى الشمال ومكاشيتها بأذن الله وراح يكون التقسيمه يومين في موقع ويومين في موقع آخر...
فأتمنى منكم التكرم بأعطائنا افضل الامااااكن ولا يهم بعدها لانها اصلا خربانه خرباانه:d بس يالربع المهم هو الموقع الزين لنا ولخيمتنا....



الله يعطيكم العاافيه وبانتظاركم على احر من جمر لتجميع بعض المعلومات منكم يالنشاما

[سفير الشمال]

وعليكم السلام ورحمة الله وبركاته
حياك الله اخوي حين حسونه
بإمكانك البحث عن ماتريد عن طريق باحث قوقل لمكشات والموجود في اعلى الصفحه وستجد ان شاء الله مايسرك من معلومات وافيه
متمنيا لكم رحلة سعيده وموفقه ان شاء الله
تحياتي

[حين حسونه]

الله يحييك اخوي سفير الشمال..
بحثت بس مافيه موضوع متكامل عن افضل المكاشيت الي في الشمال عموما..
لهذا السبب كتبت هالموضوع..

وفي انتظار بقيه الشباب

[هاوي تصوير]

السلام عليكم ورحمة الله وبركاته

عندك منطقة حائل بها الكثير من الامكان المتميزة لكشتات الشبابية الجميلة بطبيعتها التي وهبها الخالق عزوجل
عندك اخوي منتزة مشار البري وعقدة والنفود وحديقة السمرا يوجد مكان مرتفع يطل على المدينة ومطعم التراثي
وانصحك بزيارة مدينة جبة يوجد بها متحف الاثري

[ابوقاعد911]

اخوي حسونه حياك الله بحائل انا اعلمك الاماكن الزينه بحائل بس بشرط تسير علينا وتاخذ واجبك انت واخوياك ومايصير خاطرك الاطيب باذن الله
اخوك :ابوقاعد 911 حائل

[طبعي شمالي]

الله يحييك اخوي

بس اربع ايام ماتكفي اذا تبي تزور الشمال كلهـ

[اهل الردات]

اسمع تبي نفود رح على خط الجوف وتبي الرض صخريه رح يم الروضه والديار الي بجنبه

[حين حسونه]

هاوي تصوير....ابو قاعد(ماتقصر وانا اخووك وخيرك واصل يالذيب)...طبعي شمالي...اهل الردات...الله يعطيكم العافيه على المرور وبيض الله وجيهكم لكن مهنا مكشات زين توه ممطور ولا بدا الروض يظهر به...؟؟؟


وفي انتظار بقية الشباب

[ابوقاعد911]

توارن -جو - الشعيبين -صحا- حيه-النفود-النهايد -السنيم-المختلف-قدران-مشار-صحاموقق-التفيهي -جرغ-المسما -حبران-حمر ياطب-سلمى-ابونمر-المشط -شطيب-عانقه -الرعيله-نقبين كلها اماكن مكشات

[حين حسونه]

طيب يابوقاعد وش ازينهن ووش منهن جاه ربيع...؟؟ بالنسبه للوقت الحالي...؟؟

[Saud n.q]

الله يوفقك ..

ويستر عليك يارب

[ابوقاعد911]

والله يااخوي حسونه انا طلعت الاسابيع الماضيه لم جو جاها مطر ولله الحمد بس للحين
ماربعت الله يجيب الخير لاكن اذا جاني علوم طيبه اول ما اعلم انت من عيوني