رفع السياره

[برج الرياض]

السلام عليكم
ابي طريقة لرفع السيارة وشكرا

[شامخ ألهيلا]

وعليكم السلام

وش سيارتك ؟

[اسير الغضا]

اذا كانت سست فيه طريقتين
كبس السست عند الميزات
او تركيب جلب عمود توازن
واليايات كعكات

[خرجاوي2009]

السلام عليكم
الله حيه وشلونك عساك بخير
وانا اخوك فيه اكثر من طريقه لرفع السياره
منها اليايات الاستراليه والكعكات
اليايات الاستراليه تلقاها عند محل الرمايه بالرياض والكعكات تصلحها لك المخرطه
انت مالك الا تروح وتختار المقاس اللي تبيه لرفع السياره
آمل اني قد افدتك فيما ذكرت وبالتوفيق للجميع

[اخو غنام]

مشكور

[برج الرياض]

السلام عليكم اشكر الاخوان على الردود لكن وين القى محل يبيع يايات استراليه وين تركب في ورشه

[شامخ ألهيلا]

عندك مركز الدفع الرباعي طريق العروبة مقابل مستشفى العيون
قبل ماي كار

عندك الرمايه بشارع التخصصي

[اسير الغضا]

لحظه يابعدي تركيب اليايات يترتب عليه
ان الموتر مب صايره مريحه ويثقل عليك المطب
على حسب وضعك ان كنت راعي مطامر بالبران ركبهن
اما اذا كنت راعي خطوط وتوداة للاهل ماصلحن لك ابد
والله يعينك

[التل الصامت]

والله ما عندي علم ولاخوان يفيدونك
ان شاء الله

[PATHFINDER 4]

معليش اخوي انت ماذكرت نوع سيارتك..ومثل ماقالو الاخوان هل انت راعي تحميل ؟؟<<خذ ياي استرالي

تبي ترفع السيارة بس ركب كعكات اذا كنت ياي او اذا كان موترك سست قوس السست بس راح ترجع لمقاس

الوكالة بعد فترة وحلها تضيف سسته

اتمنى اني افدتكـ

[كبسولة2]

الكعكات ممتااااااازة جداً للسيارة اليايات

ولا تأخذ أكثر من 3 سم حتى ماتضر الجربكس وعمود الكردان

قيمتها 50 ريال وتركيبها 50 ريال

أرخص وأفضل لك من اليايات الأسترالية لأنها قاسية في المطبات