الجمس الحوض

[انتراوي]

السلام عليكم

مساكم الله بالخير

أنا لي نيه أن شاء الله أغير الموتر و فكرت في الجمس الحوض لكن المشكلة ما أعرف عنه شي لكن هو جايز لي لانه تقريباً شاص غمارتين صحيح وجود الفارق لكن السعر أرخص و غمارتين
فياليت الي عنده خلفيه عنه أو يملكة يساعدني في هذي الاستفسارات و لكم مني جزيل الشكر

1- وش الافضل الجمس أو الشفر أو الفورد ؟
2- وش الافضل من ناحية القير العادي أو الاتوماتيك ؟
3- هل يوجد 2500 و الصندوق أصغر شيء ؟
4- ما هي أبرز العيوب ؟
5- كم السعر التقريبي لها من موديل 2005 و طالع ؟
6- وش نصيحتك لي في الجموس ؟
7- وش الافضل غمار ونص أو غمارتين ؟

أتمنى من يملك الموتر يقول الحق و لا يتعصب للموتر
و شاكر لكم

[انتراوي]

للرفع أتمنى الرد منكم

في انتظاركم

[MNH]

هل شغلك عليه كثير او بس طلعات بسيطه وكشتات معدوده

لانه مايصبر مع الوقت عكس الياباني كده ومده ؟

[yfd]

تسانك تبي جمس من2000وفوق نصيحتي لاتقرب القير العادي

[ناوي نيه]

نصيحه لاتقرب القير العادي

[اسطنبول]

الله يوفقك لو لي علم كان افدتك

[بانكر]

1- وش الافضل الجمس أو الشفر أو الفورد ؟
ج 1 الجمس و الشفر واحد اما بالنسبه للفورد ف ما اعرف عنه اي شي.
2- وش الافضل من ناحية القير العادي أو الاتوماتيك ؟
ج 2 وش لك بالعادي و غثاه<<<بالنسبه لي ممكن غيري يفضل العادي و المسئله مسئله تعوود
3- هل يوجد 2500 و الصندوق أصغر شيء ؟
ج 3 لا مافيه 2500 صندوق صغير و لكن يجي صندوق وسط و كبير
4- ما هي أبرز العيوب ؟
ج 4 انه كبير <<< بالنسبه لي هي ميزه خصوصا في شوارعنا شوارع الرياض مثلك خابر تمشي في امان الله و لكن يجي من يتبلاك و يبلاك الله يكفينا الشر .
5- كم السعر التقريبي لها من موديل 2005 و طالع ؟
ج 5 السعر التقريبي لموديل 2005 و طالع من ال60,000 ريال و انت طالع و علي حسب النظافة اما الغمارتين الجديد 2500 موديل 2009 سعره في حدود ال115,000 ممكن تزيد ل120 او تنزل الي 110 الف ريال طبعا .
6- وش نصيحتك لي في الجموس ؟
ج 6 بالنسبه للنصيحة مادري و الله وش اقول لك و لكن الله يدبرك علي الصالح
7- وش الافضل غمار ونص أو غمارتين ؟
ج 7 كان معي غمارة و نص 2003 وراح تشليح(الله يرحمه)عقبها اخذت غمارتين2500 اوسع للنومه داخل الموتر او للبزارين يطامرون الله يصلحهم .
أتمنى من يملك الموتر يقول الحق و لا يتعصب للموتر
و شاكر لكم

دمت بحفظ الله