استفسار بخصوص طبق السفاري

[بونواف 9]

السلام عليكم ورحمه الله وبركاتة
ياشباب من يقدر يفيدني ابي افصل طبق للسفاري مع العلم اني مركب خزان المنيوم
وبعض الشباب افادني بالبرية ورحت لهم وقالو العامل مسافر
من يقدر يفيدني جزه الله خير

[هواوي تعديل]

أنشء الله الشباب يفدونك وما يقصرون بس لو توضح مكانك من وين

[بونواف 9]

مكاني الرياض
وشكر لمررورك

[باترول2008]

هلابك أخوي

كنت أواجه مشكله مع الطبق الجاهز ما يركب عندي بسبب تانكي الألمونيوم ومثلك رحت للبريه قالو ما نقد نفصلك(محنب فاضيلك)
ورحت فصلت طبقا عادي من عند حداد لكن والله ما اعجبن أبد فنصيحتي لك إذا تبي طبق لا تروح تفصل عندهم إلا عند واحد (فاااااهم)


وبإنتظار تجربتك >> عشان نحذو حذوك

ويفيدونك باقي الشباب



دمت بود ...

[البتار2011]

عندك محل الكشاته مخرج 15 انا مفصل عنده طبق كروزر وارخص من الجاهز ...
للمعلومية يفصل لك مثل الجاهز اذا بغيت ... واذا ودك بشئ براسك يسويه لك ..

للأمانة لم استلم الطبق حتى الان لاني من خارج مدينة الرياض ...وعند زيارتي للرياض باخذه ان شاء الله

[باثفندر]

أنصحك تاخذ طبق جاهز زي اللي عند السنيدي وتقصه عند حداد وتظبطه على كيفك ،،

أفضل وأوفر من إنك تبدأ من الصفر .

[قناص خلاوي]

قبل حاول تشوف لك طبق مصمم صح لو على لاندكروز واعرف نوعية حديدة وطريقة تفصيله وان حصل تصوره احسن
ثم دور لك حداد فاهم واشرح له اللي تبي واعرض عليه الصور
ولا تنسى اذا كان عندك ثلاجة كهرب خله يفصل لها كرسي ومكان لمسامير التثبيت .
ثم بعد البوية رح في لأي محل رحلات عندهم خياط وخله يلبس لك الطبق بشراع معزول ويفضل ماتاخذ تنزاني لانه يمسك التراب ( بوجه العدو) خذ شراع قوي ولماع عشان ما يمسك التراب ولا الماء ..
التكلفه كلها بين 300 و 400 ريال .
اما الجاهز حق السنيدي وغيره فحديده ضعيف ولا يتحمل
لو ان حديده تيوبات وشبك 3 أو 4 كان ما صار رخيص كذا ..

والله يدلك على الصالح وين ماكنت

[البتار2011]

أنصحك تاخذ طبق جاهز زي اللي عند السنيدي وتقصه عند حداد وتظبطه على كيفك ،،

أفضل وأوفر من إنك تبدأ من الصفر .

انا بديت من الصفر وطلع غلي الطبق ب 180 ريال....

افضل من الشراء من السنيدي ب250 ريال ثم قصة بمبلغ لا يقل عن 50 ريال وتلبيسة ب ... الخ ... فصلك من عند محل الكشاته ب 180 ريال ..احسن لك

[بونواف 9]

الف شكر لكم على مررررروركم
وانشالله في راسي فكرة وابنفذها وانشالله ابطلعكم عليها
دمتم بود

[كشات عنيزة]

السلام عليكم ابغاء لي طبق مثلة

وش اسوي جزاك الله خير

[صبري طول]

السلام عليكم ورحمة الله

يا اخوان لو تكرمتو ابغى وصف محل الكشاته وين بالظبط

ومشكورين ولا تبخلون علينا بالوصف اذا كان شغله زين

[ftc]

يا أخوي انا معي سفاري مركب علية تانكي ألمنيوم
رحت لمحل السنيدي في بريدة قال حق السفاري مايركب مع التانكي قلت وشلون قال جرب
حق الباث يوم جاب العامل الطبق ركب زي الحلوة كنة مفصل علية بالتمام
التانكي الي معي 100 لتر حق السنيدي الطبق سعره 215 ريال قبل سنتين
نصيحة لاتفصل ولاشي رح لم السنيدي في الرياض وخلهم يجربونة لك
وتقبل مروري

[شقن بقا]

يا أخوان ممكن أعرف الطبق اللي تكلمون عنه وإستعمالاته.... أخوكم غشيم

[قناص خلاوي]

تفضل هنا اخوي شقن بقا
http://www.mekshat.com/vb/showthread...threadid=25037

http://www.mekshat.com/vb/showthread.php?t=160616

http://www.mekshat.com/vb/showthread.php?t=231501

[شقن بقا]

مشكور أخوي قناص خلاوي على التجاوب السريع وإن شاء الله منتب خلاوي الله معك