ما هي افضل طريقه لغسيل محرك السياره من الخارج ؟

[thanks]

السلام عليكم .

ما هي افضل طريقه لغسيل محرك السياره من الخارج ؟

دون الذهاب لامكان غسيل محركات السيارات .

هل بخاخ تنظيف الالكترونيات ينفع لذلك ؟

ام بخاخ تنظيف الصدأ ؟

يرجى توضيحكم .

[moog2006]

سؤال واستفسار هام خصوصا مع الموديلات الجديده والحساسات اللي ماليه الكبوت ننتظر الخبراء

[عارف الشمري]

يارجال انصحك بستم ( مع شوي ديزل) تطلع وكاله


وفيه تلميع للمكينه عند التلميع الساطع لاكن غالين شوي واذا الله جابك لمحل شغله زين افضل واحلا


وجهت نظر اخوي تقبل مروري

[بدر الودعاني]

لا أنصح بغسل المكينة إطلاقآ

والحذر الحذر من الديزل مهما كان

[thanks]

يرجى تواصل الجميع .

منهم من يقول ان لغسيل المحرك سلبيات ومنهم من ينصح بذلك .

طيب والحل والراي السليم ؟

هل يمكن الواحد يغسل محرك سيارته بنفسه
دون الذهاب لاماكن غسيل محرك السياره ؟

الا يؤثر على الدينامو والكويلات والكترونيات السياره ؟

[لن أمل من العطاء]

انا جربت شيء وكانت النتيجة خرافية

4 بخاخات منظف كربريتور من اي سي ديلكو

بخ على كل شيء في الكبوت وميزته يكون حاد في الرش ويوصل لكل مكان ومذيت للزيوت والشحوم بدرجة فائقه طبعا الاتربه على طريقه يزيلها

تترك السيارة 10 او ربع ساعة وبعدها تكرر اذا فيه اماكن اكتتشفت انك ما شيتها اول

وبعدها تنفخ بالهواء حق البنشر

ولو تبغى يصير يلمع يعني يهناك تنسدح جنب المكينه
بعد ماا تسوي كذا
فيه بخاخ عند ساكو لتلميع المكينه يخليها كنها ما بعد اشتغلت

لكن حتواجهك مشكله واحده

وهي انه مايمر اسبوع الا بدات الاوساخ ترجع
طبعا من الجو وليس من طريقة التنظيف

[ابوراس الدحمي]

اذا تتجنب غسيل الماكينة عند المغاسل عشان عدم فعاليتها ففيه ببخاخات تنظيف
انما من ناحية اقتصادية فأضل انك تغسل بخار ولا تخلي العامل يطول رش مع شامبو حق
غسل الماكنية من اقرب محل زينة سيارات .
تحياتي

[عبدوش]

يااخون البستم مايخرب السياره ابدا احنا الي نخرب السياره عند الغسيل اكيد بتقولون كيف؟؟
انا اقولكم الحين اذا جينا نغسل بستم نغسل والموتر حار وهذا اكبر غلط والحل الصحيح انك توقف السياره نص ساعه تقريبا عشان تبرد
ولا البستم الي هو بخار مايضر ابد ا وانتبه من الديزل لانه يخرب الجلد الي بالسياره
ورا تلاحظ هذا مع مرور الوقت وتذكر لاتشغل الموتر حتى تتأكد ان السياره نشفت تماما

[thanks]

بارك الله فيكم جميعا .


الاخ المشرف : لن أمل من العطاء .

هذه طريقه يعملها صاحب السياره على رواقه
وهذا شئ رائع وينظف سيارته كما يريد وهذا
هو المطلوب لمن لايريد ان يذهب لاماكن مخصصه
لغسيل محرك السياره.

لكن بقي شئ واحد للاستفسار عنه:
بخاخ الكاربوراتور ألا يعمل على تجفيف
وتنشيف او تشققالجلد والبلاستيك الذي
بمحرك السياره من جلد ومطاط وبلاستيك
للفيش الكهربائيه والحساسات ؟

يرجى التواصل .

[بدوي جنوبي]

لكن بقي شئ واحد للاستفسار عنه:
بخاخ الكاربوراتور ألا يعمل على تجفيف
وتنشيف او تشققالجلد والبلاستيك الذي
بمحرك السياره من جلد ومطاط وبلاستيك
للفيش الكهربائيه والحساسات ؟

يرجى التواصل .

اى ماده بتروليه خاصة المنظفات تأثر على الاسلاك
وطريقة لن امل من العطاء بأمكانك استخدامها
لكن حاول عدم اقتراب البخاخ من الاسلاك

ويفضل استخدام هذه القطعه (مكشطة تنظيف)لأزالة الاتربه

صوره :

[EXPEDITION]

يا اخوان ما انصحكم بغسل المكينة انا قد غسلتها بستم صار الموتر يتفتف يوم رحت للورشة لقى البخاخات مليانه مويه و وسخة الله ستر ان الكمبيوتر ما احترق