السلام عليكم ورحمه الله وبركاته
اخواني الافاضل هذه سالفه الخيره في ماختاره الله
( خيره)
في يوم من ايام اجدادنا رحمهم الله تعالى
كان فيه شخص على لسانه دائم كلمه خيره تقول اليوم ماتعشيناء يقول خيره
تقول ماتت وحده من خلفاتك يقول الخيره في مختاره الله تقول وحده من الابل انكسرت يقول خيره تقول خسرنا بالتجاره يقول خيره اتقول راح حلالك يقول خيره
ماعنده الا هذا الجواب الخيره في مختاره الله او عين الخيره اوخيره
وفي يوم من الايام وهم عايدين من شراء بضاعه لقصد التجاره وكل شخص واضع كل امواله في هذه البضاعه وكان هذا الشخص من ضمن الاشخاص واضع كل ماله في هذه الحمله على الابل التي تخصه وعددها سبع اوعشرمن الركايب وكل شخص اللي له ثنتين واللي له اربع كلا على مقدرته
وفي طريقهم للعوده ققررو يضحون في مكان بين احد الدعوب او الشغايا الزينه لاخذ قسط من الراحه وعمل القهوه والغداء وبعد ماوصلوا المكان الذي اعجبهم المضحى فيه اخذ كل شخص يقوم في مهمه اللي يعمل القهوه واللي يحطب واللي يصلح لهم الغداء واللي ماخذ قسط من الراحه واللي يسولف بسوالف توسع الصدر
قال واحد من هولا الرجال هذا فلان أي شي نقول له مايقول الا خيره ماكن يعرف
الا هذه الكلمه ويش رايكم نخليه يغير هذا الكلام نسوي طريقه لعله نشاهده لومرة واحده يقول غيرها
فقال واحد من الرجال ويش الطريقه اللي نسويها فيه
اخذوا يفكرون قليل وقال لهم شخص انتم تعلمون ان اموال هذا الرجل كلها وضعها بهذه الحمل اللي على الركايب اذا راحت بيرجع فقير ويش رايكم اذا راحت البل
للمرعى مع الرعيان ناخذ فقط ابله نبركها ونعقلها وراء هذا الجال ونعلم واحد من الرعيان انه يجي ويصيح لنا ويقول الحنشل سرقوا حلال افلان من بدت البل ونشوف ايش رده
قالوا والله فكره
وحينما راحت البل للمرعى مع الرعاة لحق بهم شخص واخبرهم ماذا يعملون في بل فلان حسب الخطه ولا يفكون عقلها الابعد مايقال لهم فكوا قيدها
فقال شخص من الرعاة انا اقدر اتمثل بذلك من غير مايشعر فيني اني كاذب ولن اضحك اجيد التمثيل
وبعد ساعه اوساعتين تم تنفيذ الخطه لقد قدم واحد من الرعاة يصيح باطول صوته الحقوا الحقوا افلان ابله اخذوها الحنشل هي والبضاعه ولم يبقى منها شي وباقي الحلال رديناه اللي هو حلال الربع
وكان هذا الرجال جالس يتقهوى مع الربع ولاكن الامر يعنيه بشي فقال خيره ان شاءالله
فقال واحد يفلان اللحين ابلك انسرقت وتقول خيره قال ان شاءلله خيره وانت يالراعي لايضيق صدرك وانا عمك ولاتنزعج
ولا يضيق خاطرك
قال يعم كيف مايضيق صدري والبل وحلالك كله راح قال بابن الحلال عين خير خيره ان شاءلله
قال واحد من الجالسين انا احسبك بتنتخي بنا وتصيح علينا تكفون يالربع الحقوا عليهم حلالي كله راح ويضيق صدرك
فال يابن الحلال الخيره في مختاره الله
انتم تغدوا الحين ويسهل الله الامر
وبعد ماحطوا الغداءالابجماعه من الحنشل يتوافدون عليهم من كل مكان شاهرين اسلحتهم عليهم وهم يتغدون اخذوا الحنشل كل مامعهم من اسلحتهم وركايبهم واموالهم ماتركوا لهم الا رحولين عليها قرب الماء اللي يكفيهم في طريقهم
ذهب اللصوص بحلالهم ولم ينتبهوا لحلال ذلك الشخص اللي خلف الجال معقلات
وقالوا له ابشربسلامه ابلك لم تسرق
قال كيف وهي اول ماسرق هي
قالوا له ابلك خلف الجال باركه ومعقله كلها نريد ان نختبرك بكلماتك المتكرره
قال الم اقل لكم حين انسرقت الخيره في ماختاره الله هذي ابلي سلمت من رب العالمين
انتهت
اسف على الاطاله وان شاءالله اعجبتكم
واسمحولي عن الاخطاء كتبتها دون مراحعه
مع تحياتي
اخيكم الشيخ مسكين
خيمه السوالف الشعبيه في مكشات
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة سطام F15
