لنبه بردقانيه طلعت على في الطبلون ابي الفزعه وش حلها!!

[مفتاح14]

ياشبااب يعطيكم العافيه وسنه كلها امطار ورحمه على المسلمين جميعا..
سيارتي يوكن 2004 دبل xlقولوا ماشاء الله لاحد يخليني ابيعه تشليح خخخخخخخ<<<اح ياجيب الكزس على غفله خخخخخ
<<<القرد في عين امه غزال هههههههه <<<اقول لايكثر خخخخخ

المهم سيارتي ماشيه عال العال وطبعن امريكيه بس طلع فيها لنبه حقت المكينه البردقانيه ورحت وسويت لها فحص بالكمبيوتر وقال لي عاديه ومن كلام الجهاز انه يجب اصلاح القزوز بسبب البانزين مع اني مدلع موتر واعبيه 91 <<<هذا وهو مدلعه هههههههه
المهم بعد البرمجه ب7يورو خخخخخ قرابه 100 ريال راحت اللنبه وبعد كم يوم رجعت الله لايحييها وبحكم اني راعي طلعات بر وماعندي سالفه هههههههه اخاف لايتعطل بي موتري في وسط البر وانا لوحدي واحتمال اصفر وانادي بالصوت وماحد يسمعني ثم اجلس طول العمر في البر لوحدي عايش على امل تصلح لنبه سيارتي خخخخخخخخخخخ
تفكون ياجماعة وش الحل الله يجعلها تولع لنبة سيارت اللي مايحبكم <<<محشش الاخ خخخخخخخخخ
واللي عارف ولا يبي يساعدني جعلني امر عليه في الصمان في عز القيض وهو متعطل وناشبه رجله في الدفرنس واصبعه يمضغها ضب خخخخخخخخخخ
امزح فديتكم
<<<<يالله كل واحد ينتبه لنفسه ويرد ترا الصمان قدامه والدفرنس وراه خخخخخخخخخخخخخخخ

[س ل ي م ا ن]

هههههههههه
والله ماعندي علم بالأمريكي بس جازلي اسلوبك وبالذات اللمبه البردقانيه

[قطب 999]

اعمل ريستارت للسياره

[فهد33]

أقول والله انك حست علينا الصفحة كان صغرت الصورة اللي يهديك أما البردقانية هذي فهي محتمل سير المروحة أو فحمات للدينمو ضعيفة أول شيء يجب عليك تنظيف القربة وامكينة وإذا راحت الحمدلله يمكن غبار إذا ماراحت مثل ماقلت لك أما سير أو الدينمو يبي تنظيف المسألة بسيطة .... لا تهتم لابد أحد الإخوة مرت عليه هذه المشكلة .

[أبو فيصل 99]

ياشبااب يعطيكم العافيه وسنه كلها امطار ورحمه على المسلمين جميعا..
سيارتي يوكن 2004 دبل xlقولوا ماشاء الله لاحد يخليني ابيعه تشليح خخخخخخخ<<<اح ياجيب الكزس على غفله خخخخخ
<<<القرد في عين امه غزال هههههههه <<<اقول لايكثر خخخخخ

المهم سيارتي ماشيه عال العال وطبعن امريكيه بس طلع فيها لنبه حقت المكينه البردقانيه ورحت وسويت لها فحص بالكمبيوتر وقال لي عاديه ومن كلام الجهاز انه يجب اصلاح القزوز بسبب البانزين مع اني مدلع موتر واعبيه 91 <<<هذا وهو مدلعه هههههههه
المهم بعد البرمجه ب7يورو خخخخخ قرابه 100 ريال راحت اللنبه وبعد كم يوم رجعت الله لايحييها وبحكم اني راعي طلعات بر وماعندي سالفه هههههههه اخاف لايتعطل بي موتري في وسط البر وانا لوحدي واحتمال اصفر وانادي بالصوت وماحد يسمعني ثم اجلس طول العمر في البر لوحدي عايش على امل تصلح لنبه سيارتي خخخخخخخخخخخ
تفكون ياجماعة وش الحل الله يجعلها تولع لنبة سيارت اللي مايحبكم <<<محشش الاخ خخخخخخخخخ
واللي عارف ولا يبي يساعدني جعلني امر عليه في الصمان في عز القيض وهو متعطل وناشبه رجله في الدفرنس واصبعه يمضغها ضب خخخخخخخخخخ
امزح فديتكم
<<<<يالله كل واحد ينتبه لنفسه ويرد ترا الصمان قدامه والدفرنس وراه خخخخخخخخخخخخخخخ

[هاوي غماره]

هذي طال عمرك عطل بالمكينه

والوالد معه يوكن نفس الموديل اشتغلت عليه المه هذي قعدت اسبوع او اسبوعين وطفت الحمد لله

[عاشق الغميس]

مسااااااااااااء الخير بحكم أني ميكانيكي
بالنسبه للسيارات استعمال الأمريكي معضمها تولع اللمبه بسبب حساس العادم لأن البنزين الي عندنا يختلف عنهم بالنسبه لنسبة الأوكتان والأوكتين..
المهم اذا شفت الموتر مابه الى العافيه لاتهمك اللمبه الى اذا لاحضت تغير بالموتر اما ترتره او تقطيع او غيره فلازم تمر على اقرب كمبيوتر يشيك عليه لأن هالمبه تنبيه انه فيه حساس عطلان ..

[أبوسعود711]

اخوي تأكد من الدلكوا حق موترك لان موترى مثلك بس انا نيسان وبعد يومين رااح عقب ما صلحته

[ن م ر]

انا أتفق مع الأخ عاشق الغميس

المسأله : لا تعدوا كونها خلل في أحد حساسات المكينه

الحل : فحص كمبيوتر عند ورشه موثوقة وتحديد الخلل بناءً على هذا الفحص


أتمنى أن تكون مشكلتك بسيطة وتنحل بأقرب وقت

[عاشق الفيضة]

نفس المشكله طلعت عندي وتم تغيير جنزير التيمن لأن هاذي اللمبه تعطيك تحذيرعند كل
100000 كم أو 150000 كم حسب نوع السياره لتغيير الجنزير و البرمجه
وبعد تغييرالجنزير والبرمجه طفت اللمبه البردقانيه وهذا الكلام له أكثر من سنه
ونوع سيارتي vxr وتقبل تحياتي

[غربي هواوي]

اكشف عليها كمبيوتر اذا ما طلع فيها اي مشاكل

افصل اصبع البطارية نص ساعة واشبكة وتطفي

[حيدر الو]

هذي اللمبة لها عدة احتمالات يعني لازم فحص كمبيوتر ..........عندي فورد ولعة نفس اللمبة وسويت فحص كمبيوتر طلع حساس الهواء .......

[3Ro0oJ]

افصل البطااارية عشر دقااايق واشبكها وان شاء الله تروووح

[خطر]

يرجااال سهالات ..

افصل البطااريه ربع ساعه .. وتطفاا وبعد اسبوع بتولع
وسو نفس الحركه ^_^ < يعاااني ههههههه

وسلامك

[خ الفياض]

افصلها و وسع صدرك