بخصوص سير التيمن Vxr وين تنصوحونا نشتغل

[ابوابراهيم333]

السلام عليكم

معي فكسار وباغير سير التيمن

وابي ورشة زينة وقد اشتغلت وشغلهم يكون

نظيف ماودي اروح لاي واحد

ياليت من الاخوان الي جربوا يذكرون لنا ورشة والتكلفة كم تقريباً

لاهنتوا

[sulaiman.fj40]

اخي ابو براهيم/ الموتر 8 سرندل والشغل فيه يجب ان يكون من قبل مهندسين متخصصين فيه.ان كان عداد الكيلو واصل 150000 مائه وخمسين الف فيجب تغيير سير التيمن حالا.انصحك بورشة البازعي او الضحيان وبالتوفيق.

[ابوابراهيم333]

البازعي عندهم ورشة في الصناعية

ولا وين والضحيان وينهم فيه

واشكرك على سرعة ردك

ولا تهون

[الكونترولCONTROL]

ما هو سبب التغيير ؟؟
غيرته عند العضيب ( الصناعية القديمة )
و شغلهم ما شاء الله 100 %
و احرص تغير كل ما يتعلق بالسير في نفس الوقت

[ابوابراهيم333]

ولعت اللمبة وسالت بعض الشباب وقالو لي لمبة سير التيمن وبحثت في النت وعرفت وشي

لكن ودي اعرف كم كلفك كل الشغل وش القطع المتعلقة بها

[الكونترولCONTROL]

ان كان عداد الكيلو واصل 150000 مائه وخمسين الف فيجب تغيير سير التيمن حالا.

يا أخي لا تخوف الرجال !!! ولع عندي على 200
و لا غيرته الا على 350 لأني فكيت صدر المكينة
و إلا ما كنت أغيره
اللي يطلع عنده أصوات هو اللي لازم يغيره حالاَ
كان قبله عندي موديل 2002 سمعت
كلام "المهندسين" و أول ما ولعت اللمبة رحت أغيره حالا
و بعدما ما فكوه ما تفرق بينه و بين الجديد اللي جبت لهم

[الكونترولCONTROL]

لكن ودي اعرف كم كلفك كل الشغل وش القطع المتعلقة بها

بين 1600 و 2000 الشغل مع القطع ... حسب الورشة
خذ هذا رقم العضيب استفسر من المهندس
أبو حسن ( سوداني ) 014465940
بعد اذن الادارة ليس للدعاية و انما لخدمة الأعضاء

[كبسولة2]

الساكت عن الحق شيطان أخرس

العضيب شغلهم تعبااااااان وغاااااالي أحد الشباب غير عندهم سير التايمنق

بعدها بأسبوع خبطت المكينة ودخل معهم في شكاوى ومطالبات

أنصحك بالبحث عن ورشة ثانية أفضل لك

[شبح الموت]

افضل ورشة حاليا تخصص لاندكروزر الرشيد والضحيان فقط لاغير

والبازعي للاسف تغير تعامله الى الحضيض ولايهون النصاب ابوحسن السوداني

ولي كذا تجربه مع العضيب نصاب من الدرجة الاولى وانصح بالابتعاد عنه

وعلى العموم القطع المطلوبة جنزير ربل 195 ريال بكرتين وشداد 300 ريال

وماء الاديتر 25 ريال الاصلي والشغل من 500 ريال الى 700 ريال

والسالفة ماتطول بالكثير نص يوم ولويكون الصباح احسن

واذا تبي ارقام الضحيان او الرشيد راسل الخاص

[ابوابراهيم333]

الله لا يهينك لو تعطيني ارقامهم اكلمهم

[منصور الغامدي]

حبيبي 0 غير المهندس عمر لالالالالالالا تدور
جواله/ 0508257245
الموقع / شركة البازعي / صناعية الدائري مخرج 18

وعلى مسؤليتي الشخصية0

[لاندسات]

<?xml version="1.0" encoding="windows-1256"?>
<message><![CDATA[روح للضحيان بصناعية النسيم تلقا مهندس فلبيني اسمه رويل حط موترك عندة وارقد بس ادفع له 50 لجيبة و تلقا احسن تصليح]]></message>

[سوبر VTC]

عليكم السلام و رحمة الله

سعر سير التيمن تقريبا ب270 او 180
هذي نقطة
النقطة الاخرى
انتبه تدخل موترك المراكز الكبيرة
احد الربع بالرياض غير عندهم
سير تيمن + بواجي
شغل يد مع البواجي حول 1400
عندنا ببريدة ورشة الخضير شغل ذمه
شغل يد 300ريال
و السير و البواجي انت تشريهن

الرياض
عندك ورشة البريدي شرق معارض النسيم
على نفس شارع عبدالرحمن بن عوف

سير تيمن الافضل تغييره كل 150الف
و لامانع انك تمشي به 200الف

كد غيرنا سير تيمن لفكسار + جيب حوض ديزل + هايلوكس ديزل
و كانت الملاحظات على سير التيمن
ان به اكثر من نص العمر
بس الاحتياط كل 150الف

طبعا لو اهملت تغيير سير التيمن
ينقطع عليك
و يعدم عليك البلوف تعوج


ان بغيت طريقة اطفاء اللمبة علمن
يعني تقدر الان تطفي اللمبة
و بعد 50الف تولع معك
بمعنى انك تغير السير كل 200الف
اذا احببت

موفق

[ابوابراهيم333]

الله لا يهينكم يالربع وماقصرتو

ومشرفنا سوبر فتك بحثت في المنتدى والحقيقة لقيت كم موضوع عن طريقة اطفاء اللمبة

بس المشكلة محد كان متكلم عن الورش الزينة

لكن يعطيكم العافية وماقصرتو

[الكونترولCONTROL]

المشاركة الأصلية كتبت بواسطة عاشق الفكسار
عفوا اخوي العلامة :T-belt
واليك طريقة البرمجه >>>
طف السيارة وخل المفتاح داخل السوتش وبعدها اظغط الزر اللي في طبلون السرعة اللي يغير الكيلوات و علق عليه ودق السلف وانت معلق عليه بس انتبه تشغل السيارة وخلك معلق عليه ما يقارب الدقيقة وبعدها اتركة واظغط مرة ثانية بيطلع لك رقم 15 هذي معناها ان اللمبة تولع اذا مشت السيارة 150ألف كيلو, اظغط عليه مره اخرى بيطلع لك رقم 1 هذا يعني انها بتولع بعد 10ألاف كيلو، واظغط مرة ثالثة بيطلع رقم 2 هذي يعني انها بتولع اللمبة بعد 20ألف كيلو.
وأنت اختر متى تبي تذكرك؟ لو تخليها 15 ازين يعني 150الف كيلو
واذا اخترت الرقم علق على الزر لما يرجعك إلى الكيلوات وبعدها طف السلف وانتضر دقيقة او دقيقتين وشغل السيارة وتلقى اللمبة طفت ان شاء الله .
أتمنى لك التوفيق واذا احتجت شي ابشر والله والاعضاء ما يقصرون