وش اقرب شي لرياض

[دائم الوفاء]

وش اقرب مكان للرياض مربع ويمكن التخييم فيه خلال عطلة الربيع
بارك الله فيك ولكم خالص التحية

[المخلفي]

اقرب شي عندك روضه خريم والخفس ونوره والتنهات

[دائم الوفاء]

بارك الله فيك كم تبعد عن الرياض الخفس ونوره والتنهات وهل هي مثل روضة خريم ماتدخل بالسيارة ولكم التحية

[مدمن مرقوق]

كل الروضات اللي ذكرتها مافيها ربيع

افضل انك تخيم حول الزلفي وتحديدا شعيب جراب وغيانة والمناطق اللي حولها ولا الصمان

لازم تقطع 300 كيلو عشان تسر ناظريك

[المخلفي]

والله انا مدري عن ربيعها

يرونه بالذكر لكن انا شخصيا ماوقفت عليه

وهي زي خريم ماتقدر تدخل سيارتك

والمسافه من اتوقع من 150 الى 200
الافضل انك تروح ي ماذكروا الاخوان لفياض الصمان
ماهي مهمه المسافه المهم سعة البال والوناسه واذا مصمل على القرب
عندك روضه خريم

[ابوصالح77]

هلا أخوي ( دائم الوفاء)
فيضة نورة والخفس مافيها ربيع هالسنة الله ومحبسات مثل التنهات
والخفس أقرب من نورة وتدخل له من طريق الثمامة
تقريباً ( 130 _150)
لاكن لا تعب حالك وتروح يمهن

[محب مكشات ااا]

في الرياض وش حلو وتوني جآي منه تدري وش حديقة سلام في الديرة والا أحلا منه أسئل واحد راح الي خريم وأغلب مناطق الربيع الربيع ياأخ دائم الوفاء قبل العام وش احسن منه يغطيك ان كانك
فاضي تضيع وقت رح وان كان مشغوووووووووووول أحسن لك قض أشغالك

[العديم2009]

حياك الله اخي دائم الوفا
فيه مكان قريب من الرياض جهة الحاير جنوب حول وادي نساح ولكن الربيع مهوب ذاك الزود يعني ينفع للي مايبي
يبعد عن الرياض
هذا موضوعي وانا كاشت فيه الخميس والجمعة هذي
الماضية وكان المكان يمشي الحال
هذا تقرير لي عن المكان
على الرابط التالي

http://www.mekshat.com/vb/showthread.php?t=266315

[frrwan]

هلا أخوي
الأخوان ما قصرا
ومن وجهة نضري بان أفضل مكان وقريب من الرياض 100 كم
هي فيضة المسعودي بسعد طريق الرياض الدمام
يجيك كبري سعد تطلع معه يمين وتسوي ريتيركنك راجعللرياض على طول فيه لوحة مكتوب أبار سعد خذ معها يمين وأسأل اي واحد يوديك لها .
تقدر تدخل بسيارتك وربيعها زين وقريبه

[دائم الوفاء]

الله يجازيكم بالجنة ونعيمها...
الجميع وماقصر وبيض الله هالوجوه حرمها على النار آمين

[مؤسسة الوجار]

لاتتعب نفسك وتروح للخفس مافيها ربيع ابد الله يرحمنا برحمته