وين ألقا هالسيارررررررره

[فهد 1426]

الحقيقه اني دورت وحست المعارض والصالات بالرياض وما لقيت هالسياره بصراحه الموتر صالح لي بمعنى الكلمه وإن شاء الله اني بشتريه بس وينه ارسلت لشخص يدعى ناصر الحارثي لديه موقع لاستيراد السيارات وإلا الأن ما جاني رد .

لقيت وحده عن صالة الشهراني على ما اعتقد بالشفا ـ موديلها 2007 يقول موظف الصاله انها جت بالغلط ولا هم طالبين جيب اكسبلوررسالته عن السعر قال والله الى الآن ما دري كم سعرها ـ قلت كم تتوقع قال ما تقل عن السـتين ألف طبعا غالي سعرها مقارنة مع الجيوب اللي من فئتها

الصوره مأخوذه من موقع بيع سيارات بالكويت

[abu fares]

الله ييسر لك وتلقاها

[فهد 1426]

تسلم والله
الله يسر امرك وأمر كل مسلم

[دايت]

توكيلات الجزيرة ..

طريق خريص..

واعتقد كان فيه واحد عارض 2008 هنا في الموقع من فترة..

يبيلك تسوي بحث..

[مستشار لا يشار]

الله يوفقك للوصول لسيارتك اللي في بالك

[ملكه الصحراء]

يارب تلقاها
اكثر من كذا ما اقدر اساعدك احسن شي ادعي لك وهــ بس

[بن داود]

سو بحث المنتى فيه واحد عارض واحد من توكيلات الجزيره

اسود موديل 2008

[مكشاتي النماص]

انا شفت واحد قبل شهر تقريباً بمعارض النسيم وكان موديله 2004 لونه كحلي غمارة ونصف وكان نظيف جداً جداً واعجبني بس الوالد كان مصر انه ياخذ Gmcوكان سعره سوم 34 الف ويقول افرقو السوم 500 وبيبيع طبعاً مستورد بس والله نظيف جداً

[فهد 1426]

توكيلات الجزيرة ..

طريق خريص..

واعتقد كان فيه واحد عارض 2008 هنا في الموقع من فترة..

يبيلك تسوي بحث..

يعطيك الف عافيه بكره اتوجه لهم بإذن الله

الله يوفقك للوصول لسيارتك اللي في بالك

ما قصرت دعوات رقيقه

يارب تلقاها
اكثر من كذا ما اقدر اساعدك احسن شي ادعي لك وهــ بس

وش احسن من كذا يا ملكه الصحراء مشكورررر

سو بحث المنتى فيه واحد عارض واحد من توكيلات الجزيره

اسود موديل 2008

سويت بحث بواسطة قوقل ما لقيت الا بالكويت واعلان قديم 2005

انا شفت واحد قبل شهر تقريباً بمعارض النسيم وكان موديله 2004 لونه كحلي غمارة ونصف وكان نظيف جداً جداً واعجبني بس الوالد كان مصر انه ياخذ Gmcوكان سعره سوم 34 الف ويقول افرقو السوم 500 وبيبيع طبعاً مستورد بس والله نظيف جداً

يعيطك الف عافيه بس ترى اللي بالصوره غمارتين يعني مثل الددسن والهايلكس بس امريكي



شاكر للجميع مداخلتهم وأتمنى مزيد من الاراء

[دنيا...]

موجود في الوكالة أخوي ....

[النحيف]

أخوي شاري 2007 ابيض من الامارات اول ما طلع ولا نزل عندنا بالسعودية الا 2008 والصراحة الموتر ممتاز بالبر والسفر بس عيبه انه نازل شوي واخوي رفعه
والله ييسر لك السيارة اللي في بالك ...

[لن أمل من العطاء]

انا شفته بالتوكيلات جديد بقراطيسه
موديل 2009
في جده
طريق المدينه النازل

[خواع]

الله يوفقك للوصول لسيارتك اللي في بالك

[فهد 1426]

أخوي شاري 2007 ابيض من الامارات اول ما طلع ولا نزل عندنا بالسعودية الا 2008 والصراحة الموتر ممتاز بالبر والسفر بس عيبه انه نازل شوي واخوي رفعه
والله ييسر لك السيارة اللي في بالك ...

الله يعطيه خيره ويكفيه شره : ياليت تسأله بالله كم شراه : انا لقيت بصاله بالشفا سعرها من الاخير 58000 ريال نفس الموديل ابيض

انا شفته بالتوكيلات جديد بقراطيسه
موديل 2009
في جده
طريق المدينه النازل

بارك الله فيك (( آخر الدواء الكي ))

الله يوفقك للوصول لسيارتك اللي في بالك

آمين وشكرا جزيلا لك


اشكر الجميع على تفضلهم بالمشاركه

[NOYEB]

هذا اسمه اكسبلورر تراك غمارتين دبل..سعره جديد بالوكالة بحدود 114000 ريال.
موفق