عندي مشكلة بالباترول وابي الحل تكفووون ..

[الغرابيM]

السلام عليكم ورحمة الله وبركاته ...

معي باترول 94 م وكان عليه جنوط الهلل والموتر ماكان فيه الرجه وبعدها بعت جنوط الهلل واشتريت جنوط فتك وبدى الموتر يرج سويتله ترصيص اكثر من مره مانفع ..

مع العلم ان الجنوط مافيهاا شي سليمه وقال الي رصصت عنده يبي ترصيص مكينه ..

الي صارت معه المشكله هذي او عنده خبره يفيدني وين احصل الي يرصصون مكينه .. الموقع القصيم ..

[التعـ King ـديل]

ترصيص مكينه قصدك ارضي

اخوي عليك بميزان المجد بالصناعيه القديمه بالرياض يسوون لك ترصيص ارضي ويشيكون على الموتر من اذرعه ومقصات يمكن تكون فيه جلد متقطعه

[الغرابيM]

الله يبيض وجهك اخوي التعديل بس المشكله الرياض بعيد إذا فيه احد يخبر بالقصيم محل يدلنا عليه

[برايدوي عنيد]

السلام عليكم اخوي المدهش

فيما يبدوا عندك مشكله بمساعد الدركسون او الاذرعه او جلد عمود التوازن او وزن رمان

مر ابوسليمان الهبيش وان شاء الله يفيدك ....

تقبل اخوي مروري....

[رفيع المقآم]

هلا اخوي طيب جرب ترصيص لصق رح للبناشر وق ابي ترصيص لصق ترها تختفي جرب وماراح تندم

[وليد 5]

اخوي ارجه هذي متي تجي عند السرعه80 كيلو او عندم تضرب مطب نوع ارجه هذي اشي

[سوبر VTC]

اذا ضربت مطب و اهتز الدركسون فالمشكلة
ضعف بمساعد الدركسون
عادة تحصله مهرب زيت
او
من ارتخاء وجه رمان وردات العكس
ارفع الكفرات الامامية و حرك الكفر
فوق تحت + للامام و الداخل
اذا اهتز فالمشكلة من وجه الرمان راخي
عموما اتوقع 99% من الجنوط
جرب تغير الجنوط و الكفرات من موتر اخر
و تروح الرجه
افضل من يكشف على موترك
الصمعاني ابو عبدالله بتشاليح بريدة
اما ورشة موسى السيف بالشارع التجاري فهم يدبلون مساعد الدركسون
موفق

[هويدي]

ماقصروا الاخوان خصوصاً الاخ سوبر فتك

ابدا بالاسهل

من ارتخاء وجه رمان وردات العكس
ارفع الكفرات الامامية و حرك الكفر
فوق تحت + للامام و الداخل
اذا اهتز فالمشكلة من وجه الرمان راخي

[الغرابيM]

ماقصرتم وبيض الله وجيهكم ..

الف الف شكر ..

[شمالات نجد]

جنوط تجارية؟

تأكد من مسامير الجنوط انها مخصصة له وطابقة تمام؟

رصص أرضي؟

سلام

[طربان على صوت]

^^^^^^^^^^^^^^^^^^^^^^