شوركم يالربع ..

[ام صتمه 87]

السلام عليكم ورحمة الله وبركاته



كيف حالكم يالمكشاتية ؟ طيبين إن شاء الله ..

أخواني نبي شوركم ..

زاد عدد أفراد العائلة وأنا معي كروان فكتوريا ..

ابي شوركم وش آخذ سيارة ..


- طلعاتي للبر قليلة ..

- أسفاري بين الكثرة والوسط ..

- يهمني جودة السيارة وعدم طلبها للورشة ..

وأنا محتار بين ( اليوكن , لاند كرورزر مستعمل , باترول , باجيرو , اكسبديشن )




وشرايكم وش تنصحوني وانا ابي السعر الأنسب ..

[ام صتمه 87]

وش قلتوا ..

[ام صتمه 87]

أخواني أنتظر رايكم ..

[مخاوي الليل1]

السلام عليكم
انا افضل الاند كروزر
والله يوفقك في الاختيار الافضل

[ابوناصر426]

اخذ لك باثفاندر او اكسبدشن او اكسبلورر

[شمالات نجد]

نصيحة خلك عندك سيارتين وحده للديره والثانيه للبر والسفر

وأنصحك تدور على مستعمل نظيف من واحد تعرفه

اليوكن يمدحونه ما دام طلعاتك للبر قليله ولا فيها وعورة وبينفع للسفر بدون أي كلام

والاكسبلورر ممتاز إن كانك بتاخذه جديد وسعره معقول جداً (أقل فئة)

سلام

[برق الدمام]

هلا بك اخوي ام صتمه

انا بصراحه اشوف ان اليوكن ممتاز.... والاند كروز ممتاز بعد

بس اليوكن يبيله ميزانيه لحاله حق الصيانه الدوريه

خلك حول هالموترين

مع اني افضل الاندر كروز بر سفر داخل البلد ومكيف مايحتاج في حرنا اللي يلهب

[عاشق السيل]

إذا طلعاتك للبر قليلة خلك على اليوكن ،، أرخص قيمة من الياباني وأريح مركب وأوسع مراتب وأرخص قطع غيار وإن كان جديد يكون أفضل !!

وإذا أنت راعي جلد بالبر لايقربك اليوكن وخلك على اللاند أو الباترول وشطب على غيرها (( وجهة نظر خاصة )) !!

وعسى الله يوفقك للي فيه الخير ....

[س6ك7ب]

السلام عليكم ورحة الله وبركاته
رأي وأنا أخوك خذلك لاند كروزر وريح نفسك من كثرة مشاكل السيارات الثانية
وبالتوفيق

[سوبر VTC]

حدد كم الميزانية المخصصة للموتر ؟
عشان يفيدونك الربع
انتبه
تخلي عندك موترين
لانه يشغلنك بالمصاريف و الاعطال
كانك تكد على مرتين

[شمالات نجد]

حدد كم الميزانية المخصصة للموتر ؟
عشان يفيدونك الربع
انتبه
تخلي عندك موترين
لانه يشغلنك بالمصاريف و الاعطال
كانك تكد على مرتين

بالعكس يا أبو محمد أشوف أنه أريح للموتر

وبالنسبة للمصاريف الفرق فقط في الاستمارة والتأمين

ولا تنسى أن الديره تدمر الجيب خصوصاً إذا كنت ساكن الرياض وتمشور 150 كيلو يومياً في هالزحمات والإشارات والمطاب.

سلام

[moooj]

الله يحفظهم لك ويصلحهم ويرزقك برهم ويجعلهم لك قرة عين.
اذ مالك بالمطامر والمناقز بالنفود ودامك راعي سفر وترحال خذلك اكسبدشن وتقدر تاخذه بدبل وتراه يجمل في طلعات البر العائلية وما عليه كلام ومن وجهة نظري السعة ولا الضيق ومواصفات السلامة والثبات ممتازه فيه وقطعه رخيصة ومتوفره وخراباته ما تكاد تذكر انا معي 2005 ايدي باور امريكي من صالة والحمد لله ما غيرت فيه غير المساحات الأمامية وطقم اربع كفرات ب 1900 ريال وماشاء الله لا قوة الا بالله ماعليه كلام في الخط والبر بالأضافة لوسائل الترفيه ومساحة التحميل ممتازة جدا فيه المرتبة الثالثة تنسفط بمستوى الأرضية وجلسة السيت الثالث مريحة حتى للبالغين وما يغلبك داخل المدينة بالمواقف والزحمة وسواقته مريحة
وعندك بعده اليوكن او التاهو والسوبر طبعا سيارة العائلة بلا منازع راحة وسعة وسلامة باذن الله ىودبله ماهو شين يمشيك في طلعات البر
اما اذا لك بالنفود فمالك الا الياباني لكن مماحولك موتر من ناحية الراحة ولا تزال متأخرة في ما يخص السلامة والثبات بالأضافة الى ضيق المساحةفضلا عن السعر المبالغ فيه وقطع غيار تصل ضعف الأمريكي.
اذ بتشتري مستعمل لا تزم تاخذ كافة الأحتياطات واولها الأستخارة ثم تاخذ معك اهل الخبرة واذا اخترت الموتر افحصه في اكثر من ورشة (خارج المعارض)
وترى السيارات توافيق بغض النظر عن الماركة والموديل ودعواتي لك بالتوفيق

[سوبر VTC]

بالعكس يا أبو محمد أشوف أنه أريح للموتر

وبالنسبة للمصاريف الفرق فقط في الاستمارة والتأمين

ولا تنسى أن الديره تدمر الجيب خصوصاً إذا كنت ساكن الرياض وتمشور 150 كيلو يومياً في هالزحمات والإشارات والمطاب.

سلام

قصدك ابو حمد is me
انا قصدي طالع عمرك
مصاريف من ناحية الاعطال و الخرابات و الحوادث لاقدر الله
و المواتر انت وحظك توافيق بعد الله سبحانه
لكن
اللي اموره المادية وسط بين وبين
الافضل له موتر واحد فقط
تبقى المسالة وجهة نظر لكل شخص
انا معارض و بشدة ان يكون للشخص سيارتين
الا
اذا اكانت اموره المادية تسمح

[moooj]

قصدك ابو حمد is me

انا قصدي طالع عمرك
مصاريف من ناحية الاعطال و الخرابات و الحوادث لاقدر الله
و المواتر انت وحظك توافيق بعد الله سبحانه
لكن
اللي اموره المادية وسط بين وبين
الافضل له موتر واحد فقط
تبقى المسالة وجهة نظر لكل شخص
انا معارض و بشدة ان يكون للشخص سيارتين
الا
اذا اكانت اموره المادية تسمح

كلام سليم اذا فيه سيارة وحدة تسد اللزوم

[شمالات نجد]

قصدك ابو حمد is me

انا قصدي طالع عمرك
مصاريف من ناحية الاعطال و الخرابات و الحوادث لاقدر الله
و المواتر انت وحظك توافيق بعد الله سبحانه
لكن
اللي اموره المادية وسط بين وبين
الافضل له موتر واحد فقط
تبقى المسالة وجهة نظر لكل شخص
انا معارض و بشدة ان يكون للشخص سيارتين
الا
اذا اكانت اموره المادية تسمح

ونعم فيك يا أبو حمد

تراي قايل أبو محمد تخمين.. زين صرنا حول العلم

00000000000000000

الله يكفينا وياكم الشر

فعلاً هي مسألة وجهة نظر

ترا مو شرط تكون سيارتين غالية

شكراً لك

سلام