كيف اختار افضل اشتراك بطاريه للسياره ؟؟ مواصفات اجود الانواع ؟؟؟

[MNH]

السلام عليكم


من الاغراض الضروريه في عزبه الموتر وجود الاشتراك في حاله انتهاء البطاريه خصوصا اذا كنا مركبين عليها محولات ونسينا نشغل السياره والسؤال هو


كيف اختار افضل اشتراك بطاريه للسياره ؟؟ ماهي مواصفات اجود الانواع ؟؟؟

[شقران755]

كيف حالك اخوي احرص على انه يكون الاسلاك الداخليه ناعمة وكثيرة مره

[1231]

الاشتراك الي انت حاطه ذا مايقوم دباب.

عليك باكبر اشترك الظاهر 600 امبير.

اقتباس من منتدى السيارات:

وهنا سرد لرقم الـ Gauge مع كمية الكهرباء المتدفقه (امبير) مع نوع المركبه التي يناسبها

Gauge او معيار 1 يمكن ان يوصل 700- 800 امبير ويستخدم لسيارات سعة الماكينه 7 لتر
Gauge او معيار 2 يمكن ان يوصل 500 - 600 امبير ويستخدم لسيارات سعة الماكينه 5.5 لتر
Gauge او معيار 4 يمكن ان يوصل 400 - 450 امبير ويستخدم لسيارات سعة الماكينه 4.5لتر
Gauge او معيار 6 يمكن ان يوصل 300 - 350 امبير ويستخدم لسيارات سعة الماكينه 3.5 لتر
Gauge او معيار 8 يمكن ان يوصل 200 - 250 امبير ويستخدم لسيارات سعة الماكينه 2 لتر
Gauge او معيار 10 يمكن ان يوصل 100 - 150 امبير ويستخدم لسيارات سعة الماكينه 1.6 لتر


وهنا سرد مبسط للنسبه المئوية بقوة التشغيل بعد توصيل الاشتراك مقارنة بقوة ال Gauge المعيار:

في حال الاشتراك بكيبل من معيارالـ Gauge 1 تكون نسبة التشغيل 99%
في حال الاشتراك بكيبل من معيارالـ Gauge 2 تكون نسبة التشغيل 95%
في حال الاشتراك بكيبل من معيارالـ Gauge 4 تكون نسبة التشغيل 80%
في حال الاشتراك بكيبل من معيارالـ Gauge 6 تكون نسبة التشغيل 60%
في حال الاشتراك بكيبل من معيارالـ Gauge 8 تكون نسبة التشغيل 40%
في حال الاشتراك بكيبل من معيارالـ Gauge 10 تكون نسبة التشغيل 20%

وباختصار شديد لآهل الجيوب وسيارات البر ينصح بأستخدام Gauge - معيار 2 او 4 بقوة 400 – 600 امبير لاغير

والان وما هو اهم وهو الطريقة الصحيحه لتوصيل كيبل الاشتراك من بطاريه حيه الى بطارية ميته (عطلانه)

وهنا الطريقة الصحيحه لتوصيل كيبل الاشتراك من بطاريه حيه الى بطارية ميتهلانه تحدث بعض الانفجارات من بعض البطاريات في حال توصيل كيبل الاشتراك لها

اولآ وصل الموجب في البطاريه العطلانه (الميته)
ثانيآ وصل الموحب في البطاريه الحيه
ثالثأ وصل السالب في البطاريه الحيــــــه
رابعآ وصل السالب في اي جزة من جسم السياره العطلانه
وخامسآ توكل على الله وقم بالتشغيل

كما في الصوره بداية بـ 1 ثم 2 ثم 3 ثم 4



اما طريقة فصل كيبل الشاحن من السيارتين فهو بشكل عكسي لما ذكر في طريقة توصيل كيبل الاشتراك السابق

ففصل اطراف كيبل الشاحن ابتداء من 4 ثم 3 ثم 2 ثم 1

وشكرآ ... فلا تبخلوعلينا من صالح دعائكم

منقول.

[faisal735]

اعتقد ان الاشتراك موضوعه هين اول شي مافيه اشترك صاحي في السوق واذا فيه غالي خذلك سلك تمديدات كهربائيه حقت عمائر من عند ادوات الكهرب تكون قويه وصعب ثنيها وركبها على اصابع اشترك تباع لحالها اعتقد بيكون اشتراك لا مثيل له وانا عندي واحد مسويه له اكثر من عشر سنوات ولو شبكتله مع طرف فيش ذكر وفي سيارتك فش انثى يكون احسن حتى مايبلشك احد اعطني الاشتراك وبعدين يقول ضاع الي يبي اشتراك ومقطوع تسوليه من سيارتك ومنعن للاحراج ......

[sameer_1798]

بارك الله فيك والله يعطيك خيره ويكفيك شره

[عبدالعزيز-1]

انا رحت وشريت ايدين اشتراك من محلات قطع الغيار وبعدين مريت محل كهربا واشتريت سلك 6 ملي من اجود الانواع وسويت الاشتراك بنفسي.

كل الشغله ماكلفتني 50 ريال

[عاشق ام حبه]

مشكورين على مجهودكم الرائع

انا عندي سؤال

سويت اشتراك بنفسي يعني ابتكاري يعني اختراعي

سلك كهرب 10 ملي + يدين اشتراك متينه من محلات الكشاته او الرحلات البريه سلكت كل شي وضبطته وماشاء الله قوي مره توصيل كهرب على طول اول مسوي اشتراك لسياره تشتغل على طول وجربته من سياره كرولا الى جمس واشتغل الجمس على طول من اول دقه

سؤالي اللي سويته مضبوط مافيه مشاكل على اسلاك كهرب السياره (الظفيره) او البطاريه ؟؟؟
ارجو اجابتي على هذا السؤال

انشاء الله قريب انزل صور لطريقة عمل هذا الاشتراك ونشارك معكم نستفيد ونفيد
تحياتي للجميع

[يزيد 999]

الاشتراك الي انت حاطه ذا مايقوم دباب.

عليك باكبر اشترك الظاهر 600 امبير



تعقيبا على ردك أخوي ترا اللي تضحك عليه هذ من اقوى الاشتراكات مع انه صغير جدا بالحجم وتقدر تلفزه باي محل لكن قوته500 امبير !!


لايغرك الشي الصغير ولاتضحك منه لانه يمكن يكون أفضل من الكبيييييييييييييييير

[hamido]

تعقيبا على ردك أخوي ترا اللي تضحك عليه هذ من اقوى الاشتراكات مع انه صغير جدا بالحجم وتقدر تلفزه باي محل لكن قوته500 امبير !!


لايغرك الشي الصغير ولاتضحك منه لانه يمكن يكون أفضل من الكبيييييييييييييييير[/QUOTE]
صدقت