15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 7 من 7

الموضوع: اخواني الاعزاء تحذير من محطات الوقود ومن البناشر على الطرق السريعه

  1. #1
    تاريخ التسجيل
    Feb 2010
    المشاركات
    485

    اخواني الاعزاء تحذير من محطات الوقود ومن البناشر على الطرق السريعه

    السلام عليكم ورحمة الله وبركاته
    مساكم الله بالخير او صبحكم بالخير
    انا حصل لي موقف مع محطه كنت موقف عنده علشان اعبي سيارتي بنزين المهم قلت له عبي فل وشفت اليد الي في المضخه حقه البنزين مشغله ماهي مسكره في عشره ريال يعني معبي لسياره قبلي ولا طفى المضخه ويوم شفت كذا انتظر شوي لين درت وجهي بعدين حط الي في خزان السياره قلت له خلاص عبي بخمسه ريال قال ليش قلت ماعندي نقود زعل وراح وصفر المضخه وبعد ماصفر المضخه قال عبي فل قال ليش قلت حصلت نقود صار يتكلم بالغته ماني داري ويش يقول بعد ماعبى قلت وين المسؤل عن المحطه قال هو الي شغال في البقاله ومافيه غيره قلت ليش ما اغلقت المضخه قبل تبي لي قال ان مغلقها بس انت ماتشوف رحتى لصاحب البقاله وطلع من جنسيته يعني مافيه حل عنده وصارت مره ثاني وخليته لين عبى وعطيته القيمه ناقصه عشره ريال قل ليش شوف العداد قلت عندي انا عداد يقول انك مزود عشره ريال واخيراً عطيته خبر اني شايف انه ما اغلق المضخه ولا بعطيه غير القيمه الصحيحه واذا ماوده نجيب الشرطه قال خلاص صديق يمكن انا مايشوف عداد مزبوط خلاص روح قلت لا وين كفيلك ونفس الحكايه مافيه غير واحد في المكتب نفس الجنسيه وصارو يكلمون ماني هم يسبوني ولا يتهوشون هذي تجربتي مع محطات البنزين وصرت اشوف المضخه مفلقه ولا لا قبل اعبي ياليت ياشباب تتنبهو
    والتجربه الثاني مع بنشر على طريق الرياض قلت غير الزيت وبعد مافك الزيت وخلص الا وهو جايب علبه واحد جالون من داخل المحل مفكوكه ويبي يحطها بسيارتي وقلت ويش هذي قال نفس الزيت الي طلبت الميبه اني دخلت الغرفه قبله وشفت العلبه مفتوح كنت ادور على زراديه وشفت الزيت فيها وستغربت ليش مفكوكه ودريت انها نفس العلبه قلت حبيبي انا ماغير من العلب هذي غير علب صغيره قال ماعدي اي زيت عندك بس تكون علب وانا بتصل على امن الطرق وان شاء الله يجون قال ليش قلت هذا زيت مجمعه من العلب الي تبقى بعد السيارات وبتحطه لسيارتي قال لا ياشيخ هذا جديد وبعد مهترات ومناقشات اعترف وقال ياشيخ كل زيت بس العلب تختلف وهذا جديد حرام نحذفه قالت اجل حطلي علب حديد وقدامي فكلها وحصلت الزيت موجود عنده وهو يقول مافيه عنده شي ياليت تنتبهون من هذي العمال الي ماهمها الا جمع مايمكن جمعه من المال والسفر لبلاد بدون مراعه للمشاكل الي بتحصل لمستخدم هذي السياره نقلت تجربتي عسى ان تنفع اخواني المسلمين واسف على الاطاله بس من القهر الي في لاحسيب ولا رقيب وضحيه المستهلك

  2. #2
    تاريخ التسجيل
    Oct 2009
    المشاركات
    95

    رد: اخواني الاعزاء تحذير من محطات الوقود ومن البناشر على الطرق السريعه

    شي يقهر وبعض الناس يدربي راسه اذا جاء يعبئ بنزين ولا يدري عن شئ انا بنفسي كشفت واحد بعد صلاة العشاء اليوم جبت العيد فيه بقسم الشرطه تلتلت ابو اللي جابه عماله استغلو طيبتنا ولاحسيب ولارقيب .......

  3. #3
    تاريخ التسجيل
    Oct 2008
    الدولة
    الدمام
    المشاركات
    880

    رد: اخواني الاعزاء تحذير من محطات الوقود ومن البناشر على الطرق السريعه

    المشكله ان العامل مصدق ومايصير له شي حتى لوجبت امن الطرق
    نفس المشكله صارت لي قبل شهر وقت الاجازه تعرف نص الشعب مسافر
    ورايح المكشات ومستعجل وقت الربيع وزحمه هالمحطات حتى اصحاب البقاله
    يلعب عليك بلحساب لكن عسى الله يعطينا على قد نيتنا ويسلط الله عليهم

  4. #4
    تاريخ التسجيل
    Jul 2008
    الدولة
    السعودية:الــــــريــــــاض
    المشاركات
    575

    رد: اخواني الاعزاء تحذير من محطات الوقود ومن البناشر على الطرق السريعه

    بدون ماتشوف العداد قبل التعبئة .

    انا بدون ما أشوفه . . أحط عيني في الانبير حق البنزين وأعرف كم راح يعبي به بالريال . عاد يمكن يزود ريال او ينقص ريال .. اما ريالين والله مايحصل . . بدون مبالغة والله .


    وبالنسبة لزيت المحطات حقت الطرق السريعة يزودون على العلبة ريالين تقريبا وخصوصا اليمنيين منهم .صح ولا انا غلطان .
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    اللهم يامقلب القلوب والأبصار . ثبت قلبي على دينك

  5. #5
    تاريخ التسجيل
    Nov 2007
    الدولة
    نــ ج ـــد العذية
    المشاركات
    7,369

    رد: اخواني الاعزاء تحذير من محطات الوقود ومن البناشر على الطرق السريعه

    يالربع عبوا عند محطات حديثة وعدادتها الكترونية
    اللهم ارحمني واغفر لي ولوالدي والمسلمين اجميعن
    اللهم حقق ما يجول في سرائر قلبي

  6. #6
    تاريخ التسجيل
    Jan 2010
    المشاركات
    1,657

    رد: اخواني الاعزاء تحذير من محطات الوقود ومن البناشر على الطرق السريعه

    يا رجال حنا خبول اي شي يمشي الحال مفروض ناخذ حقنا وزياده

  7. #7
    تاريخ التسجيل
    Aug 2005
    المشاركات
    361

    رد: اخواني الاعزاء تحذير من محطات الوقود ومن البناشر على الطرق السريعه

    راجع من الشرقية وقدر الله علي وانقطعت السيور ما بقا اللا حق المكيف
    واوقف سطحه وعلى أقرب محطة (( ساسكو اللي في سعد )) 100 ريال << ما تستاهل بس كنت مضطر ويستغلني (( راعي السطحة سوري ))

    ونتوكل على الله وأقل من نص سااعة وحنا في المحطة ونوقف في الورشة واقول للعامل (( يمني )) ابي سيرين بس المروحة والدينمو .. مكيف ما أبي .. قال ما يجي 2 تجي كاملة 3 وبـ 300 اصلي قعدت أكاسرة وقال 250 آآخر شي (( بالرياض مع التركيب بـ 150 بس على خط ومضطر وقلت الشكوى لله )) وشوي واشوفه دخل الغرفة وطلع بيده كيس مغلف فيه سيرين بس ولاهيب أصلية وبيدة سير واحد حق المكيف ..

    قلت له منتب تقول تجي 3 مع بعض وقال حق المكيف كانك تبيه زدت 50 يعني 300 وأعصب عليه ونتهاوش وارفع صوتي قدام الناس ياكذاااب وياااحراامي .. (( قهرني حسبي الله عليه )) وقلت ابعد عن موتري ومشينا يارااعي السطحه للرياض

    وقفنا في المحطة اللي بعدها بـ كيلوين تقريبا والقى الهندي ويقول عندي 2 بس مهيب اصلية يابانية وبـ 150 مع التركيب وقلت توكل على الله

    يوم جابها لي الااها نفس اللي عند اليمني ويقول كل المحطات كذا قليل اللي عنده أصلي (( هو ما كذب يقول مو اصلي بس اللي بعد الأصلي درجة أولى ))

    وركبتها عنده وسلمت من اليمني (( ناوي ياخذ 100 زود ))

    هذي من تجاربي من المحطات على الخطوط اللي الله لا يحدني ولا يحد كل مسلم عليها

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •