الباترول ومعاناتي مع الغبار

[Patrol4500]

السلام عليكم ورحمة الله


الأخوة في مكشات أتشرف بالإنضمام لكم

وأطرح هذا الموضوع وكلي أمل أن أجد حلا لمشكلتي

السياره باترول ربع 99

أولا موضوعي ليس انتقاص للباترول وكل ما أريده هو حل

الموضوع ومافيه أن الغبار ذبحن وخرب علي طلعاتي غير الحساسيه بالعيون وضيق التنفس
وما ادري من وين يدخل الغماره أحس أنه مع كل مكان !
سكرت فتحات الغسيل اللي بالأبواب وسكرت فتحة الهوايه ولفيت على الباب الخلفي ربل من محلات الزينه وكل هذا مانفع
وسؤالي \ هل يوجد أماكن أخرى يدخل منها الغبار ؟ وماهي
وهل يوجد محلات متخصصه لحل هذه المشكله ؟

وهذي صورة صورتها قبل يومين وانا ماسك ردميه
ويتضح فيها الغبار على نور الكشاف مع اني مقفل كل شي حتى الأبواب !

لاحظوا كمية الغبار لايمكن احتمالها








وعذرا على الإطالة وشكرا لكم

[غواص وقناص]

والله وانا اخوك هذا النيسان بصراحة ودي اساعدك لاكن الشباب فيهم الخير والبركة

[المعني555]

الله يهديلك بالك وتلاقي الحل

[Abu Saad]

شخصيا لايوجد غبار ابدا .
يمكن موترك قد تسمكر مع الزوايا الخلفية او البيبان.
الله يوفقك.

[Patrol4500]

ألف شكر على مروركم
وبا نتظار الحل

شخصيا لايوجد غبار ابدا .
يمكن موترك قد تسمكر مع الزوايا الخلفية او البيبان.
الله يوفقك.

الأخ أبو سعد الموتر خالي من الصدوم !
ومع ذلك كثير من السيارات تتعرض لصدوم ومايدخلها الغبار

وشكرا,,,

[رفيع المقآم]

يا اخي ترى يمكن يدخل مع فتحات المكيف تبي تجربه توضح لك سكر فتحات المكيف بجلاد ولا تخلي ولاربع فته مره وامسك لك طريق ردميه وامش على الموتر وجب وان شاء الله حليت مكلشتك

[راعي النياسين]

اخوي الغبار يدخل مع فتحات المكيف 100 %

والحل انك تسكر الهوايه حتى لاتدخل الرواح الخارجيه الى السياره

اخوي تأكد من فتحات المكيف سكر الهوايه وجرب

علما انه كان معي باترول 93 ولا اعاني من هالمشكله ابدا

[عبدالهادي قطر]

انت يمكن مشغل زر الهواء الخارجي
الي عليه صورة سهم معوي

[Patrol4500]

يا اخي ترى يمكن يدخل مع فتحات المكيف تبي تجربه توضح لك سكر فتحات المكيف بجلاد ولا تخلي ولاربع فته مره وامسك لك طريق ردميه وامش على الموتر وجب وان شاء الله حليت مكلشتك

اخوي الغبار يدخل مع فتحات المكيف 100 %

والحل انك تسكر الهوايه حتى لاتدخل الرواح الخارجيه الى السياره

اخوي تأكد من فتحات المكيف سكر الهوايه وجرب

علما انه كان معي باترول 93 ولا اعاني من هالمشكله ابدا

انت يمكن مشغل زر الهواء الخارجي
الي عليه صورة سهم معوي

حياكم الله وشكرا على تجاوبكم
فتحة التهويه أو الهوايه مسكرها بسلقون 100%
هل فيه فتحات أخرى خلف الديكور الأمامي ؟
بانتظار الحل
وشكرا ,,,

[عمر المختار]

هلا اخوي نفس موضوعك حصلي هناك مكان بين الكرسي الامامي والخلفي توجد فتحه دائريه تابعه للهند بريك اتبع السلك من تحت الفرش حتى خروج السلك من اسفل وبتلاحظ فتحة الربل وتاكد منها شكراااا

[الفورتنشر]

والله يمكن يكون هناك عندك مشكلة بالمتحكم بالتهوية
ممكن تفر العجلة إلى علامة اقفال التهوية وهي لم تقفل التهوية وأحيانا تصير هالمشكلة كثير بالداتسن والباترل يمكن نفس الشي ..

على العموم ترى الربل هذا اللي عند الزينة نصب * نصب ويعدم البيبان ويخليهن يالله ينصكن
كان معنا جيب 97 تويوتا وحطينا ربل وبشهر والبيبان متهرقلات من الصبخ
اذا عندك مشكلة ركب الربلات من قطع الغيار اللي تجي خصيصا للسيارات


شكرا لك

[ابوحمد666]

اخوي لكي تتاكد من وين الغبار لازم تحدد مصدر الغبار هل هو من الامام؟او من الخلف؟
اذا كان من الامام:
تاكد من ربلات الابواب الاماميه وخاصه من الاسفل
تاكد من الربلات الموجوده خلف دعسة الفرامل وامام ارجل الركب الامامي وبا امكانك انك تضع كشاف قوي داخل المكينه في مكان مظلم وتنظر من داخل السياره عن مكان مصدر الاضائه وكذلك العكس بحيث تضع الكشاف من الداخل وتنظر من اسفل ومن المكينه.
تاكد من الهوايه.
اما اذا كان المصدر من الخلف:
تاكد من ربلات الابواب الخلفيه لاتكون متقطعه وكذا الربلات الموجوده بالبدي
تاكد من وزن الابواب الخلفيه.
قم بفك قطائع الابواب الخلفيه (ديكور الابواب الخلفيه) وتاكد من وجود الغلاف العازل لا يكون متمزق.
تاكد وهذا الاهم ,يوجد فتحات للتهويه با الزجاج الخلفي الجانبي(يمين ويسار) قم بفكها وحاول تعبئها بالاسفنج وفكها سهل وهي كبس من غير ما تفك الزجاج.
الشي الاخر يوجد عازل عريض غير الموجود في محلات الزينه ويوجد عند محلات ادوات العزل والتبريد المنزلي انصحك فيه بحيث تزيل العازل اللي انت مركبه بالبدي وتركب هذا النوع ولكن يجب ان (يوزن وزن جيد بحيث تركبه بالبدي ويكون على مستوى ربلات الابواب.
اخير اتمنى اني افدتك ,,,,,,,,تحياتي

[باثفندر]

أأكدلك أخوي أن أي غبار يدخل إلى السيارة مصدرة الأبواب الخلفية ،، شيك ربلات البيبان حقت الشنطة ’’

[سسته]

اذا سكرت الهواية خلاص مايدخل غبار ابد ... بس تاكد اذا ضكيتها تنصك ولا تبقى فية فتحه ... مو مهم .. تاكد من الاتي /

الصاجات اللي فوق الكفرات وخاصة الكفرات الخلفية .. يمكنها مايلة او فيها شق ويدخل الغبار ... والشي الثاني من عند دعاسات البنزيم والفرامل والكلتش ... والثالث من عند المسجل تلقاه يجي من ورا انت افتح الكبوت في مكان مظلم وخل واحد يشغل لمبة من عند الوطايات وانت خلك عند الكبوت والمكان اللي تبي تشوف النور منه ( الطسه )

[ميمون111]

تأكد من سماعات المسجل الى على الأبواب الي اعرفه انه يدخل منها الغبار