تجربة.......... بطل الدروب

[نفود حائل]

السلام عليكم ورحمة الله وبركاته

بأختصار ,,,, اليوم مريت وكالة نيسان بحائل ولحسن الحظ انهم حاطين تجربة للسيارة وعلى طول ماصدقت خبر وسجلت اسمي وكلها 10 دقايق وجاني الدور

وركبت ال400 حصان ماشاء الله عليه فعلا سياره فارهة وهدوء عجيب من الداخل وتسارع ممتاز ولكن ماتحس انك تمشي بس تشوف انبير السرعة كأنه ضغط البزين مهب السرعة ما شاء الله عليه

وصرت طماع قلت لهم ابي اجرب 320 حصان وسعره مناسب 175 الف ريال وكلها دقايق وانا مجربه وبصراحة اقل سرعة من 400 حصان بس تحس انه اخف وزن

على العموم انا حزين جدا على الجيل الجديد من نيسان بسبب ان الشركة استغنت عن الدفرنسات امام وايضا من الخلف == لانه صار سيارة عائلية وللمدن فقط يعني مثل الاندكروزر
وانا طبعا اتكلم عن الاستعمال الشاق من نفود وقنص وغيره
وسألت الموظف وقال الباترول الشكل القديم راح يستمر الى 2010 بس واذا كانت الشركة ذكية يجب ان لاتستغني عن الباترول القديم

والشكر للجميع

[اليكي]

يعطيك العافيه اخوي
بس وين التسجيل بحايل ؟؟

يغديني اجربه واشوف هو يستاهل نطقه والا لا

[نفود حائل]

يعطيك العافيه اخوي
بس وين التسجيل بحايل ؟؟

يغديني اجربه واشوف هو يستاهل نطقه والا لا

التسجيل عند الوكالة بحائل بس مادري بكرا عندهم تجربه والا لا

[بو خليفه]

السعر غالي وغير منافس اما العكوس جميع الجيبات اكثرها اعكوس حتى الدراجات ذات الدفع رباعي عكوس لكن السعر هو المشكلة والضمان بصيانة يجب ضمان بدون صيانة

[هويدي]

لو يعطونن قروش ما جربته

لاني داري اني ابعاف موتري

الغريب بالموضوع السلقه ماله طاري ( باب واحد )

ابسميه بطيل الدروب او بطل الدروب حبه صغير

[لاتكب البيالة]

السلام عليكم
نيسان اعتقد بتتنزل الباترول القديم فترة فقط حتى يتعود الناس على الجديد ويضمنون خلوه من المشاكل
تماما مثل الصني تغيرت الى الكورية الاقل جودة مع موديل 2007 يوم ما تقبله الناس ارجعوا ينزلون الياباني مع الكوري 2008 و 2009 وفي 2010 وقفوا الياباني
طبعا مصانع وتدور الاكثر مكسب باي الطرق
الزبدة اللي معه باترول من الشكل الاول يجوده واللي يقدر يشري لا يتردد قبل ان يوقف تصنيعه ونصير نسمع انه سنه من السنين كان فيه جيوب تعيش اكثر من 5 سنوات بلا مشاكل

[شاهي نثري]

ان شا الله اني ابشريه بس اهم شي عندي املك بيت اول

[الجندي2005]

قيمته مبالغ فيها ،،،،،،،،،،،،،،،،،،،،،،،

اقل نوع كاش بـ 178 الف ريال اجل كم يطلع اجار منتهي بالتمليك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[rigidman]

وعليكم السلام ورحمة الله وبركاته

تجربة جميلة والله يرزقك والمسلمين بأفضل منه .

تحياتي .

[مجالس الرجال]

اجل اللاند موتر ديره
اللاند دفرنس خلفي وفليور امامي وكان منافس قوي للباترول
وهالحين صار الباترول من طقة الارمادا

[ابوعليa.a.m]

يعطيك العافية