هل فعلا ان النتروجين يقوي عزم السيارة ويخفف استهلاك البنزين!!

[منقذ]

السلام عليكم
قرات دعاية عند احد البناشر عن تعبئة الكفرات بهواء النتروجين وفيها
يخفف استهلاك الوقود
يخفف حرارة الاطارات
يقوي عزم السيارة
وانه آمن للإطار من الانفجار
ووميزات اخرى كثيرة
قلت اعرضها عليكم واشوف تجاربكم مع النتروجين وهل هو فعلا كما تقول الدعاية
تقبل التحية

[ذيب زلفاوي]

يارجال لايهمك كلهم نصابين
يازين هوا ربي هع هع

[عميد سامودة]

للدعايه فقط

[لاتكب البيالة]

يخلي الكفرات ما تحتمي وتحس السيارة اخف شوي
هذا من تجربه على اكثر من سيارة
لكن اهم شي المحل ما يكون نصاب

[االكريزي]

والله الي اعرفه انه يخفف حرارة الاطارات
الكلام الي قلته و الله مادري عنه بس يمكن نصب
الله اعلم

[ابوطاقية]

مثل ماذكر اخوى لاتكب البيالة
ممتاز من واقع تجربه وخاصه بالسفر بالصيف
وكثافة النيتروجين اقل من كثافة الهواء الطبيعي وبارد جدا

[أبوغيث 2003]

ميزة النيتروجين يخلي كفرات السيارة ماتحتمي لو بعز الصيف

فاللي معه سيارة ماينسم كفراته دايم زين ينفخ كفراته بالهواء هذا

لكن اللي دايم يكشت وينسم موب قاعد كل شوي يتفخ نيتروجين

[الدكتور 2007]

اللي اعرفه اننه ما بيخلي الكفرات تحمي

[ساري 111]

جربته مافيه فرق عن الهواء العادي ابداً

بل العكس حسيت بأرتفاع بدرجه الحراره اكثر من الهواء العادي

ماادري يمكن اللي عباه لعب علي ؟؟؟

[يوكن]

جربته مافيه فرق عن الهواء العادي ابداً

بل العكس حسيت بأرتفاع بدرجه الحراره اكثر من الهواء العادي

ماادري يمكن اللي عباه لعب علي ؟؟؟

والله انه لاعب عليك حسبي الله عليه بلعكس النيتروجين يخفض حرارة الكفر وانا من 3 سنوات مجربه على السفر البرودة واضحة جداً عن اول ( لاتثف في احد هذا الزمان الذي ذكرة الرسول صلى الله عليه وسلم الزمن الذي تنعدم فيه الأمانة ) الله يوفق الجميع .......

[عاشق الحيسية]

طيب يا إخوان الله لا يهينكم

وش أفضل محل في شمال الرياض يعبي نيتروجين وكم سعره؟

مع العلم إن الكفرات بالون 900

[ولد وايل..]

يارجل...

انا بأعطيك معلومه فقط...


تدري ..؟

نسبة النتروجين بالهواء العادي << العااااادي حق البنشر...

97 بالمائة يعني تروح تشقي عمرك وتعبي هوااء صافي نتروجين لفرق ال 3 بالمائة...

صح تفرق كم نسبة الهواء وما ادري وشو لكن في الأخير ماااافيه ذااااك الفرق الجذري ....

<<شي نفسي فقط>>

[خالد الفالح]

يا جماعه انا واقف على مكينة العضيب اللي يعبي نيتروجين والله انها مشبوكه في الماطور الاحمرحق الهواء العادي ويمررونها للتمويه على صندوق احمر في الجدار يعني للفلاتر والموضوع كله تمويه ونصب واحتيال وهذي تجربتي انا علما انه يربطني علاقه بأحد مدراء المراكز واقسم بالله انه كذب وضحك على الدقون فقط

[سلفاريو]

بسم الله الرحمن الرحيم
والله ياخوان ركبت قبل فتره طقم كفرات يوكوهاما وقال لي العامل تبي اعبيها نتروجين تراها افضل من الهواء العادي وبدون فلوس يقصد مع التركيب ...يقول تراها افضل ...ولكن يشهد الله علي ان السياره صارت تاخذ المطب بشكل غير طبيعي وبعد فتره رحت عند بنشر ثاني قريب من البيت ابي اشوف وش مشكلة قساوة الكفرات قال افضل لك غير الهواء الى عايدي والحمد لله غيرته وبعدها تحسن مطب السياره بشكل ملحوظ .. وبالنسبه للبنزين والاشياء الثانيه حقيقه مابين معاي شي .هذي تجربتي ...وسلامتكم ...وشكرا لك ياصاحب الموضوع وتقبل مروري

[شمالات نجد]

وش دخله في عزم السيارة والبنزين؟؟؟؟؟

أتوقع يبرد على الكفر فقط

وزين للي يمسك خط في النهار كل خميس وجمعة خصوصاً فصل الصيف

والحافظ الله سبحانه

سلام