السلام عليكم ورحمة الله وبركاته
ممكن يا اخوان تفيدوني عن التاهو شلونه حق البر والتغاريز مع العلم انه الدبل زر (كهربائي مو يدوي)
والله يعطيكم العافيه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
ممكن يا اخوان تفيدوني عن التاهو شلونه حق البر والتغاريز مع العلم انه الدبل زر (كهربائي مو يدوي)
والله يعطيكم العافيه
صديقي لديه يوكون وهو اخو التاهو
وماشاءالله تبارك الله وحش
جربناه في مدائن صالح _ العلا باقي السيارات مغرزة واحنا نمر من جمبهم
وجربناه في صعود الجبال
وماشاءالله تبارك الرحمن
اخي الكريمللمعلوميه سواقتي شديدة شوي (كابتن طيار قراند شروكي
انا معي واحد 2010 تاهو طلعته قبل 3 شهور عز الطلعات وكل يوم كشته وطعوس وبعدين في العطلة اللي راحت اللي كانت اسبوع طلعت
عليه المدينه المنوره عن طريق القصيم ومن المدينه لجده ومكه وتعرف الحر والزحمة هناك
وثمن الطايف مرورا بكرى بعد العصر والمكيف شغال ومن الطايف الرياض واحيانا انسى
وتوصل السرعة 180 بدون مادري وانتهت الرحلة بالرياض ولله الحمد والانطباع كان
ممتاز ..
اتمنى لنا ولك التوفيق وطبعا قبل كل شي صل صلاة الاستخارة .
توكل على الله...
خذها مني نصيحه ..
تبي تلقى مؤيد ومعارض..
الموتر من ناحية البر والمكاشيت خذ ولد ..
انا الموتر الآن له ثلاث سنوات وست شهور
وما خليت محل مارحت له..
لكن يبي يضايقك في نقطة وحده وهي ان كنت راعي دخلات للبر ولا طعس وسيوف نزوله من قدام لازم ترفع او تشوف له حل..وإن كنت راعي طلعات خفيفه وكشتات فقط فيوفيك وزووود..
وانت واحتياجك...
عساك ع القوة...
السلام عليكم
انا معي يوكن 2009 دبل
استخدم القير العادي اللي بعد الدي
الانطباع ما شاء الله ممتاز
انا معي تاهو 2009 دبل خوى نشمي في بر وبلد وخطوط مشاءالله تبارك الله وانصحك بقوه
مشكورين والله يعطيكم العافيه
الذين يشاهدون الموضوع الآن: 1 (0 من الأعضاء و 1 زائر)