تبوك في الصيف؟ (ريم البراري)

[ريم البراري]

جزاكم الله خير افيدوني عن تبوك هل السفر اليها خيار جيد هذا الصيف؟
ماهي الاماكن التي تنصحون بزيارتها؟
وافضل طريق للوصول اليها من القصيم؟

[ريم البراري]

للرفع.......

[مسافر1]

تبوك خيار جيد
لكن يوجد خيارات أفضل في مثل تلك الأوقات
فهي أفضل جو من الوسطى خلال الأشهر الثلاثة القادمة
لكن في نظري حنوب المملكة الأجواء عليلة وأكثر اعتدالاً بكثير
فيها أماكن جميلة إذا كان المقصد أماكن تنزه وسياحة
على سبيل المثال
الديسة
منطقة سحمى
جبال الزيتة واللوز
كذلك سواحل رائعة
مثل ضباء 190 كم ، شرما 150كم ، قيال 175كم ، مقنا ، حقل 200كم

[ذيب عتيبه]

السلام عليكم ورحمه الله وبركآته


حياك الله


اولا الله ييسر لك الامر .. ويهون عليك تعب وطول الطريق .. ويجنبك الشر ويحرسك ... اللهم آمين



بالنسبه لدرجه الحراره تقريبا ساعات النهار .. 36 حولها براد يحبه قلبك .. وفالليل تقريبا 26 حولها




من القصيم .. على حايل تقريبا 250 طبعا على الخط الجديد ... ومن حايل الى مفرق الجهرا حول 300 ك ومن الجهرا لتيما حول 100 كيلو .. ومنها الى تبوك 400 ك تقريبا...


وانتبه وانا اخوك للخط .. تقاطعات شاحنات .. والابل على الخط فالليل ..


وبالنسبه للمحطات عب الموتر من حايل .. بعدها المحطات ماتذكر وماتضمن انك تجيها وتلقى عندها بنزين ..



الله يستر عليك وترجع بالسلامه

[ريم البراري]

تبوك خيار جيد
لكن يوجد خيارات أفضل في مثل تلك الأوقات
فهي أفضل جو من الوسطى خلال الأشهر الثلاثة القادمة
لكن في نظري حنوب المملكة الأجواء عليلة وأكثر اعتدالاً بكثير
فيها أماكن جميلة إذا كان المقصد أماكن تنزه وسياحة
على سبيل المثال
الديسة
منطقة سحمى
جبال الزيتة واللوز
كذلك سواحل رائعة
مثل ضباء 190 كم ، شرما 150كم ، قيال 175كم ، مقنا ، حقل 200كم

جزاك الله خير
الله يسعدك اخوي مسافر
اذا ممكن اخوي خرايط توضح مواقع هالمناطق
وودي اعرف اذا كان يوجد شاليهات على السواحل

[hadaj]

حياك الله في تبوك الورد

تبوك كمدينه مافيها شي يستاهل الذكر
الجو في النهار تصل الحراره 41 احياناً....
في الليل جو رائع بكل ماتعني الكلمه وخاصه على البحر
افضل الاماكن على ابحر حقل جميع الخدمات موجوده ومنطقه رائعه ....
من زياره واحده تحس بحنين لحقل
وهذي خريطة حقلhttp://public.bay.livefilestore.com/...qil.jpg?psid=1
جنوب حقل البدع ومقنا وراس الشيخ حميد كلها مناطق تستاهل الزياره

شرما وقيال وضبا
وافضلها قيال شواطي روعه وفيها بعض الشليهات والخدمات متواضه
ضبا فيها كل الخدمات
الديسه منطقه سياحيه رائعه بس في هالايام حاره شوي يعني لازم مكيف والديسه مافيها لاشليهاتولااستراحات ولافنادق يعني على الحديده
وهذي خارطة ضبا
http://public.bay.livefilestore.com/...uba.jpg?psid=1

الوجه وخارطة الوجه
http://public.bay.livefilestore.com/...ajh.jpg?psid=1


اتمنى اني فدتك بشي

[ريم البراري]

جزاكم الله خير جميعا اخواني

[فريدي القصيم]

ماقصرو الشباب

بس لاتفوتك حقل200كم

وبحر البدع يوجد شاطي رهيب ويوجد عنده الطائرة القديمة وأنتم راجعين يجي مفرقها عن الايمين من حقل

وأملج شاطيها ساحر تبعد حوالي 450كم

[ريم البراري]

ماقصرو الشباب

بس لاتفوتك حقل200كم

وبحر البدع يوجد شاطي رهيب ويوجد عنده الطائرة القديمة وأنتم راجعين يجي مفرقها عن الايمين من حقل

وأملج شاطيها ساحر تبعد حوالي 450كم

جزاك الله خير اخوي

تنصحني بحقل واملج بدلا من تبوك؟

[الحربي حاتم]

حسمي وين تقع هذي ودي أزورها