يا اخوان محتار بين الهايلكس والنافارا (جديد) عطوني أرائكم

[مطلوب عاجل]

السلام عليكم ورحمة الله وبركاتة
أنا بروح اليومين هذي أشتري لي سيارة جديدة
يا هايلكس او نافارا ابي نصيحتكم ومشورتكم
وبخصوص الأسعار لأن سألت الشركة(ابو جميل) وقال لي
الجديد هايلكس جي ال اكس 77 ألف وحنا مقبلين على الموديل 2011
وش رايكم أنتظر ولا أتوكل على الله وأخذ 2010 وبالنسبة للنافارا نيسان
كيف أستخدامها وعيوبها وأسعارها ولكم الدعاء بإذن الله


تكفوون والله يا مشورتكم تهمني وانتم اهل لها إن شاء الله

[fusfus]

السلام عليكم اخي الكريم المثل يقول وجه تعرفه ولا وجه تنكره وانا اشوف وكثير غيري انه مافيه زي الهايلكس ماشاء الله قوه سمعه متانه اصاله وشيك بجيبك متى ما بغيت تبيع ارجو لك التوفيق والأمر اولاً واخيرا لك تحياتي

[مطلوب عاجل]

طيب والسعر ثابت 77 للهايلكس ولا راح ينزل في شهر رمضان القدام

[راعي الطلعات]

اسمح لي اخوي مطلوب ان انظم معك فأنا بين هالسيارتين ومحتار

بين الهايلوكس 4x4 وبين النافارا

اخر معلومات اعرفها ان النافارا جيد بس الطلب عليها متوسط وفخم من الداخل والخارج 6 سلندر طبعاً قسطه في الشهر 1300 من 107000ريال

باقي الهايلوكس نتمنا ان يعطونا الشباب عنه اي معلومات خاصه يقولون ان قيره نازل والمكينة المنيوم لكن ما اعرف كم سعره وكم قسطه

واسف على المداخلة وجزء الله خير من يعيننا

[محمد الظاهري]

ياخي لايش تاخذ بــ77
انتضر لين ينزل اسعر
ونصيحه ابعد عن عبد اللطيف جميل

[مطلوب عاجل]

آجل ننتظر فزعتكم يا شباب صرنا أثنين الحين نسألكم ونبي الجواب
وأنا حقيقة ارغب فيها كاش مالي ومال دوخة الرأس والتقسيط

[واحد مبسوط]

حياك الله اخوي
السيارات صارت استهلاكية اكثر منها تصبر معك
مسألة ان السيارة تصبر معك 15 او 10 سنوات انسى
شركات السيارات تبغى العمر الافتراضي للسيارة لايتعدى 5 سنوات
والدليل الهايلكس
موديلات 2005 وما فبل سيارات قوية وصبورة
بينما في موديلات 2006 وطالع
تراها متفككه ولاتعتمد عليها خلنا نكون واقعيين
والنافارا سيارة جديدة واستخدامها قليل وزبونها عند البيع واحد وطلبها اقل والدليل العروض المتوفرة لها

من وجهة نظري
التويوتا هايلكس شيك واستخدام بالرغم من عيوبها لانه لايوجد غيرها بالعربي
ولاتنسون الاستخارة وفقكم الله

[عميد سامودة]

خذ نافارا بلا ددسن بلا هايلكس ,, سياره ممتازه من كل النواحي

[راعي الطلعات]

خذ نافارا بلا ددسن بلا هايلكس ,, سياره ممتازه من كل النواحي

اخوي سامودة هل معك ونيت نافارا وكيف استخدامه معك وكم الموديل الي معك ياليت تعطينا معلومات لو قليلة عن النافارا علينا في السعودية صراحة

[رسمال]

سيارات النيسان رائعة جدا بالسواقة والقدرة على المناورة وافضل من التويوتا في التغريز
لكن
اعطال غبية ومتكررة
قطع الغيار غالية جدا واحيانا تزيد عن التيوتا ضعفين او ثلاثة
عند البيع يهبط السعر اكثر

اما التويوتا
تصاميم سيارات تويوتا في الغالب غير مناسبة خاصة الدفع الرباعي والفانات
ليست بمرونة سيارات نيسان
متينة جدا ويعتمد عليها في كل مكان (اقل السيارات اعطال على الاطلاق)
قطع الغيار مناسبة جدا
ثمن مناسب عند اعادة البيع

هذا راي شخصي لكن مبني على تجارب حقيقية مع سيارات نيسان وتويوتا
انا شخصيا لا يمكن ان اعود لنيسان بعد تجاربي المرة معها رغم حبي لها
وأرى ان تويوتا للناس اللي ما تحب القلق ومشاكل الورش والوكلاء

[عقووول]

والله النفارا سيارة الوالد

وسيارة ماعليها غبار عزم قوي 6 نمر وصرفية البانزين مرة ممتازة

وفيها متانه وانت اتسوق اتقول جيب

وماراح تسمع صوت الهواء الى بعد 160 او 170

اذا كنت بتشتري وتبيع بعد فترة فنصيحتي لك الهايلوكس

واذا بكد السيارة معك اكثر من خمس سنوات فانا ارشح النفارا

ونسيت اقولك ترا مطبها ماتحسبة مو زي الهايلوكس الهلي فيها مطب قوي

بس حط في بالك الضايع بين الاخوان مندل

سواء هلي او نفارا

[مطلوب عاجل]

الله يجزاكم بالخير لكل من ابدأ رأيه بخصوص المقارنة بين السيارتين
وبعد البحث بالمواقع وجدت أن الأغلبية أجمعوا أن الهليكس أفضل من النافرا
ولقد ذهبت اليوم الى المعرض وليس الى شركة أبو جميل ووجدت أختلاف بالسعر
2000 ريال وأعطيته العربون وقال بتوصل السيارة من جدة بغضون الأربع
الايام القادمة ولكم جزيل الشكر

[راعي الطلعات]

اخوي سامودة هل معك ونيت نافارا وكيف استخدامه معك وكم الموديل الي معك ياليت تعطينا معلومات لو قليلة عن النافارا
وتعرف السيارة جديدة علينا في السعودية صراحة

تعديل بسيط في الاقتباس

والف مبروك اخوي مطلوب على السيارة والله يعطيك خيرها ويكفيك شرها إن شاءالله

[عاشق السيل]

دائما الدفع الرباعي أفضل ،،

وألف مبروك السيارة الجديدة الله يطعمك من خيرها ويكفيك شرها ....

[كرويف]

ياخوي النافارا
افخم واقوى واجمل
وبحاول ان استطعت اسوي مقارنه