&& تبي ترفع سيارتك ( تفضل هنا ) &&

[تميراوي55]

السلام عليكم و رحمة الله وبركاته





بسبب كثرت المواضيع أو كثرت الاسئله

عن طريقة رفع السيارة من الامام أو الخلف

حبيت أهديكم هذا الموضوع

وهو



:: طريقة رفع أي سيارة من الامام او الخلف ::



**نقطه نحب نفهمها هي تعلق جميع السيارت يجي نوعان :

1 _ تعليق سست

2 _ تعليق ياي

اولا : طريقة رفع السيارة ذات تعليق السست :


_ تركيب كرسي سست أطول من كرسي البلد ( لعاب )



ولعابات هي الحديدتين اللي ماسكات السست من ورى الى الشاصي
تشوفهن حديدتين موصلات السست بالشاصي .


وهذه صور (للعاب) وهو ماسك في الشاصي من فوق والسسته من تحت ..










وهذا الفرق بين (لعاب) الوكاله والآخــر ..






طبعاُ يجي للعاب اشكال كثيره منها :










وتختلف مقاسات (اللعابات) على حسب اختيارك فهو يفصل تفصيل عند المخرطه ..

والعابات اغلب مقساتها تجي 15سم و18سم و 20 سم

واذا كنت تبي ترفع موترك 3 سم ركب لعاب طوله ( 18 سم )

وسعرها تقريباً من 100 الى 200 ريال

وهذه الطريقه هي أفضل طريقة لسلامة السست من التعفط والتكسر





_ رفع السياره عن طريق وضع جلب بين السست :

وهذه الطريق سهلة التركيب فهي لاتأخذ من الوقت سوى دقائق قليلة واغلب الشباب

يركبونها لرخص سعرها : وهي



جب الجلب (مقصوصه من نسافة تريله)





او جلب ( مقصوصه من كفر بالون )






وضعها بين السست من الامام والخلف :


من الامام :



كم الخلف :




وسعرها تقريباً من 10 الى 20 ريال





_ تركيب سسته أضافية ( بعد الأميه ) :






وافضل السست واريحها :


سسته خليجيه ( امارتيه ) السعر 120 مع التقويس

او سست مازدا السعر ؟؟؟؟





_ تركيب بلاطة جمس او سست مقصوصه :


بلاطة جمس :








سسته مقصوصه :








وهي تركب قبل السست ومكانها :









وطريقة تركيب بلاطة الجمس نفس تركيب السسته المقصوصه

وسعرها تقريباً

بلاطة الجمس = بـ 40 ريال

سسته مقصوصه = بـ 20ريال





: طريقة رفع السيارة ذات تعليق الـياي :


_ تركيب كعكات فوق الياي الخلفي :( مثل الصوره )













تــــــابع

[تميراوي55]

وهذا نوع اخر من الكعكات :










والكعكات تجي مقاسات كثيره انت تختار على حسب الرفعه اللي تبيها


والكعكات تجي حديد او الالمنيوم

والحديد يفرق عن الالمنيوم بالوزن فقط

سعرها تقريباً من 50 الى 250 ريال




_ تركيب ياي استرالي بدل ياي الوكاله :










والياي الاسترالي

تجي انواع اواحجام ، منها : وكل وزن له رفع معين

2 سم حمولة 50 كيلو ، موديل { 862}

4 سم حمولة 110 كيلو ، 200كيلو ، 400 كيلو

5 سم حمولة 200 كيلو ، 400 كيلو


وفيه انواع كثيره تصل الى 7 سم او 600 كيلو


وقيمة الانواع الثلاثة 550 ريال والتركيب 70 ريال


وانا انصح

يا 4 سم 200 او 110 كيلو

يا 5 سم 200 كيلو

ياعني نصيحه لاتركب اكثر من 200 كيلو لان كل مازاد الكيلو زاد المطب




_ تركيب بالونات الترفيع الهوائية وسط الياي :

وهي بالونات توضع وسط الياي وانت تتحكم في هواها يدوي

كل مازاد الهواء زاد ارتفاع السياره










وهذي صورة بلف الهواء :










والبالونات يجيلها انواع كثيره

وسعرها تقريباً من 400 الى 900





::



::


:: وهناك طرق عديده أخرى لرفع السياره .. ولكن هذه أفضل الطرق وأوفرها وآمنها بإذن اللـه ::

:: وأعذروني على الإطالة .. وســوء التعبير .. والقصــور ::


:: وارجوا من الله أن يكون هذا الموضوع مفيداً ونافعاً ونائلاً استحسانكم ::


منقول

[ولدالعم]

ماشاء الله
موضوع روهخ غني بالمعلومات موثق بالصور

مشكور ياغالي
موفق لكل خير

[صدق النوى]

ماشاء الله تبارك الله
يعطيك العافيه وماقصرت
صراحه موضوع رائع
لك الشكر والتقدير

[غالي]

ماقصرت بيض الله وجهك اخوي

موضوع جامع

تسلم يمينك

[تناهيت]

ماشاء الله من افضل ما قرات بخصوص الترفيع

ياليت تفيدني بالأفضل ونا اخوك
موتري فيه 7 سست شد بلد (جمس حوض حجم 3500 ) مشكلته قاسي بالحيل ركبت له مساعدات رانشو وتغير شوي لاكن لازال مطبه قاسي

ابي حل نظيف ولا يأثر على ارتفاع السياره من الخلف
فكرت بما يلي وعطني رايك :

1- اقلب السسته الأميه لاكن بينزل
2- اسحب سسته رديف
3- اركب بوالين تحكم يدوي ارخص وافتك من الكهربائيه لمشاكلها
4- اركب جلد بين السست
5- اغير سستت التحميل بوحده سماكه أقل

وش رايك في افضل الحلول لهذه المشكله ياليت تفيدني

تحياتي

[Avalanche]

السلام عليكم ورحمة الله وبركاته

مشكور أخوي تميراوي55

على النقل ....

و بالنسبه لتركيب البلاطة

في تقرير للأخ المبدع شروكي ربع

بصراحة تقرير ممتاز جدا وفيه شرح مميز ومفصل ....

http://www.mekshat.com/vb/showthread.php?t=229703

تحياتي للجميع ....

[المشوك الكندي]

صراحة موضوع اكثر من رائع شكرا لك على هذا الابداع والجهد

[mohmad]

الله يعطيك العافيه

[ابوصالح77]

يعطيك العافية

[ابو طلال8666]

يعطيك العافية اخوي تميراوي كفيت وفيت وماقصرت

[باترول 82]

بصراحة الموضوع مهم جدا وجا بوقته بالنسبه لي

الله يعطيك الف عافيه يالغالي

[بطاقة شحن]

يعطيك العافيه

[عرفاااان]

شاكر لكم اخواني على الموضوع

[عآشق الحره]

يعطيك العافيه موضوع قيم