ارجو الافاده في ضياع الصقور

[ابو جركل]

السلام عليكم ورحمة الله وبركاته

مساكم الله بالخير جميع

ياجماعة الخير انا دخلت على موضوع اخونا الكايد 8
وبصراحه تروعت وخفت ان طيري يضيع مني لان كل الاخوان مضيعين طيورهم
والسؤال انتو وش يضيع طيوركم؟؟؟؟

[yasser1389]

حياك الله ابو جركل انا اعلمك كيف يضيعون طيورهم اولا فك الطير على الحمام ويضيعونه اكثر شي يضيع الطير الحمام واللي يهده على كروان او حبارى ويضيع واللي غشامه واللي فشاره هههههههههه احيكم..

[الصياد07]

الفروض الحجل الي يحطونه في رجل الصقر يكون فيه رقم صاحب الصقر عشان لو ضاع لاقدر الله ولقاه أحد

[@السيف@]

اتوقع عدم اخذ بالاسباب مثل الهدد وقت الحوم غيرها من ما ذكرها اهل الخبره واولها عدم استوداع الطير على الله مثل انه قبل مايهده يقول للطير بقلبه (استودعتك الله الذي لا تضيع ودائعه)

[ابوناصر السهلي]

عطوك العلم

[راعى شاهين]

ابو جركل انا من الى مايحبون دعووووا الحمام ابد لاكن اذا كان طيرك مقصوم انه يضيع رايح يضيع انا ضاع بالربطه كان العامل يعلف الطيور ونسى يسكر الباب الخارجى كفخ الطير وطلع من عنده بس انا باقولك شى مهم جدا الان رح قص حجل لطيرك وباسمك وعليه رقم جوالك الرسمى بحيث لو يضيع فيه امل كبير انه يرجعلك اذا مسكه رجال ضميره حى ويخاف ربنا وتقبل مرورى

[وبران المري]

ضياع الطير مهوب على على كل حال انه غشامه ولا من هدد حمام

اذا الله كاتب انه يضيع ضاع حتى لو انه في غرفه مسكره بقفل

والطير اسمه ابو مختار بعض المرات يدقها حومه ولاعاد يجيبه لا دربيل ولاجهاز

[عديم الوصايف]

السلام عليكم ورحمة الله وبركاته

مساكم الله بالخير جميع

ياجماعة الخير انا دخلت على موضوع اخونا الكايد 8
وبصراحه تروعت وخفت ان طيري يضيع مني لان كل الاخوان مضيعين طيورهم

والسؤال انتو وش يضيع طيوركم؟؟؟؟

اخــــــــــــــوي ابـوجركـل حـيــــاك الله سـبـب ضـــيــاع الطيــر لهأ عــوامــل كثــيــره لاتـعد والاتــحصى
1- صقارة الطير صقاره جيده
2- اذا كـان طيرك خلوي ونزر هــذه مــن اكبــر المـشـاكل
3- طيــــر الحــمــامي
4- الــعــوامل الجـــويـــــه
5- الصــقــار نفســـه
اشياء كثيره والشباب يفيدونك انصك اشتري جهاز للطيور افضل حل

[قناص الهمله]

افادوك الربع

[طير الهقاوي]

الي يضيع طيورنا القسمه قسمة الله له انه يغدي منك
ولا اله الى الله
وتقبل مروري

[ابو جركل]

يعطيكم العافيه جمييع

[الصارم1]

فادوك الاخوان

[الكايد 123]

مسيك بالخير اخوي ابو جركل

موضوع حلو ومميز ومشاء الله ردوده واجد
بس انا اعارض الي يقول غشامه
لن هذا قدر ومكتوب الي كاتبه الله بيصير

انا اعرف رجال اسمه على لسان كل صقار وغادي منه طير للحين ما لقاه

وانا عن نفسي غدا طيري ورا زاجل سلم

واتمنا اني افدتك

تقبل مروي

اخوك الكايد

[عابر الموج]

اخوي حياك الله من الاسباب في ضياع الطير الاتي
-لابد ان تشنذر طيرك
2-تدهل طيرك على اقل اسبوع
3-في الاجواء الحار ه خل وزن طيرك اقل من المتوسط لوزنه الفعلي
4-ادع طيرك بواسطة سبب حتى تعرف نفسية طيرك
5-افحص ريشة الجهاز يوميا لانه احيانا تتعطل لوكانت جديده وقصدي الفحص دائما يكون من مسافة بعيده
6-ضع حجل بطيرك وضع رقم جوال يكون راعيه باستمرا متواجد عليه
7-شل معك دائما حمام وشبك لانه احيانا ينكر الطير وتقوم بشبكه
8-لاتهد على حمام الا في مكان سهل وابعد عن الاماكن الوعره
9- اذا هديت على اي شي خل معك سياره اخرى من خوياك لانه احيانا تتعطل سيارتك اوتبنشر ممايعرقل عليك متابعة طيرك
هذا وبالله التوفيق

[أبوفرحان]

افادوك الاخوان