كامري مواصفات خليجيه

[عزيّز]

السلام عليكم

استفساري باختصار انا عزمت اني ابيع موتري واطق لي كامري 2010 او 2011 على العيد ان شاء الله
فـ كنت جالس مع واحد من الشباب وقلت له عن نيتي وعطاني نصيحه وقال اشترها من الامارات بتلقاها ارخص ومواصفات افضل
وقال انك تقدر تحط الضمان عند عبد اللطيف جميل .. أنا بصراحه خشت مزاجي الفكره دام الدعوه فيها رخص
اللي بغيت استفسره منكم وشهي المواصفات الافضل في الخليجيه واللي ماهي موجوده عند ابو جميل وهل فعلا اقدر احط الضمان عند ابو جميل ؟
والحين اشتريها من الوكيل هناك ولا من المعارض ؟ وهناك ارخص من هنا بكثير ولا الدعوه الف الفين ؟ والجمرك كم ياخذون عليها؟
ابيكم تشورون علي بالفكره الله لايهينكم هل الرجال على صواب ولا لا لان الفكره خشت مزاجي ياليت اذا احد عنده .. فكره .. تجربه .. معلومه حول الشراء من هناك يفيدني فيها ومالكم الا الدعاء مني

[التعـ King ـديل]

الاسعار مهنا فرق واجد

يعني مصاريف رحلتك تقريبا اذا مو اقل

المواصفات افضل لانها تجي وكاله مو قص ولزق مثل ابو جميل

اما الضمان تفتح ملف ب 2500 ريال وتمشي على التشييك وكل تشييك بحقه مثل اي موتر ثاني

[عزيّز]

طيب ياخوي انا والله مامن زود بالسيارات ممكن اعرف وشي المواصفات اللي مهيب موجوده عند ابو جميل ؟
الله يجزاك خير ويفتح لك باب رزقه
وياليت احد يفيدنا بخصوص الجمرك لان ان كانه يكلف ماتسوى الروحه بخساره

[دحيم الفزعة]

السلام عليكم اخوي من ناحيه الفرق بالسعر لو جمعت قيمة فتح الملف+تكاليف الرحلة+رسوم الجمرك
راح تلقاها مقاربه لسعر السياره عند حبيبنا ابو جميل
والمواصفات ما عندي خلفيه عنها بين السعودي والخليجي
لكن لو تلقا مواصفات تحمسك انك تاخذها من برى توكل على الله طبعا بعد ما تستخير اهم شي
واهم شي لو يتأكد لك ان ابو جميل يلعب بالسياره انصحك تاخذها من برا لو صارت اغلى من هنا

تحياتي ====