بعض الاسئله عن كفرات البالون والجنوط للباترول

[سالم11]

السلام عليكم

يا الربع انا راعي خطوط وراعي ضلع

ومتردد في تركيب كفرات البالون

هل هي افضل او الشد بلد البرجستون او ماكسس او غيرها

الشاهد والسؤال عن البالون هل تصلح للفتك وثاني شي وش أفضل شي من ناحية الجنوط الهلل او الي تجد شد بلد في السوبر سفاري او جنوط الباث فندر مقاس 17

[سالم11]

ما شاء الله تبارك الله
















يا قلبي قلبااه عليه ما شاء الله





وش افضل الكفرات ماكسس أو سيام أو الهيرو

[عالم المعالي]

وين الاعضاء

[ALBDRANE]

مدامك راعي خطوط وراعي جبل لا تناظر غير البرجستون من واقع تجربة أما البوالين وأنت راعي خطوط هذي يبلها جلسات مهوب جلسه وحده أنتبه !

لاتناظر الرخص حياتك أغلى ونا أخوك...

.

[سالم11]

تسلم يا البدراني

[برايدوي عنيد]

هلابك اخووي ....

كفرات البرجستون ممتازه للخط لكن قووي مطبه بالجلد والوعر وبذلك يكون يستهلك الموتر من مساعدات وجلد وغيرهااا.

اما البالون ممتاز مع الجلد والوعر لكن بالخط يلعب بك الهواء ولاهوب راسي زي الكفر العادي مثل البرجستون او الدانلوب . والين مطب ولاياثر على تحتي الموتر زي الكفر العادي ويعيبه كذلك الرجه شووي ..

تقبل مروري .........

[سالم11]

اجل نصرف النظر عن البالون

طيب دنلوب أو ماكسس أو هنكوك

[هويدي]

افضل بالون عن تجربه سيام تاير ولكن يعيبه غلاء السعر والثقل بعض الشي ولا يجي 17

الماكسس حليو وخفيف بس عيبه موب راسي بالخط

[سالم11]

عز الله انك يا هويدي صادق الماكسس ما جاز لي تم تجربته وجيد لكن مهوب راسي

والهانكوك ما تعيش يا الربع


الظاهر الدنلوب

[هويدي]

دنلوب ممتاز ويصبر بس عيبه غالي سمعت هالايام ان الكفر 17 بـ 650 !!

الهنكوك حليو بس كانك بتركب لك وللزمن الشكوى لله دنلوب

[ابوحمد666]

اخوي سالم حياك ,,انا راح افيدك عن البالون على شكل نقاط وباقي الاعضاء ما راح يقصرون
_ اذا انت راعي ضلع فا البالون افضل كفر بس شرط انك تضع الهواء بالخطوط 35 وبالبر 18 عشان تسلم من البنشره وتتمتع بالراحه وترتاح السياره.
- بالنسبه للافضل فا الماكسس مقاس 16 ,,8 غاط نظرا لاخفه وسعره مناسب وانصحك اذا الجنوط عندك 17 فا شف لك أي جنوط 16 بشرط انه تكون اصليه حتى تسلم من الرجه لان ال 17 ثقيل مره,,
-بالنسبه للامان انا اشوفه من افضل الكفرات من ناحية الامان باذن الله وانا استخدمه لي 16 سنه ما عمري شفت بالون منسلخ او ضارب لان صناعتة تختلف عن باقي الكفرات لا تدخل فيه اسيام او خيوط يعني بالون خالص حتى لو بنشر لا يسلخ ..
- مشكلته الوحيده لحظه نزول المطر او دخولك مستنقع ماء فجاءه,
-اخوي سالم جرب البالون اذا انت راعي ضلع وصدقني ما راح تستخدم غيره مستقبلا بشرط زي ما قلت ضع الهواء 18 لان البالون عدوه زيادة الهواء ,واضرب الوعر ضرب ولا تناظر قدام,,
تحياتي لك واتمنى اني افدتك

[طعيميس]

اخوي
انا ركبت قبل اقل من شهر وانا مثلك خط وضلع
كان اختياري دنلوب على نصحية واحد من الربع الله يجزاة الخير
البرجستن قاسي والبالون للمنظر والطععععوس فقط للاستعمال ولا بريال ( يخرب العكوس )
بالتوفيق

[اسير الغضا]

البالون غير مناسب للخط رجه والهوا يلعب بالموتر


مامثل الجبليات سير على المحلات وناظر وش اللي يعجبك ويناسب ميزانيك

بس لاتنسى تقرى معلومات الكفر التحمل والوزن وغيره

[محمد المساعد]

نصيحه بالون ماكسس 900 بذمتي ماراح تندم بس نزل الهواء 25 للوعر وبنسبه لرساوه على الخط ياخو السرعه ماهي زينه انا اظمنلك 140 مرتاح غيرها هذا انتحار الله يسلمك

[التعـ King ـديل]

الغالي نصيحه مجرب ولا نصيحه دكتور صح

انا طول عمري مااسوق الباترول الا بكفرات البالون وذلك لعده اسباب اذكرها لك الان

1/ كفرات ماتنفقع يعني لاسمح الله ونقص هواها بالخط ولا انشقت ماتتصلخ وتعفس موترك.
2/ الين مطب على مستوى الكفرات بحكم انها نايلون.
3/ اخف كفرات وتريح الموتر وتخفف الصرفيه.
4/ بااي مكان نقص الهواء الى 20 وتمش لو كنت في وين تحس انك على مزفلت.
5/ منظرها على الموتر خيالي ورزه انا عن نفسي داخل المدينه احط الهواء 40 ولا شفت منها الا كل خير

المطلوب عليك تركب طقم ماكسس 900 / 8 غاط التايواني وراح تدعيلي ان شاء الله

ورصصه عند ميزان المجد وادعس الله يمليك بركه موترك