سؤال تخفيف مطاب الباثفندر 2007؟؟؟

[مضيع نعوله]

السلام عليكم
وكل عام انتم بالف خير
سؤال // انا عندي باثفندر 2007
ابي ترهيم او تعديل بالسياره لتخفيف قوه المطاب نهائي لاني حسيت ان السياره بدت تفكك مع شوارع الرياض كلها حفر ومطاب (( حسبي الله على البلديه )) كم مطب اكلته حسيت السياره تهتز كلها

تكفووون لا تبخلون علينا بالاجابه لكم دعوه فعلم الغيب في هذا الشهر الفضيل
ياليت قبل الاجازه

اذا وجد ياليت المحل او موقع الورشه ورقم هاتف لها لاني والله تعبت لم احصل شي

[التعـ King ـديل]

كفراتك برجستون صح ؟

بدلها هنكوك

[مضيع نعوله]

كانت هنكو وغيرتها لان شاهين كلها نفس الحكايه

[اسير الغضا]

وش نوع المساعدات واليايات

مالك الا تربط الموتر بين فتره وفتره

[مضيع نعوله]

المساعدات واليايات وكاله ماغيرت شي

هل تنصحني بالتغيير؟؟؟ هل يطلع مريح لسياره؟؟

التربيط ماعمري ربطت السياره

لكن انا ابيها عشان الاطفال وكبار السن

[ابوصالح77]

الموتر مريح ما شاء الله
شيك على المساعدات
والشاهين العريض عضل وأنت أبخص
إذا نويت تغيير ركب هانكوك أو ماكسس
أهم شيء لا يقربك البرجستون
بالتوفيق

[اسير الغضا]

الهانكوك مب صبور مشكلته

[التعـ King ـديل]

الهانكوك مب صبور مشكلته

من قال ؟؟

هذا انا مركبه على موتر عندي برادو 265/65/17 كمل سنه الان ومشيت عليه اكثر من 50 الف كيلو ومع ذلك مريح ولو تشوفه تقول جديد

[مضيع نعوله]

هنكوك ركبته ماينفع بالبر
المشكله عندي المطاب حفر الخطوط بالرياض هناك فرق بينه وبين بعض السيارات


سؤال هل اذا غير المساعدات واليايات هل تخفف قوه اكل المطب لسياره؟؟؟؟؟

[اسير الغضا]

اخوي انا مركبه للددسن قبل يعني مجربه

هو لين ولا عليه كلام وممتاز بالبران بعد

لاكن تشوف الشطوب بالكفر تقول لك سنتين مركبه

مع العلم الهواء عندي من 20 الى 30


ماينفع الا تملاه هواء 40 وحولك واذا عبيته وش استفدت


الهواء المعقول بالكفر 30

[مضيع نعوله]

ياليت المساعده هل هناك حل ؟؟

[مضيع نعوله]

رفع للمساعده شكلي ابي ابيع السياره اذا مافيه حل لها

[فصاص]

مساعدات الوكاله لينه جدا

غير المساعدات الخلفيه وركب اولد مان الاستراليه بتمسك الموتر ويصير افضل ان شاء الله

انا مسويها في موتري 2009

[مقلع الرمث]

كان معي 2008 باث جدا قياده ممتازه لكن مع المطب مع الجروف مالك سنع ماينفع ابدااا

اذا حملت اغراضك فحج الكفرات اللي وراء

واذا اكلت مطب وانت امحمل الله يعين اللي راكب وراء؟

ليش لانه يدق دق تعليقه قصير مره

والا انت خفيفه

الموتر ماااجلس معي على طول بعته

مرت الايام تلو الايام وطلعت انا واحد زملائي على باث فيندر 2007 طلعه صيد

وكان الجميع يمتلك عد سيارات

باترول لاندلكوزر واحنا باث فيندر

وكان اكثر ناس يقف اولا من الصيد الباث

وذلك لكثره الرج واكله للمطب جدا غبي

لذالك يتعب الراكب والسائق تعب شديد

رجعنا بسلام ولله الحمد من الرحله

لكن كانت التلفيات بسياره كثيره تخيل المساعد الامامي انكسر كسر ؟

وخرابات اخرى لا اتذكرها

عندك خيارات انا سمعت انهم يركبون ياي استرالي و مساعدات لكن هذي تزيد الطين بله راح يكون الموتر شاص

لكن نصحيه لوجه الله حاول تبيعها وتشري لك باث الشكل القديم ولا باترول ولا برادو ولا لاندكلوزر