بدوي جنوبي يابدوي جنوبي ولايهون البقيه.

[ياوجودي]

السلام عليكم ورحمة الله وبركاته

أخوي بدوي جنوبي بما إنك وحسب علمي انك مشرف هالقسم

أنا طالبك (مع إني قريت فوق تحذيرك المثبت عن موضوع تويوتا ونيسان) ولكن

أنا طالبك تحط في قسم السيارات وتجهيزاتها وتحت قائمة هالموضوع
(قسم تويوتا)
(قسم نيسان)
(قسم الأمريكي)

تكفى فكنا من التعصب هالفكرة صارت بمنتدى (........) المشهور جدا
ولكن الفكرة كانت مثل كذا هلال ونصر نصر وهلال << وأزعجوا روسنا
لحد ماحطوا قسم للهلال وقسم للنصر واللي يدخل قسم النصر ويحط مدح للهلال طلب للفتنه
تتكنسل عضويته والعكس صحيح.

يابدوي جنوبي فضلاً لاأمراً حط هالأقسام للسيارات وخل الصدور مرتاحه قبل تجي هوشه
وتخرب الجو العام.

[صاحب الذئب]

جزاك الله خير
ياخوي معقوله يصير هواش حتى على السيارات افاااااا
والله يمكن وليه لا
طيب ابقولك شي
والله ياالاخو ان رضاء الناس غاية لاتدرك
ولولا اختلاف الراي.....
لكن لاتزعل وخلك راعي الاوله اللي مايلحق

[ياوجودي]

هلا أخوي انا ماأقصد انا أنا أقصد فيه بعض أعضاء متحمسين اللي متحمس للنيسان
واللي متحمس للتويوتا. ومتعصبيييين.

فأنا أقول قبل يشتبكون بالكلام لأني اتابع هالايام زادت مواضيع المقارنه والمدح
انا لاني متعصب ولاأمدح عمري.ولاسيارتي.

الله يجيب الخير اليوم الواحد يملك تويوتا بكرا نيسان يعني وسيله لاغايه ياخوك.

[ابن علوان]

بدوي جنوبي يميل اصلا للتويوتا بنفسه

[اسير الغضا]

ياجماعة الخير

بدوي جنوبي باجازه حاليا علشان كذا الخيمه فوضويه الله يجيبه ويفكنا من قشرهم

[مفخرة فورد]

صراحة ماأخطأ يوم حذر من هالمواضيع اللي فيها مقارنة لأنها تشمل على كثير من المهاترات والمدح الفاضي اللي مايودي ولايجيب وبالعكس يمكن اللي له رغبة في الشراء ينخم من بعض الردود
نسأل الله الهداية والتوفيق لنا ولكم جميعاً

[ابن عكاش]

لاتزيدون العنصريه والتعصب خلو الدعوه وحده ترى بتصير حزبيات اكثر اتوقع الموضوع يحتاج ضبط فقط يعني المواضيع اللي فيها مقارنه فيها فائده بس بشرط ان مايكون سب ولا تعصب في الرأي بحيث لا يقول كلام مبالغ فيه اوكذب اما النقاش والمقارنه ومدح بعض الماركات من دون سب غيرها اتوقع يفيد المتصفح بأخذ تجارب وآاراء غيره اللي يمكن تفيده
مجرد رأي

[رعد سدير]

حطو قسم لنيسان ..التويوتاء مايستاهل يحط له قسم








خخخخخخخخخخخخخخخخخخخخخخخ
دعابه دعابه
والله تعصب لعب فينا من جد في كل الاموووور

[نداي العاصفه]

الدنيا مدوبره
تعصب سيارات
الحمدلله

[ziran]

السلاح عليكم
ليش التعصب كله حديد في حديد


تحياتي

[عميد سامودة]

مشكووووووووور يا صاحب الموضوع جبتها على الجرح ,,,,,,,,,,,,
ما يتعصب الا بزر جاهل .. اليابانيين يصنعون ويحق الهم الفخر .. صنعوا تويوتا ونيسان وهوندا وموتسبيشي ومازدا وانواع لين اللييييييل ,, واحنا مقسوم علينا نشتري بفلوسنا ولاندري كيف صنعوها ويجونك بعض صغار العقول الله يشافيهم ويقول ما يركب الموتر الفلاني الا مدري ويش , او شوف الموتر الفلاني ساحب له شيول ,, او او .. لا ومره واحد ابن حلال موتره خربان ويستشير الاعضاء شرواكم بالورشه الطيبه وينقز له واحد ( متحفظ باسمه ) ويقول تستاهل وش خلاك تشتري هذي السياره اللي فيها وما فيها ,, يا خوي وش دخلك الرجال يحاكي رجال شرواه ليش التعصب حتى والرجال مستفزع .........
عموما ما درت شركة نيسان وشركة تويوتا عن بعض الدلوخ ولا كان ما صنعت لهم سيارات وخلتهم على الحمير يركبونها

[اسير الغضا]

تنمنى التفاعل مع الموضوع حتى نرى ردا من الاداره الكريمه

فهو امر يزعج الكثيرين

[شاص99]

بدوي جنوبي ما قصر بس الحين وين
سوبر vtc وطاير بالعجه

لو الثلاثه اجتمعوا كان ظبطة الخيمة

[بوه مير نيم12]

يفترض ان فيه قسم خاص بمقاطع السيارت جميعها

[صوت الجزر]

حطو قسم لنيسان ..التويوتا مايستاهل يحط له قسم








خخخخخخخخخخخخخخخخخخخخخخخ
دعابه دعابه
والله تعصب لعب فينا من جد في كل الاموووور

خخخخخخخخخخخخخخخخخخخخخخخخخخخخخخخخخخخخخخ
هههههههههههههههههههههههههههههههههههههههههه

من غير تعصب رد رايق هههههههههههههههههههههههه

بيض الله وجهك يا راعي الموضوع وان شاء الله تضبط الامور