تعبية الفريون

[التل الصامت]

السلام عليكم وكلن باسمه وبعد

الموضوع وما فيه انه محتاج محل مضمون لتعبية الفريون والله تعبت من محل الى محل وكلهم ماعندهم سالفة يقعد الفريون حقهم شهر ويخلص والمشكلة ما تدري عنهم اصلي والا تجاري وهم غشينا غشينا حسبي الله عليهم والله لا يربحهم

والله يوفق الجميع

[التعـ King ـديل]

اسحاق بالصناعيه القديمه 0567353347

[واقعي وعقلاني]

اخوي لو كان حتى الفريون صيني وتعبان يجلس لكن المشكله شيك على المكيف اكيد فيه تهريب ...
كان عندي جيب كلما عبيته يخرب وأخره فلبيني غير جلده بـ 20 ريال وصلح
الأهم شف لك واحد فاهم وامين

[ريان2002]

كنت أتمنى تحط كل إستفساراتك في موضوع واحد بدل ماتحط زيت الجربوكس وزيت الدركسون والفريون كل واحد في موضوع مستقل وفي أيام ورى بعض (كل يوم إستفسار)
علشان تحصل على فائده أكثر وجهة نظر أتمنى ماتزعلك

[محرين باالخير]

شوف اخوي ابي اقولك علي طريقه سبق سويتها يوم تعبني التهريب روح لأقرب بنشري وعبي مواصير الفريون هواء عادي لحد 25 او 30 وروح البيت وروق علي الموتر وجبلك سطل ماء وحط فيه رغوة فيري واسفنجه ومررها علي كل الوصلات حقات المكيف وعلي كامل الدائره وإنشاء الله يطلع لك التهريب

[قطب 999]

تهريب في المكيف

[قراند ماركيز]

الا اكيد انه تهريب

[التل الصامت]

الاخ ريان2002] وبعد


وين ذكر الله عمى والا على الاقل ما شاء الله وبعدين تعال من حطك مراقب علي انت وجهك

ولو ماحنا في منتدى محترم ومجلس رجال والله على راسي من فوق ويستاهلون كان تصرفت معك تصرف ثاني قال وجهة نظر اقول احتفظبها للنفسك ازين

ولا عاد يكثر جاوب على السؤال والا لاتدخل وش جبرك على الدخول

[التل الصامت]

الاخ قطب 999

والاخ قراند ماركيز

وش دراك انت وياه اثبتولي ذلك

[ساحووق]

وش موترك ؟ يمكن السياره قرمبع ولا تنفع التعبئه

[التل الصامت]

راعي المصاغير تستهبل انت وجهك مابقاء الاهي اقول لا يكثر وش دخلك للموضوع اذا ماتعرف تجاوب خل الرجاجيل تجاوب عنك ولا تدخل تراء ما هو غصب ولا اجباري الا وجهك القرمبع

[satam1389]

انت حاط الموضوع عشان تستفسر ولا على شان تطالب خلق الله

[ابويعقوب1]

الله يهدي الجميع يا اخوان مايصير حنا نبي نستفيد ولا نبي كل واحد يلوم الثاني
اذكروا الله وتونا خارجين من رمضان طوالي تتنقارون مع بعض هدوا شوي اذا واحد غلط الثاني يهدا يجي شخص يقرا الموضوع وينزل تحت على المشاركات ما يلقى الا اكل واحد يلوم الثاني
وشكراً للجميع

[ريان2002]

الاخ ريان2002] وبعد


وين ذكر الله عمى والا على الاقل ما شاء الله وبعدين تعال من حطك مراقب علي انت وجهك

ولو ماحنا في منتدى محترم ومجلس رجال والله على راسي من فوق ويستاهلون كان تصرفت معك تصرف ثاني قال وجهة نظر اقول احتفظبها للنفسك ازين

ولا عاد يكثر جاوب على السؤال والا لاتدخل وش جبرك على الدخول

وحهة نظري من حقي عليك تسمعها ومن حقك علي أتقبل رفضك لها
بس مادام هذا ردك فكل إناء بمافيه ينضح والكلام البذئ مايدل إلا على سوء أخلاق راعيه يابطل

[واطي الجمرة]

ارجوا اقفال الموضوع