شوركم يالربع في الهايلوكس الدفع الرباعي

[ولد الجنوب]

شوركم وهداية الله يالربع ويش رايكم من ناحية الاستخدام البري والطعوس

[اسير الغضا]

نرفع موضوعك والله يكون بالعون

[سرطوقا]

علمي علمك ولو عندي خلفيه رديت لك

موووفق

[alddabal]

بابين ولا أربع

لاتحط فيها ثنتين

مافيها كلام

عندي غمارة دبل 2006 والى اليوم ماشتكيت منها
والي ياصل الشاص تاصله خفف الهوا على 25 ومايردها شي

[Y.Y.Y]

اخوي ولد الجنوب ...
انا ما اصح به ...
كان معي واحد 2004 وبعته واخذت باترل 93 وعرفت اني ضايع..
بإختصار موتر 4 سرندل لايهمك ...مهب جيب...
تراه بيفع ضغطك بالطعوس... لان كل قوته بالاول ... وإذا عطيته الثاني مات حيله...
ارجوا اني اكون افدتك...

[فهد الميهوبي]

اي سياره دبل لا تااااخذ الا 6 سرندل نصيحه

[دل البحار]

انت على حسب استخدامك لكن كان معانا هايلكس عادي من غير دبل والله يا تمشي في صبخات الساحل على البحر ولا تقول كلمة وفي الثاني وأوزن الدعسه تطربك والله عاد الجديد اقوى ودفع رباعي اشوف انها سيارة مقتدره
والله يوفقك

[fa393]

كان معي 2000 وجيد جدا بس لما جربت سوزي دي ماكس تربو والله انه مسحت فيه الارض قوه ومتانه ونظره وقوة المكينه3000

[ابوغيلان صالح]

انا عندي دبل 2009 والله الموتر مااقول لك انه احسن موتر لاكنه ممتاز جربته بالصبخه طولها 150 متر او ربع كيلو بس انك لاتبدل بدون رفع الضغط او انك تبدل وترف الضغط وتهد الكلج مثلا ثاني ثالث وانت ماشي يروح ما يقول شي وحرارته زينه مافيه ارتفاع الكش لين تقول بس وصوته حلو بالتقطيع ورفيع ماهو مثل البدون دبل

[ابو عيالي]

السلام عليكم 0كم سعر الدبل غمارتين دفرنسين قير اتوماتيك فل كامل0ولكم تحياتي؟

[ابن عكاش]

والله انا اقتنيته لكن قد جربت الموتر ان كانك راعي مكاشيت ومقانيص يعني منتب راعي مراقى وتطعيس بس تبي تقضي لزومك اتوقع الموتر بيفي بالغرض وزيادة من ناحية انه4سرندل صح قليلة عليه لكن ترا عزمة ماهو سيئ لذيك الدرجة
بإختصار حدد احتياجك علشان ماتحتار

[ولد الجنوب]

الله يبيض وجيهكم اجمعين على هالردوود ولا يحرمنا منكم

[راع الونيت]

كل عام وأنت بخير
والله ياخوي حسب حاجتك مثل ماقالوا الأخوان اذا طلعات بسيطة الموتر جيد واذاراعي بر دايم انصحك جنب عنه من واقع تجربة معي غمارتين دفرنسين 2007 بنزين فاكها جديدة ولازالت معي ماشية 116000كلم بالخط تطربك تمسح طبلونها بلحظة ومشيت عليها الى 195
وبالصحراء لك عليها لأن الوجهية واطية ومع النفود بدون دبل أفضل لأن المكينة قوية أما الدبل ضعيف جدا خصوصا الخفيف على طول يعطب
وبعدين والأهم ان السعر غالي واحد شاري قبل رمضان باسبوع فل كامل 2010 بـــــــ 88 ألف والله حرام خذلك جيب وريح راسك
هذا رأيي وأنت أبخص